鬆弛熊鏡

尋晚隊長獨自去 shopping 既時候, 經過見到有鬆弛熊既產品, 於是買了份愛的鼓勵俾就黎考試既二等兵!!!

心型鬆弛熊鏡仔~

其實隊長可能叫二等兵 : “照下鏡啦你 …..”

多謝你丫隊長!!!

君滬鍋貼大王@葵興

頭先食完壽司後就一直行街街, 行到食飯時間都唔係好肚餓, 於是就嚟到君滬食小食 !!!

隊長鍾意食腸粉, 於是叫了 $5 混醬腸粉, 腸粉好滑丫 !!! 正 !!!

二等兵就最鍾意食呢度既豆腐花, 真係好滑架 !!! 嚟多個豆漿先, 豆漿好濃豆味, 真係正 ~ !!

Total: $22, 抵到爛 !!!

題外話, 坐低等食既時候, 見到牆上有封感謝信, 原來早前有個日本作家到西營盤分店採訪, 並介紹這間食店到日本, 為表答謝, 於是就寫了封答謝信給君滬 !!! 勁呀 …連日本人都喜歡~ 

金水壽司@銅鑼灣

今個星期偷懶一週, 沒有 book 場打波, 於是同隊長睇了場戲~

睇完戲都 3:30 pm 啦, 隊長便提議來到 “金水壽司” 吃下午茶壽司 !!! (原來二等兵既壽司癮係會傳染俾隊長既 !!! )

好鍾意去銅鑼灣呢間, 因為無乜人, 就算 3:30 pm 先黎到都唔使等位 !!!

好肚餓丫 !!! 快 d 叫野食先 !! 餐牌上全部半價, 抵 !!!

帆立貝壽司, 醋鯖魚壽司, 蟹棒壽司, 三文魚壽司樣樣都叫 !!!

炸雞軟骨~ 正 !!

軍艦壽司 (明太子沙律, 海膽 & 蟹膏) !!

火炙三文魚壽司 ~

軟殼蟹沙律~ 縮咗水 bor !!

芥辣八爪魚軍艦 ~

奶油薯餅, 原來唔係薯仔餅, 而係蕃薯餅 ~ 隊長激讚, “薯仔二等兵” 就覺得薯仔餅好食 d ~

海膽甜蝦卷 ~

油魽魚手卷, 都 OK ~

"拉麵怪隊長" 每次食下午茶壽司都必叫拉麵, 今次揀左牛肉拉麵 ~ 好味 !!

隊長獨享 !!!

KO-ed !!!

Total : $214

味道都維持到, 但每樣嘢都縮晒水, 尤其軟殼蟹沙律 & 拉麵 !! 不過如果維持半價都會繼續侵略 !!!

Patio 88@上環

今日約了友人食 lunch, 因為有事要傾, 所以揀間靜靜地既餐廳, 而呢間餐廳在二等兵公司樓下, 開左咁耐一直未試過, 於是提議來到這裡~

準時 1:00pm 落到樓下, 等了大約 10mins 左右先有位~

我地一人叫一個餐~ 餐跟餐湯及蒜蓉包, 味道唔錯, 好香牛油味!!

白湯就失色了, 好似 “豆粉獻”!! 再加上面上橙色的一點裝飾…原來係辣椒油, 所以碗湯飲落有點辣, 同白湯唔係好襯…..

紅酒牛脷燴意粉 $45 - 好淡, 唔係幾夠味~

二等兵至愛 - 肉醬意粉 $45, 又係好淡丫, 好似無加鹽 (同行友人都有相同感覺), 好似大家樂 d 肉醬意粉好食 d…

餐飲可選擇橙汁, good!!

叫餐 + $12 吃 cheese cake, 但今天不是 cheese cake, 而是 Tiramisu, 所以有點失望, 同行友人喜歡食 Tiramisu, 所以我地叫左一件 share~ 可惜因為相機無電所以影唔到相~ hehe, 估唔到件 Tiramisu 幾好食丫!!!

總括黎講 d 食物淡左 d~

生日飯之碌冧@荃灣

今日有兩個朋友仔同二等兵慶祝生日 !!

其實到左呢個年紀, 每年都有一班固定朋友生日時候出黎聚聚真係好難得, 而今晚約出來的兩友朋友其實係兒時認識, 但我地其實從未一齊讀書過, 到而家仲 keep 住呢份感情, 真係好難得!!!

我地大家都係在 “對面海” 返工, 所以放工約埋一齊搭 MTR 去荃灣, 其實之前想食 outback, 但因為各人都熱氣, 所以隨意下找到這間越南餐廳!!

呢度雖然係任飲任食, 但我地三個女仔都好細食, 所以我地選擇散叫~

唔知點解我地三個都好似有 “選擇困難症” 咁, 攪左一輪先決定叫以下食物:

香蔥牛肉蝦片 ($48) - 份量少 d, 但味道唔錯, 牛肉幾有牛味, 蝦片脆脆的, ok good~

香芒柚子蝦沙律 ($66) - 賣相幾得, d 蝦好新鮮, 柚子有點苦澀, 整體上都唔錯~

水晶軟殼蟹卷 ($48) - 呢個係二等兵點既, 所以覺得好好味, hehe~

裡面夾住 d 酸蘿蔔, 可以中和返炸物既肥膩~

越式春卷 ($38), 呢個都唔錯丫, 包住 d 生菜食, 唔錯!!!

椰青魚柳焗飯 (配魚露) ($75)

這個就比較一般了, 因為各種配料的味道都是 “獨立” 的, 魚有魚既味, 洋蔥有洋蔥既味, 薯仔有薯仔既味, 汁就有汁既味 — 意思即係 d 配料就咁放在碟上, d 汁係就咁淋上面再焗, 所以食落去麻麻地…

呢個飯構思都幾特別, 唔錯~

最開心既係食完飯後, 大家傾下情況, 談談往事, 勾起了不少回憶!! 好開心!!!

多謝你地丫!!!

—————————————————

飯後仲有禮物收, 真係好感動, 因為二等兵之前略略提過近排鍾意鬆弛熊, 點知佢地仲記得!!! 仲有呢幾份禮物係佢地幾個月前去日本買架, 幾個月前去日本玩都掛住二等兵份生日禮物, 真係好感動丫!!!

呢隻乳牛鬆弛熊好可愛丫!!!

眾所週知二等兵係一個車厘子迷, 佢地特登揀車厘子的產品俾二等兵, !!!

哈哈, 仲有口罩 tim!!! 不過二等兵一定唔捨得用!!!

感情係雙向的, 當你地搵到知心好友既時候, 記得得閒打個電話, 發個 sms 問候下對方丫!!! 咁先可以 keep 到呢份感情!!!

侵略廣州 - food & drink 篇

今次來到廣州成日唔係飲就食 !!!

可能因為太熱既關係, 成日都要買嘢飲 ~

廣州都有好多美食0架, 呢 d 就係呢兩日食過既嘢 ~

諗起都肚餓 …..

(請看下回 : Keroro & Tamama 之合照篇)