自家制晚餐, 樣樣有 d

今晚二等兵屋企兩位大廚外遊, 得返兩個無聊仔响屋企 !!! 呢個時候, 作為一個無聊既二等兵梗係搵埋無聊既隊長上黎無聊下啦~ 於是今晚就整左樣樣有 d 既自家制晚餐喇~~

呢盤係响 Taste 買既 no good sushi…. d 飯硬到……. d 三文魚又無味, 早知去元氣樣樣執 d 無咁嬲……..

香草羊架, 三條友, 每人一條~

朝早灑 d 鹽同香草上面腌幾個鐘, 拎出黎煎下就食得, 勁方便~

呢塊係早輪响網上買既加拿大安格斯西冷, 好厚身, 好大塊~

灑 d 鹽上面, 每面用猛火煎 3 mins, 然後細火每面再煎 2 mins, 食得 !!

IKEA 買既肉丸, 見屋企有用剩既忌廉, 整埋個薯蓉, 再加 pat 紅莓醬, 食得, 正 !!!

又係網上買既帶子, 首先拖拖水, 再用牛油煎下, 又食得!!

最後係網上買既阿拉斯加蟹腳, 上次就咁解凍食就咸左 d, 又唔夠鮮味, 今次試下第二種食法, 加 d 牛油煎下, 完全唔同食法, 正 !!!

三條友食咁多野, 好飽吖 ~~~