2009年2月28日 星期六

夢見屋@太古城


今個 sem 呢兩班 FM 測驗出黎既 result 強差人意, 早响派卷前兩日, 二等兵已經同隊長講, 如果二等兵測驗唔合格的話, 因為二等兵唔開心, 所以隊長要請食飯, 如果二等兵測驗合格的話, 因為要慶祝二等兵合格, 所以隊長都要請食飯, 所以呢…..隊長點都要請食飯喇!!!

於是今日隊長就找了一間坐得舒服, 而又好好味既餐廳同二等兵撐枱腳喇~~~

黎到太古城都已經 1:30pm 了, 我地大約等左 15mins 左右先入坐~


0係等位其間, 見到門口擺放左 d 好吸引既 cake!!!

不過我地懷疑夢見屋同 Italian Tomato 同一個集團的, 因為門口有張野寫住 “Italian Tomato”。



呢個 cake 睇落就幾靚, 但係好似冇乜料咁…..



好喇, 門口擺左呢 4 個 set lunch 既 sample, 我地就0係呢 4 款揀兩個先, 唔知黎到會唔會貨不對辦呢?


隊長叫了 “忌廉鮮蝦飯” $55, set lunch 包沙律同餐湯~ (同個辦係一模一樣架!!!)


好好味, 好滿足,d 飯好忌廉味,食落似意大利飯~ 個味道真係好正~


沙律都好清新, d “塞米” 好甜~~


餐湯係羅宋湯, 冇得揀~ 好味, 唔辣, 啱晒二等兵~


二等兵就叫了煙三文魚蟹籽忌廉意粉 $55 (亦都係同個辦一模一樣架!!!)


又係好正, d 意粉都好忌廉味架~ 總之真係好正~


頭先等位既時候, 二等兵就係俾呢幾個芭菲吸引住……食得咁開心, 梗係要叫埋飯後甜品啦~~~


綠色果杯係凍黑蜜牛奶綠茶, 散叫 $32, 但跟餐 + $20

二等兵就叫了迷你芭菲 $28


兩杯都好好味, 好好味, 好好味…..

唔知係咪隔離飯香呢? 二等兵硬係覺得隊長杯黑蜜綠茶好飲 d~~  雖然我杯芭菲都俾我清晒……..hehehe~~



飽到唔郁得, 到 9:30pm 先肚餓食 dinner~

Total: $158 竟然唔使加一, 可能淨係 lunch 先唔洗~

隊長, 呢間餐廳要長期侵略呀!!!

2009年2月26日 星期四

大巴黎餐廳@MK


各位團友係咪以為我打錯字呢? 其實我冇打錯字, 真係唔係小巴黎, 係大巴黎呀!!!

我地經過見到寫住大巴黎, 望望餐牌都 ok, 就入去試新野~~~

我地叫左兩個 set dinner

Dinner 跟湯, main course, 及飲品

先來兩客白湯~ 正常水準~

其實飲過安東尼小廚既白湯之後, 二等兵對其他食肆既白湯一向冇乜要求~


二等兵叫了馬連娜雞扒拌薯菜 ($42)

雞扒幾好味, 好有肉, 又唔乾, 本來晚餐寫住可選配: 蒜蓉汁, 黑椒汁同燒汁, 但我地揀汁既時候又話我同隊長叫果兩個餐唔俾揀汁, 有 d 唔明, 不過食落個汁幾好味, 但薯條乾左 d~


隊長叫了德國咸豬手配飯 $48

我地諗住揀黑椒汁既時候, waiter 哥哥話唔可以揀汁的, 我地心諗佢會俾個特定既汁配豬手啦……點知送到黎就見到原來係 “白恰” 豬手…… 肉質有 d 似煲完湯既瘦肉……. 於是隊長就係咁點二等兵 d 雞扒汁喇……


餐飲選了是日特飲 “青蘋果梳打” & 凍鴦鴛~

是日二等兵著了一件黃色既衫….加埋呢杯青蘋果梳打, 簡直襯晒隊長….

