2009年3月28日 星期六

品村日本料理@福田

自從上次侵略完品村之後, 為食既隊長一直心思思想黎侵略多一次~

聽網友說品村因為越來越多人食的關係, 就快會加價, 所以我地今日特登趁佢加價之前再黎侵略一下先!!! (點知原來已經加左價喇 ><)

因為此行既目的係為左黎品村食dinner, 所以我地 6:15pm 先上到黎。

黎到門口先知加左價, 而家:

RMB 138/位, 限時 2.5hrs (上次 RMB 118 不限時)。

8:30pm 後 RMB 118/位, last order 9:30pm (咁即係得 1hr 叫野?)

加左價仲要食少左時間, 但係二等兵同隊長一場黎到, 冇理由唔食丫!! 於是同姐姐仔講: “兩位丫唔該!!”

上次冇影到門口既環境, 今次補影返俾各位團友收看~~







就係呢幾位廚師好忙碌咁切緊d 魚生俾我地食喇!!!





比上次貴左 $20 人仔 @_@, 隊長即刻話要食返夠本, hehe~




因為有左上次既經驗, 所以我地今次係策略性地叫野食!!

由於上次 d 飲品勁耐先送黎, 攪到長時間制水, 於是今次索性一次過叫多 d, 我地一叫叫左兩杯橙汁, 一榨啤酒同埋凍清酒慢慢飲~ 本來想叫一榨橙汁架, 但係侍應姐姐唔知係咪聽到我地叫左一啤酒呢, 於是就同我地講話橙汁要一杯杯 (後尾見到係有一架~)




上次食左成 3 hrs, 但係今次限時 2.5hrs, 所以我地今次一叫叫左好好好多野食, 侍應姐姐見我地係咁叫叫唔停, 忍唔住話: “不如食住先啦!” 哈哈….又係既我地咁叫法真係嚇親人….

果醋三文魚沙律, ok good~




海膽手卷, 上次食過 d 海膽唔得, 今次隊長話俾多次機會佢, 所以只係叫個手卷試下, 但d 海膽都係唔好食, 不過比上次冇咁難食!!




發育不良既燒鴨腎~ 不過味道不錯~




自選既刺身拼盤之 (1)~

我地叫左好大量既三文魚同甜蝦架, 不過黎到每款得 3 片, 同埋無叫海膽但係俾左一版海膽~

不過魚生勁新鮮, 超好味!!




隊長至愛既燒雞翼之 x 4 (隊長獨享架!!!)….

隊長無啦啦唱歌: “燒雞翼, 我鐘意食…” -_-“




勁正既黃金燒大蝦, 真係好好味!!!




三文魚手卷…嘩件三文魚咁奀既….不過塊紫菜勁脆!!!




呢件就係傳聞中既鴨掌喇!! 上次錯過左…之後上網一直聽到網友勁讚呢隻鴨掌, 隊長一直後悔冇食到….今次第一件事要 order 先~~~

嘩, 真係好入味, 仲好味過响 HK d 酒樓食果 d!!!

呢隻係隊長今晚食既第一隻鴨掌~~

你地不如幫手數下隊長食左幾多隻雞翼同鴨掌??




唔知係咪 d 侍應知道隊長既戰鬥力驚人呢, 我地叫到 d 野食都唔夠位擺, 突然侍應哥哥搬住張枱果黎放响我地隔離, 望下我地笑笑口 tim~~

good, 加多張枱冇咁迫, 我地又可以叫到成枱都係!!




上次 d 鵝肝都唔係幾得, 但係隊長話叫一塊試下, 今次仍然係唔掂, 下次直情唔使叫!!




勁好味既串燒雞軟骨!!! 後來再加單都冇黎到… @@




魚翅湯~ 隊長話好好味~~




刺身拼盤之 (2)~ 今次揀左三文, 章紅, 甜蝦同金槍魚~ 超正!!




羊鞍~~超好味, 好有羊酥味!!









嘩 …… 食到中段隊長已經飲哂一朝日啤酒喇!!! 真係 “近” 呀~

後來發現隊長飲到 wing wing 地… ><”

二等兵响呢個時候同隊長玩 “酒後吐真言” kaka!!!


牛肉薄燒~ 正!!




燒雞翼 x 2 (又係隊長獨享架!!!)




剌身拼盤之 (3)~ 今次叫左劍魚, 三文, 北寄貝, 章紅, 明明冇叫海膽架…點解又响度出現既~ hehe~

魚生食到勁滿足!!




蝦天婦羅~ 正呀!!!




帶子北海燒~~ 嘩, 勁正!! 呢兩隻係一開頭叫到而家先出現, 勁漏單!!




三文魚手卷 again!!




由於一開頭等極都唔見帶子 (帆立貝) 既出現, 所以我地追左幾次單, 點知一次黎兩碟~~ 正呀!!!




黃金燒大蝦 x 4, 又係超 good, encore again !!




剌身拼盤之 (4) 喇!!! 今次叫左三文, 醋鯖, 甜蝦, 北寄貝 & 章紅, 嘩真係好滿足!!!




