滝 - 日式任食燒烤 @ 油麻地

前兩天隊長在 openrice 見到有人講呢間食店, 但我地都知 comment 唔係咁好, 但二等兵就好耐都冇食過日式燒烤, 隊長見二等兵咁想食, 於是我地照 book 位~

收費係咁既:

星期六 $178/位, 其實價錢略貴, 不過食得日式燒烤都預左比韓燒貴 d~

我地 7:00pm 黎到都冇乜人, 一坐低店員就話俾我地知邊度係汽水同食物既自助 bar~



7:00pm 都係得 3 枱客, 真係無人到梗…..

都算好乾淨企理~

醬料有三款: 麻醬, 酸辣 & 豉油~

店員就係話呢個自助 bar 啦~

二等兵成晚都係飲蜜糖檸檬水, 而隊長就主攻 pepsi~

呢度好攪笑, 係自助煮麵架, 揀好麵, 擺個麵落去, 然後再加配料~

有麵同烏冬揀, 我地揀左個拉麵~

驚你唔識煮, 仲教埋你要煮幾耐 tim….

仲有個飯煲, 可以自己 “畢” 飯食 !!! 啱晒隊長呢個 “飯桶” 啦!!! kakaka~

好喇, 我地煮碗拉麵先~ 隊長見二等兵玩玩下, 於是就黎接手~

隊長出馬, 碗麵好快就食得!! 得左!!

隊長每次食拉麵都一定要飲晒 d 湯….. ><”

呢碟係送既剌身, 不過只可以 order 一次, 同埋唔可以多過 10 件 (每款)…

質素一般啦, 冇咩 expectation~

好喇, 我地講返燒烤先, 食物選擇唔多, 唔好以為壽司係免費, 其實係 $3/件!!!

而且憑傳單送珍珠特飲 1 杯都係假既, 因為佢話已經送左清酒, 所以冇得再送….

我地第一 round 差唔多點晒所有肉類 (點左大半)….

其實 d 食物係完全冇味…….勁淡口, 二等兵都唔算係咸虫, 但真係好淡, 竟然連 d 壽司豉油都可以係冇味既…..

每兩位送既清酒~

燒下 d 蔬菜先~

燒麵包要有 d 技巧架!!!

第 2 round~

呢個蝦天婦羅唔錯!!

下面呢個係咖喱飯, 就係响出面既自助 bar 整既~ 隊長激讚, 但二等兵覺得辣到入唔到口…… ><”

蟹籽沙律, 又係响自助 bar 個雪柜自取~

雪糕有 4 款味, 分別係綠茶, 紅豆, 芝麻同埋曲奇~~

Total: $392 ( 2 人)

總括黎講, d 野食冇哩味道, 食物選擇不足, 雖然話係燒烤, 但係抽風系統唔得, 食到隊長身水身汗, 另外, 雖然話成間餐廳好少人可以靜靜地, 但食物真在唔掂, 完全係無味, 所以我地都應該唔會再侵略………