又係飯堂篇既時間 ~
連續三個星期, 每星期一次黎到滿點冰室開飯, 都算係可以稱之為飯堂, 但其實裡面好多款餸可以選擇, 所以悶既感覺又唔會好強烈 ~
先黎例湯兩湯, 一如以往都係熱辣辣 ~
専蝦人既隊長今晚點左個滑蛋蝦仁 ($40) ~
好夠滑, 蝦又新鮮, 都幾大隻 ~ 正 !!!
姐姐仔推介既啫啫滑雞煲 ($40) ~
幾足料, 包括雞件, 豬潤, 洋蒽及菇類等配料, 而最正都係個汁, 好惹味 ~
白飯梗係唔少得 !!!
再黎兩杯餐茶 - 熱奶茶 & 熱利賓納 ~
但係個奶茶實在唔 “電” ….. 勁苦澀 …. 看來水吧的水準有 d 飄忽 ~
叫多個外賣, 埋單 $121 ~
隊長呢期成日俾驚喜二等兵吖 ~
話說佢知道二等兵好鍾意呢期推出既鬆弛熊 7 週年 rainbow 系列, 所以佢呢期都買左好多呢個系列既鬆鬆產品俾二等兵 ~~
呢本鬆鬆特刊 (Rilakkuma Fan), 裡面有好多關於鬆鬆既介紹, d 相仲好可愛 tim 呀 !!!
特刊附送環保袋連毛公仔一個 ~
d 帆布其實都幾粗嚡, 但勝在有鬆鬆搭夠 ~
又多一個新成員, kakaka ~
今日隊長仲買左本鬆弛熊四格漫畫 (リラックマ 4コママンガ) 俾二等兵 ~
雖然寫日文, 但有 d 內容看圖識字, 唔明既睇鬆鬆個表情都夠喇 !!!
其實鍾意鬆鬆除左因為佢個樣夠 hea 之外, 仲好鍾意筆者將佢 d 表情畫到好生動, 好似識郁一樣 ~
睇完有咩食, 不如又睇下我地食左 d 咩 ~
話說二等兵打電話黎問價錢既時候, 問佢今晚 (21/8) 有無 window seat (WS), 果位小姐話 WS full 晒喇, 但佢個 promotion 又只做到 31/8, 咁我地除左星期六, 日外都無時間來食, 於是二等兵放棄坐 WS, 再打去正式 book 位啦 ~ book 既時候再口多多 request 要 WS, 但今次呢位小姐竟然話有位 !!! 所以話有時 d 野唔怕問多兩句, 呵呵 ~
WS 有個無敵大海景, 仲有條青馬大橋任睇, 二百幾蚊晚餐都抵返晒啦 !!!
呢張墊紙有張 coupon, 可惜唔可以即時用 ~
二等兵頭先巡完場, 而家輪到隊長出去攞野食, 等二等兵响度坐下喇 ~
於是二等兵又無聊影下相先 ~
隊長先黎熱葷類 !!!
呢個龍蝦湯係在大排檔淥架, 非常之好味 !!!
好喇, 我地一邊飲住龍蝦湯, 一邊望下青馬大橋先 ~
熱辣辣, 好正 ~
煙肉焗蠔, 唔食蠔既二等兵竟然膽粗粗食左兩件, 好彩無事啫 ~
d 蠔肉好細隻, 幸好有煙肉搭夠 ~
桂花炒瑤柱, 一般啦 ~
片皮鴨, 唔知係咪攤到凍晒先食, 所以一般啦, 不過我諗襯熱食係幾好味的 ~
刺身及凍火腿片 ~
三文魚都幾 OK, 但白色那片好腥 ~
呢度既大排檔安排得勁好, 當你揀好你要 d 咩配料後, 佢地會俾張有號數既牌仔, 大約 5 - 10 mins 後, 你就可以憑牌仔去攞食物喇 !!! 呢個安排好既地方, 一來唔使成堆人企晒响度, 製做人多擠迫既混亂情況, 二來, 等既期間又可以返埋位食吓野咁, 簡直 very good !!!
