2011年5月28日 星期六

水煲, 風扇 & 吸塵機

為咗令隊長同二等兵既蝸居有家的感覺, 我哋就先買咗幾件生活必需品 ~

二等兵一直用開百靈牌電水煲, 好好用呀, 所以自己新居都要買一個 ~

呢款 selling point 係 “Express”, 即係煲水時間勁短, 說明書寫 3 mins 就煲滾, 真係好快呀 ….




而家得黑或白色, 我哋當然會揀黑色啦 ~




叫得做蝸居, 地方就細細啦, 所以風扇揀咗啲長條型既, 慳位啲嘛 ~




啲風吹起嚟就一般啦, 熱熱哋都會開冷氣喇 ~




呢個吸塵機就貴咯 …. 據講 Miele 係吸塵機中既皇牌 !! 本來我哋睇中 Samsung $8xx 嗰部架, 但睇睇下又覺得呢部好正呀, 但係價錢仲正呀, 可以買到 3 部之前睇中嗰部 Samsung 喇 ….




拆箱喇 ~




Sales promote 時, 將啲喉筒扭嚟扭去都唔爆 .. 勁 !!




呢款得棗紅色, 都幾靚吖呀 !!




另一個 Selling point 係呢個塵袋 ~ 有個紅色蓋蓋住, 換塵袋既時候啲塵都唔會四圍飄 ~




全副武裝, 大爬都有兩個呀, 封實膠袋嗰個爬頭係勁野嚟, 我哋都未試呀 ~




咁就買咗幾千蚊喇 …

泰式茶餐廳 @ 鰂魚涌

下午 tea 完好似唔太肚餓, 我哋就在附近搵食, 見到呢間泰國菜館好似唔錯就入嚟試下 ~

啲餐具幾有泰國 feel 呀, 原來呢個寶盒係裝住啲調味料既 ~




啲杯都好泰國 feel 吖 ~




隊長一向鍾意食海南雞飯, 今日就試下呢間菜館既泰式海南雞飯 ~

我哋點了晚餐, 可以 + $20 叫木瓜沙律 (細), 沙田柚沙律 (細) 或 酸辣鳳爪 (細), 我哋點了沙田柚沙律 ~

其實呢個沙律係沙田柚加西柚, 仲有啲花生碎, 蔥花, 同埋魚露等等, 好好味吖 ~




隊長叫的 set : 泰式雞飯 + 冬瓜雞湯 ($49) ~

冬瓜雞湯勁熱, 我哋最鍾意飲熱騰騰既湯 !!




泰式海南雞飯一般都係用黃薑飯 ~



啲雞一般啦, 啲黃薑飯唔錯 ~




二等兵唔太肚餓, 於是叫咗呢個椰汁雞牛肉丸 + 肥牛湯河 ($39) ~




椰汁湯底幾香, 同埋好足料呀 !!




餐飲轉特飲 +$6, 我哋揀了龍眼冰 & 青檸梳打 ~




晚餐唔使加一呀 !!




Total : $120

平平哋而味道唔錯, 下次再侵略先 ~

2011年5月27日 星期五

百樂門宴會廳 @ 銅鑼灣

今日隊長同二等兵有事請假半天, 好難得 weekday 既下午唔使返工, 我哋嚟到飲下午茶, 呵呵 ~

本來想去銅鑼灣既百里鮮海鮮酒家架, 但係原來佢裝修緊, 於是就去咗同一大廈既百樂門宴會廳 ~

一坐低就梗係睇吓有咩係下午茶特價點心啦, 見到隔離枱食呢個點心拼盤 ($38.8), 好似幾正咁喎, 於是我哋又落單試吓 ~

點知一遞紙, 阿姐話有份整多咗問我哋要唔要, 我見佢真係熱辣辣新鮮整起, 見無乜問題就要咗佢, 真係 OK 喎 ~




最正係奶皇馬拉糕, 可能係新鮮蒸好, 好味 !!

