因是晚玩即興, 沒有帶相機响身, 所以相片用手機影, 比較模糊, 請見諒 !!
麵包夠軟又夠味, 食左幾個都仲想食, 雖然可以再添, 但驚陣間食唔落主菜, 所以都係忍下口 ~
濃蝦濃湯 (x 2) ~ 非常之好味 !!!
鮮蟹肉沙律, 個汁係麻醬味道, 配上豆腐好清新, 蟹肉又夠多, 真係非常之好味 !!!
龍蝦意大利幼麵 (x 2)
龍蝦係可以叫佢起埋肉的, 但今次忘記了, 龍蝦夠晒味道, 啖啖肉, 仲要食極都仲有, 而幼麵完全滲入了忌廉汁, 但又唔會淋 pat pat 咁, 真係好味到唔知點形容, 呢個我要俾 5 個掂 !!!
US. Prime Rib Eye Steak
以為响高級地方食牛唔會差得去邊, 反而呢個牛扒係比較失色, 味道有點炭燒味, 但問題係同呢碗甘荀蓉汁完全唔夾, 加上叫 6 成熟, 變咗 9 成, 所以……係比較上失色了 ~
用 AE card 三人送一人, 埋單接近 $800/3人, 非常之滿足!!!
最滿足既係, 臨走時見到佘詩曼坐我地後面張枱同朋友撐枱腳, 二等兵差 d 想走埋去同佢影相, 奈何响呢 d 高級餐廳唔敢咁做, 於是只是同佢微笑一下, 點知佘小姐都望住二等兵微笑 !!! 實在太興奮喇 !!! 阿佘你好靚女呀 !!!
沒有留言:
張貼留言