掃街~~

自從上次去完 “一品螞蟻” 唔飽肚, 大家都話要去 “吉” 魚蛋之後, 二等兵對於呢間排長龍既魚蛋店好有興趣~~

話說今天去葵芳食飯, 因為二等兵事先同隊長講話想去掃街, 所以隊長剛才在上海小館留肚 !! (食左一個客飯一客小籠包一客豆沙鍋餅同一杯豆漿咁都叫 “留肚” ?? -_-“)

我地黎到呢間排長龍既魚蛋店~ 未行到埋黎都閒到勁香魚蛋味!! 隊長, 我地食乜好呢 ?? 好吸引咁 bor !!

買左一串魷魚 ($6), 一條香腸 ($2) + 一串勁辣魚蛋 $5/5粒, 正 !!

之後上左樓上買野飲~ 益力多蘆薈 ($4), 抵 !!

行行下, 見到呢 d 又想買黎食, $10/7包~

好少食呢隻, 所以好 out, 以前明明用手攪勻架, 但今次隊長同二等兵見到佢用電動打蛋器攪勻差 d 俾佢嚇親!!

間唔中掃街都幾正 ~