終於黎到 京都 既行程喇 !!! 由於京都的著名旅遊景點都分佈於不同位置, 所以我地打算 spend 兩日時間去京都 ~ 今天會去清水寺果面, 明天先會去嵐山, 金閣寺等等 ~
好喇, 又在酒店食早餐 ~ 食左幾日飯團都有 d 厭喇, 今日轉下口味, 買件三文治先 ~~~ 其實呢件三文治都唔平 ga, 成 252 yen 一份, 比起 HK 黎講真係算好貴吖, 日本 d 生活指數好高吖 ~~~
雖然件三文治貴過 HK 好多, 亦都正過 HK 果 d 好多呀 ~~~
食完早餐就出發喇 !!!
我地去 JR 大阪駅 7,8 號月台, 京都方面先 ~
上到月台, 隊長同二等兵都研究左一輪, 點解快速同新快速要括住, 仲要咩 9 番同 10 番呢 ???
好彩响隊長諗緊既時候, 二等兵突然 “叮” 一聲諗到新快速就要去 9 號月台, 快速要去 10 號月台 !!
哈哈 ….. 二等兵做一次 “保長” 喇 !!!
好彩响架車黎之前留意到要去第二個月台, 如果唔係又要白等下一班新快速喇 !!!
今日都幾好天吖 ~~
沿途風光 ~
好鍾意日本有 d 新快速列車 ga, non-stop 咁成十幾分鐘先一個站, 架 JR 真係好有速度感, 個感覺真係唔錯 ~~
坐新快速列車, 話咁快就到京都駅 lu, 只係 30 mins 車程 ~
呢架新幹線外型好靚 ~
京都駅
呢個就係傳聞中好偉大既京都駅喇 !!! 二等兵聽就聽得多, 今日終於親身黎到喇 !!! 到今晚, 上到最頂仲更加震撼 !!!
咦, 駅內有手塚治虫博物館, 我地而家唔去住, 今晚返黎先會去 !!!
唔知點解隊長成日話呢支 京都タワー 好似一支白色爉燭 ?? 各位團友, 你地有無呢個感覺呀 ??
好喇, 我地出發去侵略清水寺喇 !!!
由京都駅向前行會見到 D1 巴士站, 我地會搭 100 號巴士 ~ 不論長短, 每程都係 220 yen, 無 [生痔瘡] 唔緊要, 車內有部機可以唱散紙 ga !!!
好喇 …. 我地黎到五条坂 (第四個站) 落車 ~
見到小橋, 影相怪二等兵又點會放過呢 ??
見到橙樹又影一餐 @@
哦, 原來轉入去就係清水新道 (茶わん坂) ~
我地向 清水寺 進發喇 !!!
沿著清水新道一直向前行 ……
呢個時候拎盒奶茶出黎飲先 ~ 嘩 …. 超好味 !!!
二等兵 : “隊長, 我地見到目標人物喇 !!!
好靚吖 ….. 要影相 ~~~”
黎到清水寺門口又點少得一張 “到此一遊” 既相呢 ??
由另一面望返落去 ~
又要睇下地圖先 ~
呢個就係 三重塔 喇 !!!
kaka, 影相怪已經不受控制喇 !!! 一個位置可以影足 n 咁多張 @@
成就院 ~
嘩 …..嘩 ….嘩 …. D 櫻花好好好好好靚呀 !!!!!!!!!
呢棵櫻花樹已經滿開喇, 仲要有 d 已經轉為粉紅色 !!!
呢 d 係善信所寫的绘馬 ~
好喇 ….. 我地要買飛先 ~ 每人交低 300 yen ~
入口位罝 ~
入去就見到 本堂 - 清水の舞台
望下山下面先 ~~ 好靚呀 ~
二等兵又話要俾 d 煙薰下個身先 ~ 傳聞話會帶來好運 ga ~
隊長已經頂唔順喇 : “二等兵, 你影夠未呀, 行得未呢 ??”
望落去 音羽の滝, 我地而家就落去啦 !!!
清水寺因為水源清澈而得名, 傳說中飲左這些清水就會帶來好運 ~
這三條水柱分別代表健康, 愛情及財富, 但千祈唔好貪心三個水源的水都飲晒呀 ~ 只可以飲一個架咋 !!!
公用杓子寫明是用紫外線消毒的, 如果不放心的話可以買一隻 “清水甘露捥” (200 yen) 放上杓子上, 咁就絕對衛生啦 !!!
好喇, 二等兵趁唔算多人, 走去排下隊先 ~~
唔使 10 mins 就完成呢個過程喇 !!!
我地行返上山先 ~
奧の院 ~
另一個角度 - 清水の舞台
我地又點可以唔黎 地主神社 呢 ??? kakakaka ~
你地兩個又响度 ………
祈願同隊長更加 sweet sweet ~~
傳聞一個女仔諗住心上人, 合埋眼, 由第一舊石頭行直線去到第二舊石頭摸下佢, 就可以同心上人有情人終成眷屬喇 ~~~
我地當時都見到有日本少女玩緊吖 ~
走喇 ~~
落山 lu ~
下回 : Day 4 Part 2
沒有留言:
張貼留言