Keroro and Tamama : Day 9 Part 3 - 日産スタジアム

今日行程 : 自由が丘 —> 日産スタジアム —> 橫浜 —> 池袋 (Dinner - 無敵家) —> Hotel 休息

各位團友, 我地黎到 “新橫浜” 喇 !!! 大家千祈唔好以為新橫浜 = 橫浜喎, 查實係兩個唔同地方黎架 !!!

咁點解我地無啦啦又會黎到新橫浜架呢 ??? 咪因為迎合領隊 (隊長) 既需要囉 !!!

因為呢度既 "日産スタジアム" 响 2002 年舉行過世界杯, 作為波牛既佢一定要黎潮拜下啦 !!!

一出駅就有晒呢度既地標方向, 要搵路真係話咁易 !!!

見到日産スタジアム, 我地向住呢個方向進發 !!

Go…Go…Go… !!!

Cubic Plaza 新橫浜 !!!

沿路有晒指示牌 !!! 梗係啦, 話晒都响 2002 年舉行過國際盛事, 呢 d 路牌又點少得喎 !!!

今日好好天吖, 天公做美, 最啱黎球場踢波 ~~

睇下地圖先 ~

行到不遠處已經見到球場的 banner 喇 !!!

都未行到球場, 週邊已經有一大片草地 - 新横浜駅前公園, 隊長話今日係做運動既好日子 ~

條橋 (さんかく橋) 好靚吖, 等腰三角形 ~

沿路又種滿櫻花樹喇 !!!

有幾棵櫻花樹係深粉紅色 tim 呀 !!!

粉紅色櫻花 + 藍色天空

勁靚 !!!

就到喇 ~~

日産スタジアム向前行 ~

World Cup 2002 ~

沿路見到好多人都著住球衣, 拎住食物入場, 今日一定係有賽事喇 ~
(註 : 3 APR 2010 横浜 F・マリノス VS 清水エスパルス)

成條路都係櫻花 + 紅白藍色 banner ~

遠眺球場外圍 ~

Welcome ~!!

好熱鬧吖 ~

Studium Shop ~~

球場外仲有 d 揸小型汽車既玩意俾小朋友玩, 真係啱晒一家大細既活動吖 ~

哈哈 …好攪笑呀 … 同深圳東湖公園見到既有咩分別呢 ??

呢個就係 “世界杯” ~~

吉祥物公仔 ~

好有嘉年華會 feel ~~

wow .. 遠處仲有歌舞表演, 真係勁歌熱舞架 !!!

响 Nissan Stadium 影返張相先 ~

分東, 南, 西, 北閘 ~

02 年世界杯決賽, 巴西 vs 德國, 巴西以 2:0 勝出 ~

巴西隊決賽成員 ~ 球迷隊長梗係識晒啦 !!!

哈哈, 唔睇波既二等兵都識得幾個架 !!!

到德國隊出場 ~~ 隊長梗係識晒喇, 但係二等兵一個都唔識 ~~@@

佢至愛既朗拿度 ~

德國隊隊長龍門 Oliver Kahn (簡尼) 隻手幾大 ~~ 原來隊長隻手都幾大架喎, hehe ~

wow … 大個二等兵隻手一大截 ~~

腳印都有 !!! 巴西隊隊長卡富隻腳好大呀, 不愧為球員 ~~ kaka ~~

响另一邊有個小型球場, 俾小朋友比試 ~~

其實都好吖, 點解 HK d 足球一潭死水吖 ?? 你睇下人地又有大型球場, 又有小型球場俾小朋友玩, 成個 area 都好適合一家大細渡過一個 family day ~
HK 乜都無, 連睇世界杯唔係全民可以收看, 試問咁樣點會叫人對足球產生興趣呢 ??

成個日産スタジアム的模型 ~

呢度梗係唔少得商品店啦 !!!

因為陣間有賽事, 又有好多人即時買 “横浜 F・マリノス” 既球衣 ~ 當中仲有唔少係女仔黎架 ~ 另外又有好多人都買紀念品吖, 排隊排到都唔知龍尾响邊樹 ….
呢度展示咗一 d 紀念球衣及物品 ~~
仲有响呢度有得參加 "球場觀光團" ~~

週圍行吓先 ~~

望落去呢間係健身室 ~

呵呵 …. 响度偷睇下球場入面先 ~

呢個角度清楚 d 喎 !!!

日本国家隊 ~~

主場横浜 F・マリノス既球衣, 可以即買即著 !!!

客隊清水エスパルス既球衣 ~

圍住個球場行 ~

呢個吹氣公仔好攪笑吖, 真係郁下郁下好似接緊波咁 ~

望返落去小机方向 ~

行完一圈喇 ~~

其實行左一個圈, 我同隊長都好想入場感受下氣氛, 尤其係隊長, 佢勁鍾意睇波, 一場黎到咁啱有賽事, 攪到我地個心 15, 16 咁, 好唔好入場睇呢 ??? 不過就算睇, 我地都只係夠時間睇半場咋喎 ~~ 點好呢 ??

於是去到票務處睇下幾錢先啦 ~ 自由席 2600 yen 一張, 其實都唔算貴喇, 話晒呢度都係日本, d 生活指數咁高, 不過我地最尾都決定想留多 d 時間去橫浜, 所以最終都係放棄左 …..