好多間壽司店都試過晒, 都無乜邊間話好想再去食, 本來想去板前算喇, 但二等兵突然醒起上次去朗豪坊時經過 Monster Sushi 話下次要去試下, 咁耐都未試過, 一於今日走去試下先 !!!
6:30 pm 左右黎到都唔使等位, 仲可以揀 bar 枱定係卡位, 二等兵都係鍾意坐 bar 枱 ~
呢條脷係呢度既 logo~
地方唔係好大, 但好開揚, 師傅响迴轉帶中間整魚生同壽司, 透明度幾高 ~
二等兵 :”睇下食咩先 ~”
三文魚壽司 ($12), 火炙美奶滋蟹棒壽司 ($16), 醋味噌燒三文魚壽司 ($18)
三款都好好味 !!!
辣汁藍鰭吞拿魚壽司 ($28), 少少辣, 好味 ~
哥斯拉卷 ($35), 呢度既招牌菜, 非常好味 !!!
軟殼蟹手卷 ($18), 紫菜好脆, 又係好好味 !!!
食食下, 飯桶隊長見到呢舊飯雙眼放光, 差 d 想同侍應講 “一大舊飯吖唔該 !!!”
叫左幾樣嘢都唔錯, 於是又再 encore ~~ !!
食呢件帆立貝壽司 ($28) 真係好滿足 !!! 好大粒, 好厚肉 !!!
師傅整緊咩呢 ??
咪就係花之戀壽司囉 !!!
三式三文魚壽司 ($20/3件) 包括有 : 三文魚壽司, 火炙三文魚壽司 & 花之戀壽司各一件), $20 三件都好抵下 !!!
北寄貝壽司 ($18), 北寄貝好爽口, 正 !!!
埋單 $212, 好滿足 !!! 加上呢度 d 魚生係大件 d, 侍應服務又好, 所以必定會再侵略 !!!
沒有留言:
張貼留言