不過其他點心就一般啦, 但係每樣都有兩粒, 啱晒兩個人食呀 ~




呢個係 $10.8 既油雞湯瀨, 啲雞無乜味, 一般啦 ~




叉燒腸粉 ($9.8), 無乜特別 ~




點心紙寫住 “必叫之選” 既灌湯飽, $1.8 咋, 每人限叫一籠, 味道好似冬瓜盅, 咁平真係無投訴 !!




仲有籠山竹牛肉 ($7.8) 架, 二等兵失手, 唔記得影相, 哈哈 ~

另一個寫住 “必叫之選” 既 南瓜西米露 ($3.8) ~




茶錢每位 $7, 另加一後, Total : $98

最好味都係個點心拼盤, 其他都一般啦 ~

2011年5月21日 星期六

La Vie 樂活一館 @ 旺角

又到唔知食乜好喇, 二等兵提議食 La Vie 樂活一館 ~

今次我哋叫咗啲唔同既野, 所以暫時仲未食厭 ~

餐湯例牌一紅一白 ~




仍然係好美味既多士呀 ~




呢個係炭燒菠蘿厚燒豬扒配薯菜 ($72) ~




菠蘿真係生果菠蘿, 唔係罐頭呀 ~ 不過好似罐頭菠蘿好味啲, haha ~

豬扒啖啖肉, 唔錯, 但係薯角就 overcook 了 ~




呢個係 9” pizza set ($78 包餐湯及飲品), 我哋揀咗煙三文魚 + 菠蘿 pizza ~




薄 pizza 底, I like it !!




飲品叫咗芒果乳酸 (+ $8) & 雜果賓治 (+ $6) ~




Total : $180 (已加一)

食咗三次之後, 開始覺得厭喇, 但係仲未試到二等兵至愛既心太軟呀 ….

波記 @ 中環

而家响中環既大排檔真係買少見少, 今日見天氣涼涼地, 隊長帶二等兵嚟到士他花利街既波記 ~

呢個就係廚房喇, 係咪好犀利呢 !!




呢個係生炒牛肉飯 ($25) ~

唔夠乾身, 一般 !!




呢度既名物 - 乾炒牛河 ($25) ~ 果然名不虛傳 !!




Total : $50

2011年5月14日 星期六

八王子餃子店 @ 旺角

知道旺角女人街開咗間八王子拉麵, 拉麵怪隊長餓咗咁耐就話嚟試吓 ~

隊長 : “鬆鬆, 你睇吓食啲乜 ??”




呢個廚房都幾有和風感覺 ~




二等兵叫咗呢個北海道蟹柳拉麵 ($48) ~




拉麵唔會太淋, 湯底一般 ~




隊長叫咗呢個咖哩吉列炸蝦丼 ($45) ~




炸蝦同咖喱汁都好得 !!




呢個北海道芝士餃子 ($38) 好好味, 啲芝士唔會好濃 ~




尤其係黏咗底燶燶哋嗰啲芝士真係好味呀 !!




隊長 : “KO-ed !!”, 原來碗底有圖案 ga ~




Total : $144

價錢唔算貴, 味道唔錯, 可以再侵略 ~

Poly U Canteen @ 紅磡

好耐無去過 Poly U canteen 開餐 lu, 橫掂今日順路, 就嚟醫肚啦 ~

其實我哋都係响美心同大家樂揀一間, 今次嚟到美心 ~

呢個係 - 忌廉青口斑蘭長通粉 ($24), 凍檸茶 (+$4.5) ~




估唔到學生 canteen 都有呢個質素喎 !!




除咗長通粉外, 仲有幾隻青口 ~




隊長呢份係上海排骨上海麵 ($24), 忌亷咖啡 (+$6) ~




啲上海麵好淋呀, 豬扒好味, 忌亷咖啡好濃咖啡味呀 !!




Total : $58.5