位置都唔係太方便, 由南豐一直穿插左幾個商場後再行去染廠方向, 大約 10 - 15 mins 左右啦就到喇, 可能因為位置唔算方便, 我地 6:30 pm 左右黎到都唔算多人, 但到 7:30 pm 左右都開始坐滿~
睇下餐牌先~ 一睇就知係日式既意大利餐廳~ 餐牌入面既食物樣樣都好吸引!!
我地叫左一個超值既健康餐 ($18)
田園沙律 + 粟米忌廉湯或意大利菜湯或周打海鮮湯~
我地揀左周打海鮮湯!!
沙律個汁好清新, 正丫!! 個湯仲正, 好多料, 又唔係例湯 feel, good~
蒜蓉焗田螺 ($20), 係咪勁平呢!! 仲要勁好味!!
卡邦拿那意大利粉 ($25), 唔好似為 $25 好細碟, 其實係正常 size 架~
西班牙風味庵列 ($22), 呢個反而麻麻地, 好 “蛋”, 滯滯地~
地中海海鮮 pizza ($30), pizza 有 9”, 但唔知係咪因為凍晒, 所以味道麻麻~
趁熱食應該會好味好多!!
飲品吧餐 ($13), 即係如果要一個飲品吧餐就可以在飲品吧的飲品免費任飲~
我地當時諗, 竟然係一枱 $13 定係一人 $13 呢? waitress 話冇所謂架, 一人叫一個又得, 兩人叫晒又得! 其實呢個方法真係要客人自律先得, 因為我地可以兩個人叫一個飲品吧餐, 咁樣就可以慳返 $13, 但我地又費是食得唔開心, 所以我地問清楚之後, 都每人叫一個飲品吧餐~
飲品吧裡有除左有各式既茶包之外, 仲有各款咖啡, 奶茶, 檸茶同汽水, 都可以話好多選擇, 呢 $13 其實好抵!!
橙汁同檸茶~
嘩, 隊長除左食得之外, 仲好飲得下!!
佢拎張單黎先發現原來唔使加一 !!! 真係估佢唔到!!!
埋單都係 $128 + $13 (後尾加多個飲品吧) = $141, 真係抵!!!
隊長, 呢間餐廳要長期侵略!! ^^
沒有留言:
張貼留言