2011年6月30日 星期四

函館元祖北海道拉麵 @ 鰂魚涌

又再繼續响鰂魚涌逐間食店試下先。

今日中選既佳麗就係呢間 - 函館元祖北海道拉麵 ~

我哋 7 點幾先施施然落去醫肚, 好彩剛剛有兩個位, 轉個頭, 出面已經有十幾人响度等位喇 ……

鬆鬆, 睇吓想食啲乜 ~?

嘩 … 睇完個 menu 覺得自已好似响日本咁, 因為 menu 上既主字體係寫日文, 旁邊依次序有英文及中文, 再加上店舖小小, 都已經有兩枱日本人响度飲酒啦, 個感覺真係好似去咗日本啲居酒屋咁 !!




隊長貪心呀, 又想試拉麵, 又想試咖喱飯, 於是就叫咗呢客 - 拉麵細咖喱飯餐 ($90)

拉麵只可以揀 $65 以內的拉麵, 隊長揀咗呢個鹽味拉麵 ~




湯底唔似味粉開的貨式, 正 !! 拉麵有少少硬, 有咬口 ~




咖喱飯好得, 真係好有日本風味 ~




二等兵最喜愛食餃子, 今晚當然要試吓啦 !!

燒餃子 5 隻 ($35), 好味 !!




二等兵叫咗至愛既 - 海老定食 ($80) ~




賣相幾靚呀, 啲蝦都幾大隻, 又唔會好厚粉, 正 ~

除咗沙律醬之外, 仲有吃吉列食物最基本有既醬汁 (醋), 有誠意 ~




KO 無難度, haha !!




Total : $231 (包加一)

响香港好難食到一碗好食既拉麵, 呢間都算係一個唔錯既選擇, 一定會再侵略 !!

2011年6月25日 星期六

Blogger Gathering - 萬怡酒店 Momo Cafe @ 西環

終於舉行第三次 blogger gathering 喇, 正確黎講今次係第二次全體隊員出席既 gathering, 因為第一次 gathering 得我哋三位無 “携眷出席” 既女士呀, 哈哈 ~

Joey 响 openrice 團購網見到呢間萬怡酒店 Momo cafe 既 buffet, 原價 $228, 團購價 $171 (包加一), 非常抵呀, 於是就提議試下, 果然有意外驚喜呀 !!

真係多謝 Joey 同何生既安排 !!

buffet 18:30 pm 開始, 我哋 18:00 pm 就去坐低吹水喇 ~

環境唔錯啊, 啲抬擺得唔會好迫, 攞食物既地方都好闊落 ~




餐具 ~




每張枱上都放有呢份工具, 大家估唔估到今晚既主角係乜呢 ??




哈哈, 之唔係長腳蟹囉 !! $171/人 有長腳蟹食, 仲要係源源不絕供應, 犀利 !!

出去睇吓有咩食先 ~


冷盤類 ~

長腳蟹 - 食到停唔到口, 成為我哋今晚既主角 ~

凍蝦 - 一般 ~

翡翠螺 - 大隻, 但多沙 ~
青口 - 冇試過 ~




火腿片 3 款 & 煙三文魚 ~




餐包 ~




沙律 ~




好多款呀 !!




呢幾款冷盤好好味 !!



熱盤類 ~
串燒 - 好好味 ~


有二等兵至愛既春卷呀 …


沙拉骨, 好好味吖, 好多千島醬 ~


煙肉炒薯仔 ~


煎龍脷柳, 好味 ~


泰式豬頸肉, 一般 ~


隊長至愛既炒飯, 可惜 “窄窄哋” ….



星洲炒米, 基少話幾好味 ~


日式咖喱雞, 唔太辣, 啱二等兵口味 ~


粉麵檔 ~




餐湯, 牛扒專區及即煮意粉 ~


餐湯 - 一中一西 ~
西湯係羅宋湯, 原來佢哋係鍾意飲白湯多啲呀, 所以無忌廉湯佢哋好失望呀 ~
好攪笑呀, 隊長一路飲西湯, 一路話好似花園餐廳啲羅宋湯, 酸咗啲, 但幾好味, 因為夠熱吖嘛 ~


中湯係花生眉豆煲雞腳 ~
好媽媽 feel 呀, 可能佢煲到好夠火喉, 所以啲豆煲到溶晒, 飲完之後好飽呀 !!
Joey 直情俾呢碗中湯 KO 埋 tim, 哈哈 ~~


隊長就最鍾意乜都試吓喇, 佢排隊攞咗兩款意粉 ~
意粉都有好多選擇呀, 除咗意大利粉之外, 仲有扁意粉 & 螺絲粉 ~ 
仍然係一紅一白既選擇 !!
白汁煙肉繪意粉, 啲白汁好似卡邦尼呀, 隊長激讚, 因為佢勁鍾意卡邦尼汁 !!


