終於用左一個月時間完成左呢個京阪神 + 東京遊記喇 !!! 上年既東京遊記只係用左唔使半個月時間黎寫, 所以今次本來定既 target 係响 15/4 前完成呢個遊記, 但可能今次影得實在太多相喇, 要從 6 千幾張相揀出黎放上網都唔係一件容易既事 ga ~ 再加上去既時間又長左, 去既地方又多左, 於是打既野又多左, 所以完成既時間一再 delay ….
由上年去東京旅遊, 我地就開始寫我地既第一篇遊記 ~ 當初寫遊記既目的係為左記低我同隊長既一點一滴 ~ 因為有時好多細節既地方好容易忘記, 之後睇返就發現完來自己忘記左好多野, 而且睇返自己個遊記個感覺亦都好 sweet ga ~ 所以不如寫遊記, 記低我同隊長既點滴啦 ~
响 perpare 呢個 trip 之前, 我地都一直有上網睇下 blog 友既遊記, 又走去圖書館借旅遊書睇下, 但發覺 d 旅遊書越黎越商業化喇 !!! 好多舖頭唔知係因為出左名而退步左吖, 定係因為旅遊書同店舖有掛鈎而 hard sell 呢 ?? 所以越來越鍾意上網睇下 blog 友對食店既 comment ~
所以今次呢個京阪神 + 東京遊記, 除左係為左記低我同隊長既點滴之外, 亦為左答謝番各位網友既貢獻, 分享一些我地認為好玩, 好食既地方俾大家 ~ 正所謂睇人既遊記都睇得多喇, 都係時候要貢獻返俾大家喇 !!!
希望大家會鍾意軍曹旅行團今次搞既京阪神 + 東京既食食食、 買買買既賞櫻團啦 ~
下回 : 後記 - 手信篇 (雜項類)
沒有留言:
張貼留言