都話二等兵係隊長既忠實 fans 黎架啦, kakaka~~~


Total: $90 唔使加一~

2009年2月24日 星期二

和菓子 ^^

艾詩美‧賽到日本渡蜜月, 買左份好靚既手信俾二等兵…….哈哈好開心~

佢知道二等兵鐘意粉紅色, 所以特登揀粉紅色俾二等兵!!







裡面個盒都咁靚!!







賣相真係好吸引!!!




唔知好唔好食呢? 二等兵仲未捨得開黎食~~~ ^^




多謝你呀艾詩美‧賽!!!

2009年2月22日 星期日

小城知味@葵芳

今日約左 Merci Mama 食 tea, 哈哈佢次次 d 時間都較得好準架, 一係就人地 Midterm 完, 一係就一地 exam 完, 所以次次 timming 都啱晒~

我地住得咁鬼近, 所以食 tea 都揀間近近地, 佢話不如去小城知味, ok 橫掂開左都未試過~

一人叫一個, 唔使爭, hehe~

香辣醬炒蘿蔔糕~ $23, 唔錯, 幾好味~




芝士什菌肉醬焗年糕 $22~ 芝士味好正~




餐飲 + $3, 熱柑桔蜜 & 熱薏米水, Merci Mama 話杯熱薏米水勁甜, 加左熱水溝淡都仲好甜………




Total: $51

2009年2月21日 星期六

侵略福田之吃喝篇 - Part 2 (品村日本料理)

隊長一場黎到福田, 梗係要食又平又抵既野啦 !!! 之前有網友講過話 “品村日本料理” 好抵食, 而且質素仲幾 ok, 開頭二等兵聽到0係大陸食日本野都有d 保留架, 但係隊長叫到, 就試下啦 ~~~

位置好容易搵, 0係地鐵 “大劇院站” 萬城對面就係架啦 ~~













我地大約 6:15 pm 左右入坐 ~

呢度係點任食 RMB 118/人, 餐牌入面除左有價錢既都可以任點任食 (只係得一頁飲品係有價錢, 所以餐牌既大部份食物都係任叫)

食物質素得唔得 ?? 即刻去片 !!!

先黎兩杯飲料先 ~~ 朝日啤酒 & 西瓜汁 ~~




火炙三文魚壽司 ~ (OK 幾肥美 ~)




燒牛肉粒 ~~ (好味)




魚生拼盆 (正 ~) 魚生係新鮮既 ~!!!




鵝肝 (唔掂 !!)




鹽燒雞軟骨 (正, order 左 3 次)




海膽壽司 (唔掂 ….  !!!)




燒銀雪魚 (正 !!!)




飲完杯朝日啤酒, 隊長再黎多個凍 sake ~




蟹子沙律 (好味, 其實好難會整到唔好味的 ~~)




仲有魚翅湯 tim ~


鹽燒鴨腎 ~ (硬左 dd)




芝士燒帆立貝 (超正 !!!)




茶壺煮湯 ~ (冇乜特別 ~)




燒牛脷 (正, order 左 3 次~)




燒牛仔骨~~ (ok, 但羊好味 d ~)




麵豉湯 ~ (幾好 ~ 好麵豉味 ~)




再 order 剌身先 ~ 今次淨係 order 三文魚, 章紅魚同甜蝦 ~




叫多杯可樂同橙汁先, 個橙汁好好味 ~~




芝士黃金蝦 (超正 !!)




黎多個鹽燒牛脷先 ~~




鹽燒雞翼 (得皮架咋冇乜肉 ~, 隊長至愛, 所以咪叫左 3 次囉 -_-” )




燒羊鞍 (好正 !!)




呢個時候已經飽到唔郁得, 但都叫多杯橙汁, 雪糕同草餅先 ~~

雪糕有雲呢拿, 朱古力, 芒果, 士多啤梨, 香芋可以選擇 ~




埋單兩位 Total RMB 236, 抵過0係 HK 食好多 ~~

見到車厘子 ~~




玩到 9 點幾就打道回府 !!!