鮮茄燴螺絲粉 ~
二等兵就覺得呢客好味啲呀, 其實兩款都好得 !!



到甜品區喇 ~
啫喱, mini cake, 芋頭西米露, 豆腐花, 粟子蛋糕, 朱古力蛋糕, 生果, 布甸, 雪糕 etc, 款式都幾多 ~


cake 款唔多, 但兩款 cake 粟子蛋糕同朱古力蛋糕都好味 ~


布甸 & 雪糕 ~


今晚既另一主角 - Haagen Dazs, 我哋每人都食咗好多杯呀 !!
今晚有雲呢嗱味, 士多啤梨味 & 朱古力味 ~
但落力啲摷, 可能會有意外驚喜既味道, 哈哈哈 ~


每款攞一件試吓先 ~
啫喱, 其實無特別架, 不過見到咁 colorful 又攞黎食囉 ~


啲布甸都幾好味吖, 係甜咗啲 ~


兩件 mini cake (軟芝士餅), 太軟 la, 都唔知點咁, no good la ~
兩件大 cake 係粟子蛋糕 & 朱古力蛋糕, 好好味呀 !!


唔凍唔熱既豆腐花, 但勝在夠滑 ~


另一款新出既朱古力蛋糕, 夾層除咗蛋糕外, 仲有實既黑朱古力, 好甜呀 ….. >.<


另一重頭戲 — Haagen-Dazs 雪糕, 簡直係我哋既另一至愛 !!


二等兵一個人都食咗三杯, 呵呵 ~


隊長 KO 多碗豆腐花先收手 !!


每人 : $171 (已包加一), 真係抵到爛 !!
呢啲地方真係好啱三五知己吹吓水, 期待下次 blog 友飯聚 !!

2011年6月18日 星期六

超推介之日式放題 - 松家 @ 中環

見好耐都未食過放題, 我哋心思思又走嚟食 ~

隊長之前做定晒功課, 知道中環新開既松家口碑唔錯, 於是就帶隊嚟搵食喇 ~

首先睇下收費先, 好似好複雜咁 ?? 簡單啲講其實即係 20:00 pm 前埋單, 或 21:00 pm 後入座, 收費 $198 (一至四) / $208 (五至日), 其他時段 $238 (一至四) / $248 (五至日) ~

原來仲有午市放題 (六, 日及红日) tim ga, 都幾少見喎 !!




食物都幾多選擇, 仲有想讚下全部無漏單呀, 讚 !!




環境唔錯, 一啲都唔迫, 又唔會枱貼枱, 真係坐得幾舒服 !!




呢 4 款食物可以免費揀一款, 如額外再叫, 加 $20 一款 ~

4 款食物分別有 : 鐵板鵝肝 1 件, 鐵板 11 吋老虎蝦 1 隻, 赤貝刺身 2 隻, 牡丹蝦刺身 2 隻 ~

$208 包一款以上食物, 都幾抵喎 !!




一坐低, 店員就話落咗個刺身拼盤先, 仲問我哋飲乜, 飲品有好多選擇呀 !!
除咗一般汽水之外, 仲有鮮榨果汁 (橙汁及西瓜汁), 同埋從來都無响放題見過既 “熱薑母茶”, 犀利 !!



隊長叫咗佢至愛既巨峰提子梳打, 你哋數下佢今晚飲咗幾多杯 ?? 而二等兵就叫咗西瓜汁 ~


點完食物後, 刺身拼盤都到喇, 好吸引呀 !!


餐牌上除咗希靈魚外, 其他都有齊 !!


