晏晝响鰂魚涌辦完要事後, 坐隧巴去深水埗辦第二件要事 ~
攪掂晒所有野後, 我哋對於食乜都毫無頭緒, 於是就 random 搵咗呢間餐廳食 dinner ~
晚餐都不設加一呀, good ~
我哋叫咗兩個廚師推介 ~
呢個係前菜 - 挪威煙三文魚沙律 ~
二等兵好鍾意食呢啲前菜呀 !!
餐包 ~
鬆鬆見到餐包都咁既樣架 ~
意大利蔬菜湯 & 忌廉椰菜花湯, 兩款都好味 ~
鬆鬆個樣真係好為食呀 !!
呢客係香煎美國豬扒 (8 oz) 配蘋果燒汁 ($168) ~
肉質唔錯吖, 不過配蘋果燒汁有少少唔夾, 不過整體上都 OK !!
呢客就係香煎虎蝦拼香辣茄汁意粉 ($128) ~
二等兵開頭諗住呢個意粉係辣所以唔想叫, 點知原來一啲都唔辣架, 仲幾好味 tim 呀 !!
餐茶係熱朱古力 & 凍咖啡 ~
Total : $296
都幾貴 ga, 但又幾好味喎, 同埋情調一流, 間唔中一餐都 OK 吖 ….
今日有事要到鰂魚涌一趟, 於是就順理成章去到附近開餐 ~
隊長話佢想試呢個粥麵店好耐喇, 今日終於嚟到呢頭, 所以我哋今日終於有機會試喇 ~
但係午飯時間勁多人, 好多人圍住門口等叫飛呀, 於是我哋先去做咗正經野先, 再折返既時候大約 13:30 pm, 等咗一陣就有位喇 ~
炒麵 ($8) ~
炸兩 ($11) ~ 超好味, 食到最尾都仲好脆呀 !!
皮蛋瘦肉粥 ($19) ~
啲瘦肉係肉片嚟 ga, 仲好滑 tim !!
豬肚粥 ($19) ~
啲蔥過戶晒俾隊長, haha ~
Total : $57
個炸兩真係好好味, 搵次要再嚟食呀 !!
特別鳴謝 : 以下食譜由 C 小姐 提供 ~
材料 : 奶 200 ml, 熱水 50 ml, 糖 3 湯匙, 蛋 2 隻
做法 : 先用熱水溶糖成糖水, 再加入其他材料搞均, 過濾入碗, 水滾後用小火蒸 10 分就食得啦 !! (今次有少少縐紋, 下次會蒸 9 分鐘)
溫馨提示 :
1) 用鍚紙包面去蒸, 燉蛋個面會滑好多
2) 加蛋時, 糖水記住唔好太熱, 搞抣後用隔篩過濾先蒸, 啲蛋先會滑
今日係 Easter 假期前夕, 我哋玩即興嚟到佐敦津野食放題 ~
今晚真係玩即興呀, 完全無 book 位, 不過接近 7 點幾嚟到都有幾多位 ~
每人 $180, 任飲任食兩小時, 一坐低我哋就點野食喇 ~
汽水可樂, 雪碧, 芬達, 二等兵次次都會飲芬達提子汁, 每次一見到提子汁就會諗起以前哈迪斯既提子汁, hehe ~
隊長當然都要啤啤佢啦 ~
其實食物紙有好多款, 但一開頭唔知頭唔知路, 見到刺身得咁少款, 原來係有刺身 A 紙同刺身 B 紙, 之後燒物又係有幾張囉 ~ 同埋唔好睇食物紙有咁多款以為好多野食, 其實好多野都暫停供應囉 …..
我哋一遞紙, 店員話無燒牛舌, 無雞腎, 無乜乜乜, 無物物物 …. 之後陸陸續續走嚟同二等兵講呢樣無, 嗰樣無, 後來二等兵直情要問佢 : “不如你話我聽有乜野係有吖 ??”
佢俾二等兵咁問完, 態度仍然是幾好的, 但就真係好多野都無得供應囉 ….
Round 1 ~
天婦羅, 唔會好厚粉, 讚 ~
辣味螺肉, 中華沙律, 帶子裙邊, 八爪魚 ~ 普通野, 無特別 !!
