木村托哉@1993

曾幾何時, 仲係讀緊初中既二等兵睇完愛情白皮書之後迷上左木村托哉, 後來同學阿輝畫左張木村托哉既掃描俾二等兵, 二等兵一路 keep 住到而家。

早兩日同阿輝講起, 我話仲有 keep 住呢張掃描畫, 阿輝勁開心, 仲叫我 scan 返俾佢睇 tim!!!

哈哈, 當年一片心機畫呢幅畫俾我, 我又點捨得掉呢?!

呢幅掃描真係畫得好靚!!!

麥記玉桂狗

响大約個幾兩個月之前, M 記既開心樂園餐又推出玉桂狗 (二等兵叫佢做小白), 隊長知道二等兵鐘意小白, 於是唔食早餐既佢, 個個星期五都走去買個開心樂園早餐換小白俾二等兵!!!

終於集齊一套喇!! 但因為當時正值考試, 所以等到而家 sem break 先攞返出黎玩~

等我逐隻成員介紹俾大家啦!!!

呢隻係影相既小白, 响佢個鏡頭會見到下面 4 個畫面~

呢個係小綠~~ (hehehe)

呢個小白支雪糕會變紅色~

呢個係小橙~

小啡個頭會變紅色, 係咪面紅呀?

呢個個頭識擰架, 杯野飲仲識變橙色 tim~~~

蒜蓉粉絲蒸帶子

今晚既晚餐係………登登登登~~~

蒜蓉粉絲蒸帶子 ~~~!!!

首先洗乾淨 d 帶子, “meet” 左條腸, 之後浸下 d 粉絲, 然後再舖 d 帶子上面, 加埋 d 蒜蓉响面, 蒸 5 mins, 食得 !!!

粵江春@朗豪坊

今天二等兵同屋企人來到朗豪坊的粵江春飲早茶~

平時經過見到都不錯, 點知大失所望。

先講 service, 當時只有大約 10枱客人, 我地食到擺到成枱都係野, 個侍應沖完茶, 放低茶壺就行左開去, 行開去都唔係做野, 而係企响度….晨早流流個個口擘擘, 打哂 “喊路” 咁….後尾我地留意到, 個黑衫經理一返工, 佢地即刻醒神晒, 就連未食晒既點心都竟然問你仲要唔要!!! 真係離晒譜!!!

講返食物, 一般啦, 其實同屋企樓下果間冇乜大分別…

陳皮牛肉腸 ($28)

(小心) 流沙飽 ($26)

這個唔錯, 真係好流沙下~

翠玉芝心炸雲吞 ($18), 同一般炸雲吞冇分別, 唔覺有 “芝心”

柴魚花生粥 ($24)

四寶雞札 ($26)

荷葉珍珠雞 ($26)

龍山糟香豬手 ($32), 個汁好怪…..

Total : $240 (4人)

應該 no next time…

金船長@大角咀

又黎金船長? 因為好味囉!!

其實呢頭都幾 “隔攝” 架, 但又因為隊長同二等兵間唔中都會來到附近打羽毛球, 所以如果 book 到場果日, 又想食得好 d 的話, 都會選擇 “金船長” 或 “意味” ~ 

今次黎到, 發現價錢比上個月果次加左價…..每款食物加左幾蚊~

隊長必叫既車仔意粉, 我地揀左 : 意大利粉 + 卡邦尼汁 + 巴麻臣芝士 (呢三款共$42) + 煙肉 (+$4)~

呢個卡邦尼汁意粉真係冇得頂!!! 其實我地真係為左食個汁, 所以特登唔揀太多配料~

下面呢個係本店皇牌 - 黑松露菌醬意式馬斯卡普芝士夾心比薩 ($94), 據聞呢道菜式是得過奬的!!

每次叫呢個菜, 店員都會先問客人之前有沒有試過, 如果沒有試過的話, 他們就會為客人介紹一下這個 pizza 的食法~

這個是黑加侖子果醋~ 同 pizza 味好夾~

真係好味, 值得一試!!

