2009年9月26日 星期六

鬆弛熊書 (Fan Book)

好開心, 隊長托朋友响日本買了一本鬆弛熊 Fan Book 俾二等兵!!!

見到佢個封面都好開心~




上個月先話想學日文, 但係呢排掛住睇小說同整蛋糕, 又把學日文熱情丟低了, 不過今日隊長送俾二等兵呢本係全日文, 又攪到二等兵好想學 tim !!!

查實二等兵成日話學日文, 唔多唔少都同鬆弛熊有關架~~ hehe~~

Pizza Hut @ 旺角

今日趁仲係炎炎夏日, 同隊長去左游水, 隊長就响出面做曬燶隊長, 佢曬左幾個鐘之後就開始曬命, 話曬極都唔黑喎 !!! 查實呢個係萬千少女 (包括二等兵) 既夢想….都唔明點解會發生响一個想曬黑既男人身上架 !!!!!

我地游完水先去醫肚, 黎到 pizza hut 都成 4:00 pm喇 !!! 呢個時候梗係叫下午茶啦 !!!

若果叫下午茶餐的話, 汽水是無限添飲~ 我地揀左忌廉同 light 百事~




呢個係 “千島海鮮迷你必勝批” (厚批) ($41)




呢個係 “迷你葡汁雞皇焗意粉” ($29)

真係好襯個名, 夠晒迷你 !!!




飲品第二次添飲 ~




Total : $77

無咩野可以講, 因為實在無咩 expectation….

要食 pizza 都係去 Daddyo’s 或者薩莉亞啦………. 

2009年9月24日 星期四

添飯小廚 @ 西環

今日隊長搵到呢間飯店開餐真係抵讚 !! 點解? 我地即刻去片 !!!

放工隊長同二等兵有 d 野做, 所以黎到開餐既時候已經接近 8:00 pm 喇, 但好彩我地早一步, 因為黎到都係得兩枱客, 但我地坐低後無耐已經開始等位喇 !!!

呢度係食中式小炒, 應該係做街坊生意~ 老闆佢地不知幾好人, 又親切喎, 仲好細心 tim, 一坐低即刻熱情招待 !!!






睇下食咩小炒好先~~

首先黎個我至愛 — 菠蘿咕嚕肉, 大大碟, 都係 $38, 唔會太乾, 又唔會成舊都係粉, 正~




隊長既至愛 - 揚州炒飯 ($28)

我地叫左先發現枱枱都叫呢個飯 !!!




炒得好乾身, 食到最底唔覺有油, 健康~~




你估我地仲有叫咩餸呢 ?? 嗱, 俾 d tips 大家, 你估老闆撈緊咩 ?? 魚?? 蝦 ?? 非也 !!! 佢就係撈緊扇貝俾我地喇 !!!


呢個係店長向我地推介既蒜蓉粉絲蒸扇貝, $8 / 隻, 食幾多隻任揀, 蒜蓉味 very good, 撈埋落 d 粉絲度食, 一流 !!!




近 d 睇下…….




再近 d……..係咪好想食呢!!! kakaka!!!




呢個時候已經攪到張 4 人枱成枱都係野, 女侍應上呢碟 “賽磅蟹” 既時候以好特別既語氣問 “係咪有叫賽磅蟹呀??”, 梗係啦兩條友食咁鬼多野………..




呢個賽磅蟹餐牌上無架, 話說隊長問佢除左 menu 上寫之外, 仲有咩蔬菜選擇, 店長講下講下就話不如試下賽磅蟹啦, 仲明碼實價話 $38, 問都唔使問, 咁我地就試下啦~~

不過呢度既賽磅蟹同平時食開落醋果 d 有少少唔同, 但味道都係 OK 既!!!




免加一, 埋單都係 $136, 又好食, 又抵食, 服務又好, 梗係要 encore 啦 !!!

2009年9月23日 星期三

芝麻芝士蛋糕

材料︰ (15cm圓形模份量)

15cm圓形蛋糕     1片




純芝麻粉    15克




忌廉芝士    125




糖      50 

鮮奶  100

魚膠片  2.5片 (用魚膠粉的話, 約7.5g)




淡忌廉  250g



製作:

1. 忌廉打起,放入雪櫃備用。




2. 魚膠片用凍開水浸軟,備用。

3. 忌廉芝士加糖,奶坐暖水打軟。




4. 加入魚膠片拌至完全溶解,離水。

5. 再加入芝麻粉拌勻。




6. 將芝士溶液和忌廉混合拌勻。.