主角終於到喇, 除咗暫停供應嗰啲之外, 我哋呢 round 全部都有叫, 第一轉乜都試吓吖嘛 ~
啲刺身都幾新鮮, 好鍾意啲甜蝦同醋鯖魚 ~
雞仔食雞翼, haha ~
燒蝦及燒帆立貝, 帶子未影相已經俾隊長放咗入口啦 ~
啲蝦好難剝殼, 刺身嗰啲好食啲 ~
燒羊架, 讚, 但第二 round 已經失準 ~
汁燒牛肉, 一般啦 ~
薑汁豚肉燒 ~
蒜香牛柳粒 ~
清酒煮蜆 ~
刺身沙律 ~
芝士年糕, 讚 !! 但二等兵只叫一件, 因為食兩件會好膩呀 ~
青口 ~
再叫多次中華沙律, 帶子群邊, 八爪魚, 辣味螺肉 ~
吞拿魚蓉手卷, 紫菜有 d 淋 ~
鬆鬆擒青到跳埋上去 tim …
再叫多次燒雞翼, 燒蝦同燒帆立貝~ 唉, 最衰二等兵至愛既燒牛舌同雞腎暫停供應啦 !!
啲蝦真係好難剝殼呀, 黏實晒啲肉 ~
encore 燒羊架 ~ 今次麻麻地了, 其實到 2nd round 啲野食都好麻麻地, 要不停催 ~
最慘係呢碟刺身, 二等兵追咗 45 mins 先送到, 期間已經追過店員兩三次, 佢哋既回覆係今晚唔係好夠人手, 師傅做唔切 … 但其實今晚唔係咁多人喎, 樓上都唔係坐滿, 樓下又係得一半人, 呢啲人數都做唔切, 唔知多人啲會點呢 ?! 最大問題係佢限住 2 小時, 我哋食第二轉刺身要不停追, 不停追先有得食, 嚟既時候已經等到接近尾聲喇, 唔使煮既野都要等咁耐, 無奈 ….
麵豉湯 ~
嚟多罐可樂 ~
無蟹籽既蟹籽沙律 ~
啲甜品仲攪笑, 好似有好多選擇咁, 叫綠茶雪糕無綠茶雪糕, 叫朱古力雪糕無朱古力雪糕, 其實得返雪米糍囉 …
二等兵平時都幾鍾意食雪米糍架, 但唔知點解呢兩粒雪米糍好難食, 同平時食嗰啲有啲唔同 … 層皮唔知點咁 …
Total : $396 (已加一)
結論 : 店員好有禮貌, 但好多食物都暫停供應, 到 2nd round 又要等好耐, 刺身只食咗兩轉咋 … 加上味道麻麻地, 如果唔介意呢幾樣野其實都無乜問題既 ~
今日同隊長行完街, 行到嚟黎女人街搵食, 呢間係 random 揀選既, 點知有驚喜呀 !!
入到嚟仲有 10 mins 先 18:00 pm, 原來仲可以叫午餐呀, 相同既食物, 午餐平大約 $10 左右, 於是我哋嗱嗱臨响 6 點前落單 ~
餐湯及餐飽 ~
白湯唔係磨菇湯嚟 ga, 係粟米菠菜蓉湯, 一般啦, 反而紅湯好味啲 ~
呢客係意式茄茸雜肉腸磨菇螺絲粉 ($32) ~
賣相唔錯, 亦好鍾意佢好多配料, 茄茸汁都好好味 ~
呢客係白汁吞拿魚蜆肉焗意粉 ($32) ~
賣相亦都唔錯, 好好味呀, 話時話呢類白汁焗意粉真係好難做得唔好食 !!
其實好想叫呢個情濃朱古力火鍋或者本店推介既心太軟, 可惜隊長對朱古力唔十分喜歡, 於是留返下次二等兵有 quota 時先叫 ~
其實晚餐 + $20 有心太軟真係好抵, 一於下次要食咗你 !!
餐飲我哋揀特飲, 紅色果杯係 “草莓柚子蜜”, 跟餐 +$4, 隊長嗰杯係棒子朱古力咖啡, 跟餐 +$10, 兩杯都唔錯 !!
Total : $85 (已加一)
質素唔錯喎, 可以再侵略 !!
——————————————————————————————————————
22/4/2011
話說上次 miss 咗個心太軟無食到後, 二等兵一直都心思思好想試下, 於是今晚再嚟侵略 La Vie ~
上次趕得切 18:00 pm 前入座可以叫午餐, 今日試下晚餐先 ~
仍然係一紅一白既餐湯, 仲有兩塊好好味既多士 ~
隊長叫既呢客係蜜糖芥茉燒德國咸豬手 ($62) ~
啲芥茉汁好好味, 成份餐都好好味 !!
二等兵呢客係露芛鮮蝦芝士忌廉天使麵 ($60) ~
都幾足料呀, 唔錯 !!
本來真係好好好想食心太軟, 點知隊長話食咗份咸豬手之後都幾飽, 食唔落 >.<
於是又放棄咗個心太軟呀 …. =.=
左邊嗰杯係草莓什果賓治 (+$10), 右邊係拖肥牛奶咖啡 (+$10) ~
Total : $156 (已加一)
下次一定要食心太軟呀 !!