2011年2月20日 星期日

Rilakkuma 鬆弛熊 iPad Case & Samsung Galaxy S Case

隊長知道二等兵一直都好想買呢個 iPad case, 過咗情人節之後, 佢又神神秘秘買咗份禮物俾二等兵, 多謝隊長 ~ 
就係呢個鬆弛熊 iPad Case 呀 ~


又係在日本嗰陣未等到佢出場就返咗嚟香港喇 ~
2940 yen, 但今次買好平呀, HK$228 !!


佢哋細心到教埋點啪入去, 等二等兵以為好難入 tim, 原來一啪就入到架喇 ~


換上新裝喇, 可愛 ~


Good fit, hehe ~


同場加映 鬆弛熊 Samsung Galaxy S 機殼 ~
由於買咗部新手機, 當然又要換新裝啦 ~
但响街見到好多都只係 i-phone case, 都無鬆弛鬆 Galaxy S case 既, 於是就上網 bid lor …. 韓版嚟 ga ~



始終 Samsung 都係韓國牌子, 日本興用 i-phone 唔興用 Samsung 吖嘛, 所以連相關配件都要訂韓國貨 ~


又係好 good fit 呀, 但套咗殼後部機真係重咗少少, 同埋用唔到 OK 便利店買嗰個弛熊電話袋囉 ….

2011年2月19日 星期六

大中華飯店 @ 長沙灣

响討論區見到呢間大排檔啲野食引死人喇, 我哋又食指動喇 ~

今日見無乜世藝, 隊長興起話不如試吓, 於是我哋就嚟踩場, haha ~




店員安排我哋坐街邊, 真係好鬼有大排檔 feel ~




睇吓食乜先 ~




第一次嚟, 唔知頭唔知路, 原來叫野食係要自己填落張單度 ga, 好攪笑 !!

我哋第一次叫野, 首先叫咗 3 個小菜試吓 ~




朝日啤酒 ($18) ~




琵琶豆腐 ($50) ~




香煎墨魚餅 ($70) ~




豉汁炒蟶子 ($80) ~




二等兵之後叫咗支柑桔檸檬 ($10) ~




食食吓覺得啲野幾好味, 唔多夠喉, 於是加多兩味 ~

"本店名物" - 生炒臘味飯 ($80) ~




可能之前太大期望, 所以有啲失望, 因為啲飯太硬  ~




蒜蓉粉絲蒸扇貝 ($15 / 隻), 我哋叫咗 4 隻 ~

扇貝真係好好味, 下次一定要 encore !!




Total : $368

有啲貴呀, 但又幾好味, 如果可以約埋三五知己响度吹下水就正喇 !!

————————————————————————————————————————


同場加映 - 19/3/2011

侵略過一次後心思思又想再嚟, 我哋今次坐咗入面呀 ~

仍然係隊長至愛既朝日啤酒 ($18) ~






今次叫咗呢個海味雜菜煲 ($50) ~




裡面有白菜仔, 菜心, 黄芽白, 粉絲, 魷魚, 肉碎, 菇類等等 ~




椒鹽骨拼炸大腸 ($65) ~




啲骨睇個樣好似好乾咁, 估唔到食落又好好食喎 !!




再嚟多次蒜蓉粉絲蒸扇貝 ($15 / 隻), 二等兵真係好鍾意食 ~






除咗主角扇貝外, 啲蒜蓉粒同粉絲真係無得頂 !!



Total : $193

————————————————————————————————————————-

23/4/2011

仍然係大中華飯店呀, 哈哈 ~

都仍然係朝日啤酒 ($18) 囉, 呵呵, 無計, 隊長至愛吖嘛 ~




OH NO, 海味雜菜煲加咗價, 而家 ($60) ……. 加咗 $10 ~






扇貝都加咗價呀 … $15 加到 $18 一隻, 一碟 4 隻貴咗 $12 ….




不過仍然好好味 …




蜆芥鯪魚球 ($65) ~




好味 ~




Total : $215

加價之後, 一餐平均貴咗 $20 …..