7. 倒入己放蛋糕片之模中,放入雪櫃雪凍。






貼士

芝麻粉用時,再磨碎一次(或幹壓數次)味道較香濃。



隊長話呢個好食過上次果個芝麻慕士蛋糕~~

http://hk.myblog.yahoo.com/keroroxtamama/article?mid=4843

2009年9月20日 星期日

鬆弛熊 Cushion

隊長尋晚行街街, 見到油麻地呢度有間 shop 賣好多鬆弛熊既產品, 於是帶二等兵黎睇下~

不過因為屋企地方淺窄, 所以唔可以買咁多野, 於是買左一個 cushion 返公司用!!!

可惜啡熊已經賣晒喇……唔知點解次次想買啡熊果陣次次都買唔到, 於是就買左白熊, 攪到屋企既鬆弛熊大部份都係白熊…..




啡熊望住好大隻白熊……..

Crystral Ball - from Nylon 特別編集

最新一期 Nylon 雜誌以 Crystal Ball 袋為主題, 二等兵一見到又流哂口水, 梗係啦, 上次去日本已經錯失左買 Crystal Ball 既機會, 今次睇見呢期呢個 Crystal Ball 袋, 真係好鬼鍾意 !!!

下午行左幾間書店, 格到最平都係呢間, 終於忍唔住買左佢!!!




日本人既心態係買雜誌送袋, 二等兵就本末倒置, 係 “買袋” 送雜誌 (即係 target 係個袋), hehe~




日本人真幸福, 成日有 d 咁靚既袋隨雜誌附送, 响 HK 就炒到貴一貴 !!! @@




Size 係細既, 但二等兵都可以上膞, 而同專門店入面 d 袋相比, 係無左塊鐵牌囉, 不過價錢同舖頭買果個差咁遠, 所以呢個都係值回票價架!!!




除左黑色之外, 仲有兩個色選擇, 一個係粉紅底配黑色綑邊狗頭公仔, 另一個係白底配黑圓點, 其他就係樂天限定 & Tsutaya 限定~


二等兵都係對黑底金邊情有獨鍾, 可惜佢係 Tsytaya 限定吖…..




今晚真係要趁阿媽唔為意, 偷運返入房先~~ kaka~~

甜品革命 @ 旺角

今朝二等兵攞左份免費報紙介紹呢間甜品店, 同隊長講起, 原來咁啱又係隊長早兩日上網見到人地登過呢間既食評, 所以一於今晚試一試~




打開 menu, 見到有 top 10, 除左 top 10 之外仲有好多甜品選擇, 但係花多眼亂, 所以我地都係揀返 top 10 算喇…

呢個係必試之一, “黃金芝麻糊” (可以揀合桃糊) ($25)




一上枱有一陣強烈既葡撻味, 好香~

面層有層濃濃地既糖漿, 食落都幾特別, 試左幾啖之後就開始撈抣 d 芝麻糊~

但 d 芝麻糊就無乜特別, 仲有少少燶燶地既味 tim…

其實平時食芝麻糊就幾蚊一碗, 但多左 “黃金” 兩個字就貴成十幾廿蚊, 所以好似唔係好抵………




呢個係 “炸榛子芝士窩餅拌雪糕” ($32), 雪糕可以揀雲呢嗱或朱古力~




配榛子芝士窩餅係好好味的~ 食落咸咸地又有少少甜甜地都幾得意~

至於生果, 都係夠鮮甜, 西瓜都有甜味; 而雪糕都好好味~




Total : $57

經過又想食下甜品, 可以一試既~~

2009年9月19日 星期六

豬扒之家 @ 大角咀

上星期預知到今個禮拜會打波既時候, 經過呢間野已經話想今個 week 來食, 所以我地今個星期黎到呢度試下~

呢度出名食咖喱豬扒, 咁我地梗係要試下佢既必試之選啦!!!

呢個就係 “吉列豬扒咖喱飯” ($27)




咖喱恰到好處, 豬扒炸得酥脆, 整體上係幾好味, 不過大食既隊長話呢碗飯仔食完都唔夠飽 ~ 其實只係隊長特別大食啫, 所以唔關人地事, kakaka….




呢個係炸軟殼蟹烏冬 ($34)




嘩!!!!!!!!! 呢件軟殼蟹勁腥, no good no good, 真係未食過咁腥既軟殼蟹…….




d 烏冬就幾好味, 湯底都唔錯~
烏冬強調係讚岐烏冬, 絕對唔係港產既麵粉團 wor !!!




餐配免費綠茶 (熱), 如配汽水 +$3, 我地因為陣間打波, 所以唔想飲咁多汽水~

Total : $61

唔會好特別, 又唔會話好平, 試左兩樣野都係 50/50, 所以未必會再來~