2009年8月31日 星期一

十年約會

啱啱睇完靚聲大賽, 聽到呢首歌幾好聽, 於是 copy 上黎俾各位聽下~

十年約會


2009年8月30日 星期日

鬆弛熊 ~ 聖安娜蛋糕

上兩個星期, 二等兵為左三套鬆弛熊碟而訂左三個一磅蛋糕, 今日終於攞埋最後一個蛋糕喇 !!!

第三個蛋糕係 “朱古力慕士蛋糕” ~




今次無隊長响度, 呢塊鬆熊朱古力無人食 ~~~




上次吃了兩個聖安娜蛋糕之後, 對第三個蛋糕都無咩期望, 但真係估佢唔到, 呢個蛋糕係出奇地好食!!!

可能因為二等兵鍾意食朱古力 ?? 定係因為呢個蛋糕比較少海綿蛋糕 (無咁 “鞋”)呢 ?? 總之整體黎講係比預期中好 !!!




Good !!!

之但係二等兵身體不適, 所以只係食左一啖咋……..

另外兩個蛋糕~

http://hk.myblog.yahoo.com/keroroxtamama/article?mid=4337

2009年8月29日 星期六

迪卡倫咖啡及凍飲專門店 @ 荃灣

隊長响網上睇人地 d 飲食評論, 見到呢間餐廳好似唔錯咁, 於是我地黎試吓 ~~




環境靜靜地, 又有電視睇, 唔錯!!!

呢度係西餐廳, 但都有台灣, 日式食品~

隊長點了 “至尊自家什扒王” 跟飯 ($45)




包括有 : 豬扒 (其實係煙豬脾肉), 雞扒, 芝麻雞翼, 黑椒牛肉, 芝士腸 (2 條) ~

最最最仲要係….有一碗白飯俾飯桶隊長 !!!




二等兵身體不適, 唔敢食太肥膩既食物, 所以叫了 “蒜香牛柳粒拉麵” ($34)




飲品可以配普通飲品 : 檸茶, 檸水, 咖啡, 奶茶等等, 或 +$2 配至尊朱古力, +$6 配特式飲品 (冷熱同價) ~
今次我哋選擇咗凍咖啡及檸水




唔知點解隊長次次食親拉麵都要 KO 埋 d 湯既…. -_-“




Total : $79 (唔使加一)
食物又 OK, 又抵, 加上環境又靜靜地, service 又無乜野, 唔錯 !!

上海一品香菜館 @ 尖沙咀

今天同隊長去尖沙咀, 於是到尖沙咀厚福街開餐~

我地好隨意之下就入了這間店舖~

隊長點了回鍋肉客飯 ($30), 轉肉燥 (+ $3), 客飯包括湯及飯各一碗~
冬瓜湯 ~~




回鍋肉 & 肉燥飯 ~~



二等兵因為身體不適, 所以只吃了半碗雪菜肉絲麵 ($20)~




另外半碗係俾隊長 KO !!!







無咩特別 comment, 因為實在無咩特別 !!

唔知係咪外面太熱呢 ? 只覺得唔夠冷氣~

Total : $53

2009年8月27日 星期四

Surprise !!! 鬆弛熊音樂盒

今晚好開心, 好似特別日子咁 !!! 因為响九龍酒店食緊 buffet 既時候, 隊長突然遞上一份禮物俾二等兵 !!!
登登登登…… 就係鬆馳熊音樂玩具 !!!




隊長話係獎勵二等兵讀完呢個 course !!! 好 surprise 吖 !!!







鬆弛熊每個動作都好 cute!!!








hehe, 好 hea !!!




仲有音樂架~ 大家聽下~

2009年8月26日 星期三

令人失望的 Buffet - 九龍酒店 倚窗閣之實戰篇

隊長同二等兵巡完場就即刻開波喇~~~

話晒都成 7:00 pm, 又係肚餓既時間~~ ^^

試下 d 冷盤先~

蝦同翡翠螺都好新鮮, 凍肉腸同平時食開果 d 無分別; 而煙三文魚同黑椒鮫魚都幾好味~




大家留意下細細兜果個係今晚既主打之一 — 韃鞳和牛 , 細左 d but OK 好食~




紅燒竹笙翅 - 好咸同埋無乜料……




燕窩粟米湯 - 搵唔到燕窩, 同埋味道都係偏咸, 都係老豆煲既粟米魚肚羹好味 d~




試吓沙律先, 二等兵勁鍾意食沙律, 所以唔知係咪對沙律要求特別高呢 ?? 今晚呢 d 係普通野, 唔 expect 在酒店食呢 d 質素 …….



