原來而家改左, 只接受 3 日前的預訂, 即係話如果星期六黎食, 最早星期三先可以 BOOK 位 ~
星期三夜晚打黎 BOOK 13:30 pm, 放工後我地大約 13:15 pm 黎到, 唔使 3 mins 就入到去喇 ~
一坐低, 即時 order 食物先 ~
一杯係凍咖啡, 一杯係凍檸水 (凍飲不需加錢) ~
出面好熱吖, 拿拿臨飲啖凍飲消消暑先 !!!
問題 (1) : 落單次序先後調轉
我地一坐低已經 order 食物, 旁邊的兩張枱還沒有人來, 我地落咗單成 10 mins ,隔離兩枱客才落 order, 但佢地上食物的次序是先後調轉的, 眼看隔離已經有食物上枱, 之後隔離再隔離一枱亦有食物到, 反而最先落 order 既我地等極都未見有野食, 直至等到隔離食左成 1/3 碗, 我地第一碗烏冬先黎 … 其實二等兵對呢個舉動好反感的。幸好, 追單的時候服務員是好有禮貌的。
呢個係隊長叫既 “石燒上級豚肉手打烏冬配香辣麵豉湯底” ($60)
有隊長至愛既雞蛋吖 ~~
每次隊長都會先整到佢變一隻 “溫泉蛋” 先食落肚 !!!
湯底好味, 烏冬好味, 整體上係好味的 ~~
呢個係二等兵叫既 “石燒上級牛肉手打烏冬配豬骨湯底” ($58)
面果 d 菜苗俾晒隊長後, 二等兵就浸下 d 牛肉先 ~
係幾好味既 ~
問題黎喇 !!!
問題 (2) : 冷氣有問題
其實坐低無耐, 已經見到前面的冷氣左手邊的出風位開始滴水, 其他三面無滴, 果枱客已經食到尾聲了, 佢關掉冷氣抹下 d 水, 等兩位客人結帳後, 佢開返部冷氣再入客坐果兩個位 ~
開左一陣其實已經開始滴水喇, 其實佢唔應該再安排客人坐果個位啦, 於是又再幫客人掉位, 如是者佢就關左呢部冷氣, 再安排新的客人坐果兩個位 …..之後就一直關左部冷氣無開過喇!!! 後面的我們當時真係熱到痴晒線, 枱枱客都投訴熱熱熱 !!!
有相為證, 呢部冷氣後尾已經關左 …
另一部就著住 …
食到中途, 店員無啦啦遞上一杯冰水問我地 : “係咪你地話好熱而想攞杯冰水呀 ??”
其實唔係我地投訴, 可想而知當時有好多人都不滿當時的室內溫度 @@
幾好食都係假, 食到身水身汗果下真係幾辛苦 …… 所以話有一段時間都不會再黎侵略了 ~
Total : $130 (need 10% charge)
沒有留言:
張貼留言