呢個時候二等兵已經飽到唔郁得, 但係隊長既戰鬥力十分強勁, 拿, 你地再數下隊長仲可以繼續食左 d 乜…..??

不如我地 focus 响雞翼同鴨掌丫!!!

鴨掌 x 2, 兩隻都係隊長既~ 不過真係好味丫!!




唔好以為我放左兩張 double 既相呀….其實係另外兩碟黎架….之前漏單丫嘛, 咪又追單囉, 點知原來唔係漏單, 而係耐得滯未送黎姐~~

呢兩隻又係隊長架!!!




好, 再黎兩杯橙汁先!!




仲有新野架~~ 牛油焗露筍~~




雖然唔多似露筍, 但都幾好味~~




哈哈 …. 魚翅湯 again!!!




見就黎夠鐘, 二等兵即刻嗌雪糕先!!

二等兵同侍應姐姐講: “唔該我想要雪糕!!”

"請問要咩味呢?"

"全部味要晒丫唔該!!!"

哈哈哈….就係咁, 枱面就擺放左 5 種味既雪糕喇!!!

有芒果, 士多啤梨, 雲呢拿, 朱古力 & 香芋!!

除左雲呢拿外, 全部都好好味!!! (二等兵唔食雲呢拿味雪糕的, 但隊長話好好味) 尤其係朱古力 tim!!!




我地真係冇嘥野架, 全部食得晒架!!




你睇又擺到一枱都係野食~~ ^^




突然侍應姐姐又遞上 4隻雞翼 -_-“, 不過隊長話食得晒, 等佢黎!!(都唔明點解一個咁大食既人個身型都咁 fit??? 真係唔公平喇!!) @_@




由於朱古力雪糕實在太好味喇, 但係望望鐘, 原來已經夠鐘喇!!

但係為食既隊長話好想食多一杯朱古力雪糕, 於是二等兵同侍應姐姐講:

"我地知道夠鐘喇, 但係又想食多杯朱古力雪糕喎, 唔知你可唔可以一邊幫我埋單, 一邊幫我落多杯朱古力雪糕呢?"

阿姐姐仔勁好人, 佢幫我地落單之餘, 過左一陣見到未黎仲即刻衝入廚房追單 tim~~~!!

話時話個朱古力雪糕真係超好味, 連唔食朱古力雪糕既隊長都話要 encore!!!




如果者, 2.5hrs 我地兩個食左咁多野:

橙汁 x 4 (good)

朝日啤酒 1 榨 (good)

凍清酒 x 1 (good)

三文魚果醋沙律 x 1 (fair)

海膽手卷 x 1 (not good)

鴨腎 x 2 (good)

刺身拼盤 x 4 (very good)

雞翼 x 10 (隊長話 very good)

黃金燒大蝦 x 10 (very good, must try item!!)

三文魚手卷 x 2 (fair)

鴨掌 x 6 (very good, must try item!!)

鵝肝 x 1 (not good)

雞軟骨串 x 6 (very good, must try item!!)

魚翅湯 x 3 (good)

羊鞍 x 2 (very good!!)

牛肉薄燒 x 1 (good)

天婦羅 x 2 (very good, must try item!!)

帶子北海燒 x 4 (very good, must try item!!)

牛油焗露筍 x 1 (good)

雪糕 x 6 (must try chocolate!!)

嘩, 兩個人咁食法, 佢地會唔會點我地相架??

(其實有 3/4 係隊長食, 二等兵只係食左 1/4 咋~)

Total: RMB 276

總括黎講, service 好好, 野食唔係全部好好味, 但大部份想食既野都好 ok。 開頭漏單既情況唔嚴重, 但係叫第三轉開始, 出菜開始慢喇~ 叫左咁多樣野只有一樣係冇黎到, 就係牛油焗青口~~ 所以响第一, 二次叫野時應該要叫多 d !! 以呢個價錢黎講 ok 啦~~ 

Bon Bon, Happy Wedding!!


今日係 Bon Bon 既 Big Day, 祝妳同 Gary:

甜甜蜜蜜,

幸福快樂,

白頭到老,

永結同心,

開開心心,

快 d 有喜,

總之就 sweet sweet 啦!!!

餃子皇@西環

今天有因為有個 important dating 在 3:00pm 响公司附近進行, 所以二等兵提議先到西環吃 Lunch~

隊長話不如食餃子丫, 所以我地揀左餃子皇~

好平既擔擔麵!! $12




二等兵唔想食麵, 所以點了一個什錦餃子 (8隻 - $20) ~

款式好多, 有:

韮菜餃, 白菜餃, 波菜餃, 椰菜餃, 香芹餃, 香辣餃, 咖喱餃同埋素菜餃!!

咁多款式, 啱晒貪心既二等兵!!!




真係第一次食咖喱餃子!! 好特別~




加 $3 有豆漿一杯~ 唔細架~




KO, Perfect!!




Total: $38, 抵到爛, 又幾好味!!

2009年3月27日 星期五

林記粟米肉粒飯

繼上次整左個茄蛋牛飯之後, 今日又再試另一款碟頭飯~~~

登登登登…..就係塞米肉粒飯喇~~







哈哈個賣相係咪好得呢~~~ hehehe~