青口, 凍蝦都好新鮮, 帕爾瑪火腿唔錯 ~




其實今晚真係好多人, 攞野食果陣人來人往,  d 熟食檔又要排隊, 最離譜係攞剌身果陣, 排長龍, 排到埋去, 三文魚無晒, 咁二等兵就迫於無奈咁要吞拿魚, 你地睇, 呢一隻係中 size 碟, 每人得 3 小塊, $358/位, 排到埋去好似配給咁…..食都食得唔過癮…………




隊長再接再勵, 開始試熱盤類~

麵豉燴和牛肉 - 好正, 要 encore ~~
啤酒焗羊膝  - 好 “鞋” 好咸, no good, 另外一兜係 encore 和牛~




冷麵, 多春魚, 雞軟骨串同天婦羅都 OK, 不過天婦羅又係供不應求, 要企响度等, 炸唔切, 一有又俾人拎晒, 同埋無蝦天婦羅, 全部都係野菜天婦羅…..




終於等到有三文魚剌身, 不過又係配給…@@




隊長見熱盤唔啱口味, 所以又食返冷盤~




右手邊呢條炸蝦卷要講講, 好硬同好油….



唔知係咪因為今晚 promote 萬字醬油同麒麟啤酒呢 ?? d 食物偏咸, 可能想人食完萬字醬油後叫啤酒飲下掛 ?!

二等兵無乜 quota, 所以都係食比較吸引既甜品~

梳乎厘, 朱古力慕士, 士多啤梨慕士, 木糠布甸, 藍莓乳酪, 全部都正正正 !!!




鬆弛熊望住呢個疑似溫泉蛋, 原來俾佢外表欺騙左….佢既真身係 “黃梅椰子慕士”, 味道一般 ~




呢期做緊和風 promotion, 每人會送一隻海膽大蝦黃金燒~~~ 算係失落中帶點驚喜……




其實味道唔錯的, 但蝦有點 “梅”, 所以扣了少少分~




網上 book 位送飲品~ 可以揀橙汁, 蘋果汁, 啤酒及汽水, 阿媽教落唔好同陌生男子在公眾場合飲酒, 所以二等兵揀了橙汁, 而隊長果杯唔知係咪麟啤呢 ???




隊長話無乜熱食啱口味, 於是拎炒飯同炒麵……點知一試完隊長話好好味, 後尾仲 encore 左幾次 tim…. -_-“”“




二等兵已經主攻甜品喇 !!!

Blueberry cheese cake, Tiramisu, 芒果布甸, 芒果拿破崙 - 全部都好味!!!




你睇隊長又食炒飯同炒麵喇, 話俾人知佢唔係飯桶都無人信啦 !!!




呢個紅燒竹笙翅湯又係一出就好快無, 拎返碗飲下先~~




响隊長係咁食緊熱食既時候, 二等兵已經開始攞雪糕喇 !!!




Tiramisu, 芒果布甸, 芒果拿破崙 encore!!!




仲有好好食既藍莓乳酪, 二等兵一人食左三杯!!!




又黎 ??? 芒果拿破崙 !!! 仲有新出既甘荀蛋糕, 味道 OK~




唔滑既豆腐花….@@




終於唔洗排隊喇, 二等兵走去攞多次三文魚先, 又係得三片, 真無癮…..




令隊長 encore 左好多次既炒麵……




又黎多碗豆腐花 …..




因 compass visa 有 8 折, 埋單 Total : $644.4 (兩人)

其實又唔係唔好食既, 不過熱盤類就偏咸, 沙律就好普通, 同埋人太多, 樣樣野都要排隊, 最頂唔順係魚生第一次排到埋去連三文魚都無….排到去又得 3 片, 好似去左加州紅食 K-buffet 咁, 佢都係俾得 3 片。

反而個甜品有驚喜, 揀既大部份都係好食既!!! 但如果問我值唔值原價 $358/位 ?? 我會答你下次應有更好的選擇…..

請看上回 : 九龍酒店 倚窗閣