It's Back !!! 雀目牌雪糕蛋糕 @ CitySuper

久遺了既雀目牌雪糕蛋糕登陸於 CitySuper, 可惜 1 星期內已經無得賣了 …

話說隊長上某飲食網見到有網友 post 咗呢隻雀目牌雪糕蛋糕出嚟, 隊長一見到立即拾回不少童年回憶, 佢話呢隻雪糕蛋糕係以前放學後經常吃既茶點之一 !! 其實二等兵見都未見過吖, 唔通二等兵同隊長有代溝 ?!

你哋又有無見過呢個廣告 ??
[youtube http://www.youtube.com/watch?v=u6JSXp7b6W0&fs=1&hl=en_US]
二等兵為咗俾一個驚喜隊長, 情人節嗰日特登走去 CitySuper 買俾隊長當情人節禮物, 哈哈 ~

唔好睇呢份禮物平平哋呀, 實則係物輕情意重呀 !!




真係寫住 It’s Back 架 !!




似唔似二等兵整既卷蛋呢 ~ kaka …




啲雲呢嗱雪糕裡面有啲 raspberry 味道既 jam ga, 唔鍾意食雲呢嗱味既二等兵都覺得好好味, 因為二者好夾呀 !!




可惜而家連 CitySuper 都無得賣喇, 各位 blog 友你哋有無見過邊度仲有得賣呢 ??

Total : $39

牛餅爺爺 @ 西環


今天要到 HKU 觀禮, 觀禮後, 我哋行返落西環醫肚 ~

嚟到西環第一件事諗起添飯小廚 (已結業) 同牛餅爺爺 ~

叫咗兩個 lunch set ~

飲品係芒果茶 ~ 


呢度既名物 - 牛肉餅 (散叫 $8 / 個) ~



lunch set + $6 既點心, 二等兵揀咗至愛既小籠包 (2 件) ~



隊長就揀咗紅油抄手 (3 件), 佢一個人獨享 ~



呢客係隊長揀既酸辣湯麵 ($20), 好辣呀 ~ 二等兵又食唔到啦, 又係隊長獨享 …



二等兵就揀咗鮮肉水餃湯麵 ($20) ~



lunch set 送既甜品 - 桂花糕 ~



簡簡單單既一餐 ~

Total : $60

2011年2月15日 星期二

情人節禮物 之 花街朱古力 + 情人節限定鬆鬆

又到一年一度既情人節, 我哋本住宗旨, 唔會亂花錢响節日上 !!

話說二等兵細細個既時候見到媽媽珍藏既花街朱古力鐵罐, 成日話想食, 但媽媽成日話呢隻朱古力太甜, 唔好味架, 唔會再買嚟食, 但其實二等兵既哥哥佢哋已經食過晒喎, 於是花街朱古力就成為二等兵未食過既一份童年遺憾 ~

有次同隊長講起呢份童年遺憾, 隊長無乜反應, 原來佢留返情人節送俾二等兵呀 !!

佢仲話呢份童年願望就交俾隊長幫二等兵達成啦 !!




以前細個成日見到嗰個長方形鐵罐, 而家變圓型 lu ~




原來係好多唔同顏色既玻璃紙包住 d 朱古力 !!




好 colorful !!




有 12 款味, 不過話時話都真係好甜 …




—————————————————————————————————————-

除咗花街朱古力外, 隊長仲買咗一份神秘禮物俾二等兵呀 !! 多謝隊長 !!

登 .. 登 .. 登 .. 登, 就係情人節期間限定鬆鬆呀 !!

鬆鬆 : “大家好, 我係情人節限定版鬆弛熊呀 !!”




好可愛呀 !!




啡熊同白熊個牌係唔同顏色架 ~




本體價格 1680 yen, 但隊長買嗰陣已經炒到好貴啦 …無計啦, 我哋响日本陣又未出喎 … 攪到而家要捱貴鬆鬆 …




左睇右睇都咁可愛 !!




再嚟個一前一後啦 ~







哈哈, 啡熊又係著住件藍點波波底衫呀 !! 好可愛 !!