友發餐廳 @ 大角咀

又到打波既日子, 今日隊長帶隊黎到大角咀開餐~~

睇門面好似 up up dup dup 咁, 但裡面坐滿了人, 於是我地又走去試下~~

唔好以為二等兵講大話, 我地黎到真係坐滿晒, 而呢張相係 d 人走晒既時侯影 !!!

時間無多, 就快開波, 所以我地拿拿臨睇下食乜先~

就揀個午餐啦 ~ 呢個係芙蓉蛋飯 ($24) ~

雖然賣相一般, 隻蛋又包唔晒 d 飯, 但係睇佢唔出咁好食~

精粹係 d 蛋, 滑滑~

呢個係乾炒牛麵 ($24), 大大碟~

但係 d 麵炸得太乾, 所以好熱氣~

餐飲冷熱同價, 抵 !!

Total : $48