2010年11月27日星期六

隱世小店之協成茶餐廳 @ 上環

隊長睇完夜晚無記介紹飲食既節目後, 就話同二等兵上 “科記咖啡餐室” 食豬扒, 點知, 平日無乜人既舖頭, 經電視介紹過後就打晒蛇餅, 於是我地黎到附近既舊式茶記醫肚先 ~

呢間舖頭真係估佢唔到, 開响條冷巷度, 但原來轉入黎會有間舖頭 !!! 真係勁隱世 !!!

舖頭係好舊式既茶餐廳 ~

快餐點止 ABCD 呢, 哈哈 ~

凍檸茶 - 茶味一般 (凍飲 +$2) ~

熱朱古力 - 唔夠朱力味 ~

時菜班腩飯 ($30) ~

個獻好味 !! 菜遠夠嫩, 班腩唔會成舊粉, 好味 !! 最重要都係即叫即炒 !!! 熱辣辣架 !!!

馬來炒貴刁 ($30) ~

唔算油, 味道唔太辣, 幾好呀 ~ 又係即叫即炒架 ~

Total : $62

2010年11月26日星期五

Truffle 軟心朱古力餅

話說二等兵屋企有好多整餅既朱古力, 又話說二等兵阿哥牛一喎, 咁佢又好鍾意食朱古力 cake, 於是順理成章整個朱古力蛋糕俾佢食啦 ~ 上次在學校學左呢個 cake, 自己都未實習過, 於是今日就搵阿哥做下白老鼠先 ~

材料真係朱古力味餅底碎 + 55% 朱古力 + 朱古力粉, 你話幾咁朱古力呢 ~~

唔好睇 d 朱古力一撻撻咁, 佢係咁架 ~

以前以為整 cheese cake d 材料先貴, 原來整朱古力 cake d 材料仲貴呀 ><”

一包咁既朱古力粉都已經 $30 ($28.5 係舊價, 俾錢果陣佢話加左價 …)

好彩二得惠呢期做緊聖誕減價啫, 全部貨品 95 折, VIP 就 9 折, 都慳左成十幾蚊呀 ~

整左個餅底先 ~

打起忌廉 ~

d 朱古力勁香, 個人口味最喜歡呢種 55% 濃度 !!!

加埋魚膠片又撈勻佢 ~

先加兩匙忌廉將朱古力降溫 ~

然後先將全部朱古力加入忌廉裡面 ~

雪左 40 mins 左右, 就要整鏡面喇 ~

攪掂, 不過有水泡 ~

雪左一晚後 ………

哈哈 … 今次脫模脫得幾靚仔 !!

加埋 d 裝飾先, Happy Birthday 牌仔梗係唔少得 ~ hehe ~

黎, 各位鬆鬆, 我地影張大合照先 ~

雞仔, 你唔好掛住望住個 cake 啦, 要望下鏡頭架嘛 ~

今次隻碟靚晒 ~

呢個 cake 唔係朱古力就係鮮忌廉, 真係減肥既敵人呀 …… >.<

不過真係好滿足, 為左呢個 cake, 今晚又走去踩左一個鐘機喇 ~

唔食朱古力既隊長食完呢個 cake 後, 二等兵就問佢覺得點啦, 隊長就答 : “點解你整得好食既 cake 都係我唔鍾意食既 ??”

呢句說話真係勁醒, 讚賞得黎又表達到佢唔滿足喎, 最重要係二等兵聽到之後好順口咁就問 : “咁你鍾意食乜野 cake 吖 ??”

隊長 : “香橙雪芳蛋糕啦, 奶皇飽啦, 壽包啦, 乜乜乜啦, 物物物啦….” (口痕友話 : 你墮入圈套喇 XD)

二等兵 : “#@!%$@#”

———————————————————————————————————

食譜 :

材料 A) 朱古力餅底 :

60g 朱古力餅碎

30g 無鹽牛油

材料 B) 特濃朱古力慕絲 :

165g 淡忌廉 (打至雪糕狀)

3g 魚膠片

80g 淡忌廉

165g 黑朱古力

材料 C) 朱古力鏡面 : (分量為兩個 cake, 做一個減半)

120g 淡忌廉

145g 水

160g 糖

60g 無糖朱古力粉

10g 魚膠片

做法 :

A)   朱古力餅底做法 :

1)    把牛油座溶, 加入餅碎拌勻, 然後壓入餅模內

B)   特濃朱古力慕絲做法 :

1)    把魚膠片用凍水浸軟

2)    把 165g 忌廉打起至軟雪糕狀。 (中至快速打圈)

3)    朱古力先叮溶 (或座溶), 30 秒一次, 大約叮 2 次, 把 80g 忌廉煮熱後加入朱古力內拌勻, 然後加入已浸軟之魚膠片, 再叮 10 秒, 撈勻。

