侵略長洲 (Part 1)

清明節正日二等兵同隊長都唔使拜山,  所以今日我地去郊遊~~~

諗諗下都有成兩年未黎過長洲喇, 隊長仲耐 tim, n 年未黎過, 咁就不如侵略一下長洲啦~~~

嘩, 9:15am 黎到碼頭已經見到一條長到唔見尾既人龍喇…..本來想搭慢船既我地, 剛剛想改搭快船, 點知行到去快船條隊見到 9:40am 有班加班船 (慢船), 真好, 唔知點解冇人等, 於是我同隊長就入閘喇~~

剛才响碼頭買了個早餐, 2粒牛肉 + 2 粒粉果 + $5腸粉 + 1支豆漿, 盛惠 $29, 真係又貴又唔好食, 下次一定唔會响呢間買!!!

訓左 1 hr 之後……….

我地就黎到長洲喇~~

隻狗狗好乖咁坐响度~~

我地一出碼頭, 因為仲未肚餓既關係, 所以打算不如先到張保仔洞, 去完先返去市集食野~~

由碼頭邊行邊影相, 行到去都成 30 mins 架……

沿途見到有隻龍舟……講真咁大個女都未近距離接觸過…….原來真係好大隻架……

哈哈 … 今日鬆弛熊又話要出黎玩, 佢話响日本黎到 HK 都未出過街, 好啦, 今日帶佢黎郊遊啦~~

二等兵心諗: “點解隊長拎歪面既…..唔通佢唔鐘意鬆弛熊??”

呢個係咩黎架呢~~??

跟住佢個方向行先~~

本來下面好熱鬧, 有好多孝子賢孫準備祭祖架, 不過一轉左上黎, 人影都冇隻……..

真係一個人都冇……….

好攪笑有個燒烤爐 tim………..

鬆弛熊唔抵得兩個 K 隆星人影相影得咁開心, 佢特登响度做路人甲………haha~~

行完兩三條長命斜之後終於黎到張保仔洞喇~

原來係咁架………?!

行返落去突然咁多人既??

响呢個時候, 鬆弛熊同隊長突然嘈起上黎, 仲打埋一份 tim………..

打完一輪又 friend 返……. -_-“

去完張保仔洞, 行去另一面既天后廟, 二等兵竟然响度撞到多年冇見既中學同學小白同佢夫人……….. 哈哈呢個世界真係細 ^^

好喇, 去完張保仔洞同天后廟, 都係時候醫下五臟廟先~~~

之前上 C 小姐個 blog 溫習完一輪, 見到佢推介既 “張記” 片頭河, 隊長睇到心郁郁話要試下~~

隊長: “片頭河一碗丫唔該!!” ($20)

二等兵略嫌片頭咸左 d, 但作為咸蟲首領既隊長就覺得咸度適中~~

不過二等兵都覺得如果唔係咸左 d 其實都好味架, 因為好厚身同好彈牙~~

二等兵見到舖頭另一推介既墨丸, 於是叫了墨丸河 ($17) ~~

墨丸真係超好味, 好墨魚味~~ 正~~

隊長你又 KO 左碗片頭河喇~~~

食完野, 我地四圍行下, 竟然有新發現!!!

就係….登登登登!!!! 隊長既底底!!! 哇哈哈!!! XD~~~

呢間紅豆餅見到網友有講過, 不過我地都不感興趣, 所以冇買~~

又見到近期新興既 B & B~

响紅豆餅隔離既舖頭, 隊長就係俾呢個大魚蛋吸引住……….

我地叫左 大魚蛋 $7 (兩粒) 同埋豆腐花 $6

你睇個豆腐花……..隻匙羹咁擺法都可以插响度就知有幾咁 “滑”………..

結論係魚蛋好好味, 但係豆腐花唔得!!

再隔離舖頭見到有得意野, 就係串串薯片 ($15), 都見到有唔少人買黎試~~

但由於隊長唔係太食薯片, 二等兵又食唔晒, 所以我地冇買到~~

哈哈 d 閘好靚呀~~

仲見到可愛既貓貓~~ ^^

(待續…………..)