你睇啲三文魚幾厚 !! 其他超好味既包括 : 甜蝦, 鮑片, 馬刀貝同貝柱, 但係立魚就有少少魚骨, 食嗰陣要留意 ~


睇下我哋食咗啲乜 ~
薄燒牛肉 - 掂 !!


燒羊架 - 掂 !!


呢個係每人一客 4 選 1既鉄板鵝肝 ~
係超超超滿足 … !!


另一款每人一客 4 選 1 既 11 吋鉄板老虎蝦 ~
啲蝦好新鮮, 但食鵝肝就滿足啲, 呵呵 ~


燒煙肉車厘茄 - 煙肉同車厘茄勁夾, 車厘茄中和咗煙肉既鹹味, 好正 ~
燒雞翼 - 好味 ~


海膽手卷 - 海膽一般, 但紫菜勁脆 !!


蟹籽沙律 - 無特別 !!


燒牛舌 - 切得厚咗啲, 薄既地方好好味, 但厚切嗰度就靭咗啲 ~


燒蝦 - 一般, 因為啲蝦殼好難剝呀 ~


蝦天婦羅 - 啲蝦勁粗身, 又新鲜, 啲炸粉又唔會過厚, 掂 !!


第二輪刺身拼盤, 我哋都係叫晒餐牌上既刺身 ~


好少叫第二 round 個刺身拼盤都咁有睇頭, 讚 !! 啲刺身都係好新鮮 !!


凍柑桔檸檬 - 少少酸, 但幾濃味 ~


encore 既蝦天婦羅, 仍然係好好味 !!


燒石斑 & encore 既薄燒牛肉 ~ 
估唔到食到第 2 round 人多咗, 啲食物都仲 keep 到是熱的, 同第一 round 啲質素一樣 !!



冷蕎麥麵 - 好少見放題有呀, 但再凍少少會好味啲 ~


燒羊架 - 俾隊長 KO 晒 !!


燒雞翼 - 都係俾隊長 KO 晒, kaka ~


炸豆腐 - 件豆腐無咗一角既 ??


軟骨餃子 - 好味 !!


嚟多兩串煙肉車厘茄先 ~


隊長又嚟多杯巨峰提子梳打喇 ~


隊長至愛既炒飯呀 !!
話說炒飯有兩款, 分別係海膽炒飯 & 三文魚蟹籽炒飯, 但呢個炒飯嚟到時我哋第一個反應係咪嚟錯咗呢 ?? 個樣咁似三文魚蟹籽炒飯既, 於是就問問店員啦, 佢都話呢個係三文魚籽炒飯 ~ 咁我哋就繼續食啦, 並叫店員再落一客海膽炒飯 ~


炒飯濕濕哋, 攤凍少少會好食啲, 不過味道唔錯啊 ~


KO 無難度 !!


見咁少有薑母茶飲, 二等兵又貪得意叫吓先, 但原來好辣架, 辣到飲唔到, 結果飲咗幾啖要放棄, 大半杯俾隊長包底 !!


其實頭先嗰碗炒飯食到最底先見到海膽, 我哋先知佢無落錯單吖, 原來真係海膽炒飯, 結果頭先再落單既海膽炒飯又嚟喇, 好彩隊長話好食, 仲食得落 !!


KO-ed 既時候店員啲反應實在太快喇, 張相影住佢拎走個碗, 哈哈 ~
第三次叫既煙肉車厘茄, 真係好味架啫 ~


又係第三轉既刺身, 不過今次重點出擊, 只係叫咗三文魚, 甜蝦 & 鮑片, 仍然係好好味, 好新鮮 !!


又嚟巨峰提子梳打 ?! 隊長你唔厭架咩 !!
(P.S. 隊長今晚一共飲咗 5 杯巨峰提子梳打)


食到接近尾聲時, 店員開始提醒就快要交枱, 於是我哋開始食雪糕 ~
雪糕有 4 款 - 紅豆, 芝麻, 菠蘿 & 綠茶, very very good ~


菠蘿味雪糕真係好耐未食過喇, 好 fresh, 仲要有菠蘿肉吖 !!


鮮榨橙汁 - 真係鮮榨 ga ~


食到捧住個肚走, 服務又好, 食物又好味, 呢餐真係好滿足 !!
Total : $458 (已加一)
隊長, 一定要再侵略呀 !!