4)    把 2匙已打起的淡忌廉放入朱古力裡, 撈勻 (不可直接將熱朱古力倒入忌廉內), 然後才將剩餘之朱古力加入淡忌廉內拌勻, 然後倒入模內雪凍。

5)    最後把朱古力鏡面用隔茜隔一隔, 淋上蛋糕面, 放雪柜雪 10 mins, 裝飾即成。

C)   朱古力鏡面做法 :

1)    先將水, 淡忌廉和糖用細至中火煲滾, 之後加入朱古力粉拌勻。

2)    再加入已浸軟的魚膠片煮至滾起, 滾後不要立即熄火, 再滾 30 秒, 放涼備用。

2010年11月24日星期三

健身迷思 - Sit-up過多令肚腩更大

健身迷思 Sit-up過多令肚腩更大

by 蘋果日報 (22 Nov, 2010)

上班整天坐在辦公室，下班或放假，許多人愛做運動鍛煉身體，但原來不少人對做運動有許多誤解，以致事倍功半。

練腹肌最好做仰卧起坐？

錯！想練出六塊腹肌，不能獨沽一味做 sit-up或 crunch（捲腹），先要減脂肪，結合餐單和勤力做各種運動；做過多 sit-up，反而會令肚腩更凸出，應同時鍛煉不同肌肉，例如跨步壓腿（ walking lunge）並轉動上半身。

邊做運動邊看書可解悶？

有害！分心閱讀會令姿勢變化，增加受傷風險。而且，埋首看書更不會盡全力做運動。
舉重只是肌肉男玩意？
錯！適量舉重可增強肌肉力量和耐力，尤其有助女性保持骨骼強壯。

每周跑步三次，每次一小時實「弗」？

錯！這只是鍛煉你的身體去跑步，不能令你立即適合做其他運動。

運動越劇烈，時間越長減得多？

錯！過量運動會令身體釋放壓力荷爾蒙，肌肉疼痛，因此劇烈運動後應該至少休息一天，以恢復體能。劇烈運動有助鍛煉心臟，但減肥最好做輕度至中度劇烈運動，如急步行走。

跟足明星的方法做運動和按餐單飲食，就可跟他們一樣「弗」？

超錯！體形天注定，即使超勤力運動節食，若有癡肥基因，就別妄想可變成瘦骨仙。

2010年11月20日星期六

紅山泰國菜館 @ 荃灣

頭先郊遊完, 見時間尚早, 於是出荃灣食泰國野 ~

上次二等兵同屋企人試過, 個個都話好味, 隊長聽完二等兵匯報飲食軍情之後就心思思想黎侵略, 咁就擇日不如撞日啦 ~

舖裡既坐位都係大枱, 於是我地坐街邊, 而家天氣涼涼地都 OK 呀, 不過熱 d 或凍 d 就唔好喇 ~

先黎個泰式蝦刺身 ($78) ~

好新鮮, 好鮮味, 無得頂 !!

啤啤佢先 ~ 泰象啤 ($20)

冬蔭功 ($45 / 小)

話說二等兵係唔食得辣既, 最大既原因係因為每次食完辣都會喉部不適, 咁今次隊長就叫二等兵試一兩啖啦 !!!

當二等兵飲左兩啖之後, 已經樣都變晒, 真係辣到跳舞, 打開口又唔係, 合埋口又唔係, 條脷完全係痛同痺既感覺, 結果成碗野就俾隊長 KO 晒喇 !!! 真係咁大個女都未食過咁辣既野, 亦未試過咁辛苦既經驗, 經過今次呢個經驗, 二等兵就更加了解自己真係唔受得辣喇 …..

鬆鬆 : “講個秘密你知吖, 其實我唔食得辣架 !!”

泰式拼盤 ($75)

香葉包雞, 魚餅, 春卷 & 蝦餅 ~

全部都好脆口, 味道略為偏咸, 樣樣都好好味呀 ~

鬆鬆 : “雞仔, 呢度咁多選擇, 你當睇唔到 “香葉包雞” 啦 !!!”

串燒 ($48 / 半打) ~ 豬, 牛, 雞各兩串 ~

豬同牛都好靭, 但雞就好滑呀, 下次淨叫雞串 !!!

特別一提個沙嗲醬, 有花生粒, 好味 !!!

龍眼冰 ($21)

鹹魚炒芥蘭 ($42)

最後兩件送既甜品, 今晚呢件麻麻吖, 上次件椰汁糕好味 d ~

味道好正宗泰國口味, 而老闆娘既招乎就如街坊一樣, 非常親切, 所以下次會再黎侵略 ~

Total : $329 (免加一)

週未去郊遊之流浮山

好耐未去過郊遊喇, 就趁一個無紅假加上秋風送爽既月份去郊遊下先 ~

上次睇完 Tracie FB d 相後, 就話去下二等兵同隊長都未去過既流浮山 ~

放工後, 食左個晏就出發喇 ~

由上環站坐西鐵去元朗站, 一程都廿幾蚊架, 既然而家有得換地鐵飛, 梗係用得唔好嘥啦!!! 慳返廿蚊夠食一個早餐喇 ~

兩款票, 我地又一人一款, hehe ~