最後點了甜品 - 焗瑞士蘋果批 ($38)

可能二等兵始終都鐘意食心太軟多 d, 所以覺得蘋果批一般啦 !! 不過估唔到有雪糕响面~  但因之前已經試過心太軟, 梳乎厘同法式焦糖燉蛋, 所以今次都想試下蘋果批!! 不過下次都係會揀心太軟或梳乎厘~~~

Total : $46 + $94 + $38 + 10% = $196

P.S. 今天因隊長感冒不在狀態, 所以叫左咁少~

八八八拉麵@銅鑼灣

今天下大雨, 原本都唔知去邊到食 Lunch, 後來講下講下, 不如去好耐都未去過既八八八拉麵啦~ gogogo!!!

因今天早左些少閃人,所以大約 1:00pm 左右已經來到, 黎到好彩都唔係好多人等緊, 等左一陣, 好快就有位了, 後尾到大約 1:30pm 左右就開始排長龍了!!!

聽人說這間拉麵店很正宗日本風味的, 今次坐旁邊的正是一位日本人~

門口擺放著好多日本人的咭片, 這是其中一張~

可以看到拉麵師傅炮製拉麵~ 三位都不是本地人~

我們叫了 Lunch Set, 隊長揀了 2 號 set : 小拉麵 + 迷你叉燒飯 + 罐裝飲品 ($52)

二等兵就叫了 4 號 set : 小拉麵 + 沙律醬叉燒飯團 + 罐裝飲品 ($52)

左邊呢個係迷你叉燒飯, 右邊呢個係沙律醬叉燒飯團~

迷你叉燒飯幾好食, 而飯團的紫菜略嫌淋了點~

小拉麵有四個湯底可以選擇: 麵豉湯底, 鹽味湯底, 醬油湯底 & 豬骨湯底

呢個就係二等兵選的麵豉湯迷你拉麵 ~ (如果散叫 $35)

麵豉湯夠濃味, 麵餅幾好味~ 成碗麵都唔錯!!!

呢個係隊長叫既鹽味迷你拉麵~

比麵豉湯底清一點, 味道唔錯!! 兩碗都好味~~

加埋蒜蓉, 一流!!

今天隊長感冒, 所以唔食得七味粉~~ 唯有影返張相補數啦!!

罐裝汽水選 Coke Zero 同芬達提子味, 正啊!!! 好少地方有得揀提子汁!!!

呵呵, 隊長又 KO 左兩碗拉麵喇!!!

Total: 52 + 52 + 10% = $114

明師傅@荃灣

早兩日隊長睇報紙, 見到介紹呢間甜品店, 即刻撩起隊長條食筋, 於是講好今晚要試下!!! (你地睇, 隊長幾咁為食!!!)

(This photo exacted from openrice)

隊長同二等兵一坐下, 店員都很熱情地招呼~~ 之後二等兵睇下報紙上推介既甜品, um… 好啦, 就揀呢兩個啦!!!

隊長叫既芒果黑芝麻奶凍 ($23)

裡面 d 奶凍好重黑芝麻味, 好似食緊唔凍既雪糕咁 (隊長勁鍾意), 面既芒果好甜, 整體來說唔錯, 但食到後尾就越食越甜, 要扣返少少分~

二等兵叫既係 “本店皇牌” : 法式焦糖燉蛋 (配鮮雜果) ($24)

面的焦糖脆脆的, 燒得恰到好處, 唔會太燶剛剛好。

燉蛋其實可以揀凍或熱, 根據店員解釋, 熱的就較濃蛋味, 而凍的就較滑, 我地揀左凍的燉蛋, 真係好好好好滑!!! 甜度適中, 食到尾都唔覺太漏!!!

呢個甜品二等兵俾好高分, 好食過 apple green 果個, 唔怪得係本店皇牌啦!!!

食完兩個甜品再食呢個雜果, 清清地中和返, 幾好!!!

Total: $47

好味, 好滿足!!