新年流流去小肥羊 @ 尖沙咀, 點知換黎一肚氣 !!!

今日 Happy New Year, 一早同隊長去打波, 打完隊長突然即興話去食小肥羊, 打電話去 book 位果陣又話開始左無得 book 位, 要即場去攞位, 咁我地就即刻搭車去尖沙咀 ~

點知我地換黎一吐氣既遭遇 !!!

去到 around 2:45 pm, 得 4 pair 人响度等緊位, 等左陣帶位小姐問有冇人會搭枱, 其中兩 pair 話搭枱無問題, 咁就即時入得, 得我地同另外一 pair 情侶都話唔想搭枱 ~

又過左一陣, 另一 pair 情侶都已經入座, 當時帶位小姐再問我地係咪唔搭枱, 我地表示唔想搭枱, 等多陣都無問題, 點知有個黑衫經理一路好大聲, 用好不屑既語氣講 : “唔搭枱 ?? 有排等呀 !! 等到今晚 7:00 pm 都未有得你地食呀 !!” 一路講, 一路行返入去, 二等兵同隊長即時火都黎埋, 二等兵話 : “等到 7:00pm 咁把閉 ?? 我地咪唔食囉, 你估呢度得你呢間食店咩 ??”, 隊長都火起, 即刻叫帶位小姐叫返個黑衫經理出黎要求解釋, 當時有幾位等緊位既食客都聽到佢呢句說話而撐隊長, 點知個黑衫經理做左縮頭烏龜唔敢出黎, 搵個更高級既經理出黎了解事件, 隊長表明我地只係唔想搭枱, 並已表明可以等, 為何要用呢個語氣對我地 ?? 後來呢位高級經理叫返個黑衫經理出黎當面同我地道歉, 事件先告平息 !!
我都要強調, 尖沙咀小肥羊食過幾次都無問題, 只係呢個黑衫經理既問題 !!

我地本來都唔想再响度食野, 點知高級經理再三同我地表示歉意, 我地都有 d 唔好意思就繼續留响度食 ~

————————————————————————————-

好, 掃興既野唔講, 講返 d 野食先 ~

一坐低揀好野食, 隊長就神神秘秘咁遞左份禮物俾二等兵 !!!

嘩 !!! 係二等兵想買既虎年鬆弛熊 !!! 好得意呀~~ 好野又多幾個成員~~

講下收費先, 任點任食 : 午市 (11:00 am - 1:45 pm) : $55/位, 下午茶 (2:00 pm - 4:30 pm) : $45/位

好喇有得食喇 !!!

蒜香青瓜 + 香芹雜菌 ~

皮蛋瘦肉粥 ~

叉燒腸 ~

內蒙涼伴茄子 ~

鳳爪 + 蝦餃 ~

必叫既蒜香小肥羊春卷 !!!

蒜香粉絲青口~

咖喱魷魚, 非常正 ~

排骨蒸陳村粉 ~

棉花雞 ~

嘩 !!! 鬆弛熊你咁大食 ??

隊長話 d 粥好得, 於是 encore 多幾碗 ~

木瓜雪耳糖水 (x 1), 合桃糊 (x 2), 皮蛋瘦肉粥 (x 2), 菜乾豬骨粥 (x 1) ~

涼伴茄子 encore !!!

個樣好核突既炸蝦角 ~

牛柏葉 ~

金沙薯茸飽 ~

好流沙下 ~

芋茸千層馬拉糕 + 燒賣, 好正 !!!

山竹牛肉 ~

食左咁多野 Total : $112
隊長食呢 d 任飲任食就最抵 !!!