話說有次見網友介紹呢間放題, 其實我地諗住上星期黎食 ga, 點知佢話果晚既 booking 已 full, 於是今次二等兵特登早幾日 book 位, 今晚終於同隊長試到呢期好 hot 既漁屋喇 ~
黎到門口見到入面無人吖 ~ !!! 點解, 皆因我地揀左食頭輪, 即係 18:00 pm !!!
睇下收費先 ~ 18:30 pm 前及 21:30 pm 後入座 $158, 我地就係揀左呢個特價時段黎侵略, 亦即係 book 左 18:00 pm, 早半個鐘食平 $30 喎, 兩個人平左 $60, Good !!! 不過最唔好既就係限食 1.5 hrs 囉 ~
等候入座期間, 見到門口有幾塊白板既留言 ~
一坐低, 服務員放下三款醬料 : 蛋黃沙律醬, 燒汁及天婦羅汁 ~
值得一提既係, 呢度真係好好招呼, 一坐低, 較高級的服務員同每枱客講, 如果 d 食物 order 左超過 10 mins 仲未到, 請同佢地講, 佢地會跟返 d 漏左單既食物 !!!
另外, 食食下仲會問下你有無野漏單 ~ d 服務真係幾唔錯 ga !!!
好喇, 唔講咁多, 得 1.5 hrs 時間, 拿拿臨落 order 先 !!!
先黎兩杯飲品 ~ Blue Ice 啤酒 & 柑桔蜜 (冷熱隨意) ~
值得一提既係呢杯柑桔蜜, 真係好好味, 一 d 都唔係溝水既 feel, 味道好濃, 好好味, 同埋叫熱柑桔蜜杯飲品真係好熱 !!! 正 !!!
主打之選 - 刺身
我地第一次 order, 唔敢叫咁多件, 樣樣試 d 就算唔好食都唔使怕 ~
三文魚 - 超厚切, 新鮮 !!!
帶子 - 好得, 好新鮮 !!! 後尾不停 encore !!!
北寄貝 - 唔錯 ~
甜蝦 - 又係好得, 好新鮮, 後尾都係不停 encore !!!
鮑魚片 - OK good ~
好喇, 大致都知邊 d 刺身好食同唔好食, 即時再 order 喇 !!!
壽司怪今日失踪, 呢 d 飽肚既野梗係唔叫咁多啦 ~~
叫左兩款試下 - 火炙三文魚壽司 & 火炙帶子壽司 ~
結論都係食返刺身會滿足 d ~
咦 ?! 點解有兩件係 “飯壽司” ???
oh, 原來神偷二等兵已經將塊刺身偷走左落自己隻碟上面喇 !!!
於是隊長就食左兩件 “飯壽司” !!! XD
其實食到呢個時候隔離幾枱已經不停有野食, 但我地等左好耐都無野到, 明明叫先過佢地 ga ?! 於是二等兵忍唔住要催單, 服務員係勁好禮貌地跟進 ~
呢個時候竟然黎左第 2 round 叫既野食 …. 唔理咁多喇, 總之有野食就得啦係咪 !!!
前菜類 - 螺肉, 八爪魚 & 中華沙律 ~ 同平時食果 d 一樣, 無分別 ~
唯一想講既係八爪魚未解得切凍, 仲有 d 冰同埋好凍, 不過過左一陣先食都 OK 既 ~
二等兵劃錯左一粒既 “牛油帶子” ~
算啦, 都係叫返帶子刺身滿足好多 !!!
麵豉湯 ~ 一般 ~~
黎多轉刺身先 ~
兩個人叫 10 pcs 甜蝦, 10 pcs 白玉拖羅 & 10 pcs 帶子真係俾足 !!! 讚 !!!
但係叫左既雪花三文魚腩刺身就失踪左 @@
甜蝦 - 第二轉都一樣咁新鮮 ~
帶子 - 好滿足 ~
白玉拖羅 - 一般啦, 好似平時食果隻拖羅好食 d ~
吞拿魚, (魚立)魚, 北寄貝, 赤貝 - 一般 ~
鮑魚片 - OK ~
順帶一提, d 魚生真係好厚切 ga !!! 讚 !!!
鹽燒雞腎 - 太硬, 麻麻地 ~
雞軟骨 - 唔算硬, 但味道一般 ~
清酒煮蜆 - 有驚喜喎, d 蜆好肥美, 幾好味呀 !!!
無聊既二等兵竟然走去叫玉子豆腐 !!! 因為佢寫住係 “漁屋冷豆腐” ga ma, 所以唔知係玉子豆腐 lor ~
軟殼蟹手卷 - Good 呀, 件軟殼蟹 !!!! kaka …
南瓜薯餅 - 好好味 !!!
Baby 羊架 - 雖然係細件 d, 但好好味呀, 放題細件 d 都無所謂啦 ~
呢碟 “蒜香一口牛” 就麻麻喇, 太乾了 ~
雞仔睇住呢隻燒左既雞翼好心 “up” ……. @@
隻雞翼都 OK 好味 ~
香蒜煙肉炒飯 - 隊長至愛 !!! =.=”
炒得濕左 d, 但味道唔錯 ~
再黎螺肉 & 八爪魚 ~ 今次 d 八爪魚無咁冰喇 ~
清酒煮蜆 again ~
黎多兩次柑桔蜜, 一凍一熱, 真係好正 !!!
頭先 encore 既 Blue Ice 啤酒, 次左一半先得閒影相 ~
碗炒飯呢個時候已經成功咁俾隊長 KO 喇 !!! XD
蝦天婦羅都算炸得唔錯喇, 加上 d 蝦都幾大件, Good ~
二等兵至愛, 軟殼蟹天婦羅, 唔腥幾好味 ~ 係油左少少 ~
好喇, 第三 round 刺身 ~
三文魚, 帶子 & 甜蝦各 10 pcs, 另外有北寄貝, 赤貝各 2 pcs ~
d 三文魚好厚切呀, 亦好新鮮肥美 ~
帶子同甜蝦仍然係好滿足 !!!
雖然係兩個人, 但都俾足我地叫既分量, 真係無呃砰呀 !!
一口炸豆腐 ~
最後送多兩粒雪米滋, 有芝麻味, 香芋味 & 芒果味選擇 ~
好飽呀 !!!!!!!
Total : HK$158 x 2 = $316 (免加一)
服務一流, 食物中上, 以呢個價錢黎講, 有呢個質素已經係一個不錯既選擇喇 !!!!!!
希望佢繼續 keep 住落去 !!!!
沒有留言:
張貼留言