今次我地淥左碗海鮮冬蔭功湯 ~
瀨尿蝦, 蟹, 海蝦, 東風螺全部都要 !!! 但個冬蔭功湯好辣呀 !!!!
隊長問二等兵 : “你唔食得辣做乜揀冬蔭功湯呀 ??”
二等兵 : “你食得吖嘛 !!!”
到二等兵出去攞冷盤喇 ~
樣樣試下先 ~ d 蝦細隻咗 d, 但都 OK 新鮮 ~
無聊又望下海景 ~
隊長又飲湯喇 !!!!!
再黎多幾隻焗蠔先, 話時話 d 焗蠔無乜肉 ~
不過仍然鍾意食佢個煙肉 ~
天慢慢黑了 ~
呢碗龍蝦湯實在太好飲喇, 我地又黎多碗 !!!
其實可唔可以淨係要龍蝦湯, 唔要配料呢 ?? 不過我地始終都唔敢問 ~
終於有長腳蟹喇 ~
但可惜呢幾件長腳蟹, 二等兵都未食已經俾神偷偷左 …….
呢幾件咁靚既蟹腳放左响隊長個位, 就俾位侍應收左隻碟, 激死人 ….
又飲湯 =.=”
個牛仔骨好好味呀 !!!!
青馬大橋亮燈喇 !!!!!
汀九橋 ~
冷麵都係幾轉之後先再見到 …….
焗蠔變左焗扇貝, 正呀 !!! 仲有呀, 多士都係勁正, 好香蒜蓉味, 陣間配龍蝦湯簡直絕配 !!!
隊長既另一至愛 — 東風螺 !!!
呢個時候, 二等兵出去攞 pancake & 梳乎厘 ~
本來諗住淨係攞梳乎厘既, 但橫掂企左响度有排等, 於是就順手攞埋 pancake ~
有朱古力醬及士多啤梨醬, 另外有朱古力粉 ~
杏仁片 ~
哈蜜瓜 & 蜜瓜 ~
d 梳乎厘就係响呢個焗爐度整, 一個爐只係整到 7 杯, 每次需時約 5 mins, 真係供不應求, 所以大排長龍囉 ……
罰企左接近 15 mins 先可以攞到返埋位 ~
先講下個 pancake ….
真係 no good, 問題响塊皮同個醬度 ……. 味道完全唔討好 ~
好喇, 再睇下個梳乎厘先 ~
你睇, 底部全部係 liquid !!!
完全失敗 !!! 原來隔離枱都係一樣, 全部係 liquid 的 @@
又睇下雪糕先 ~ 雪糕係雀巢牛奶公司, 除左杯裝雪糕外, 仲有好少見 buffet 有既甜筒 !!!
甜筒有三款口味 : 芒果, 士多啤梨, & 石板街 ~
返到埋位既時候, 隊長又拎左碗龍蝦湯慢慢歎 !!!
仲有碗海底椰燉川貝 tim !!!
呢兩片多士配龍蝦湯, very good !!!
各位團友, 我地欣賞下夜幕下既青馬大橋先 ~
甜品時間 !!!
各款 cake 類, 包括 cheese cake, 檸檬 cake, 燉鮮奶, 朱古力 mousse, 幾款都幾好味呀 !!!
好鍾意佢有甜筒 !!! 唔知係咪太耐未食過雀巢既甜筒呢 ?? 覺得好好好好味 !!!
Photohunt 時間, 以下兩幅圖有咩分別呢 ??
話說東風螺怪隊長見左邊呢碗無湯, 响佢 KO 晒後又走去淥多碗有清湯既, 佢今晚食左接近 35 隻喇 ….. >.<”
二等兵呢個時候食下生果先 ~
全家幅 ~
之後, 隊長又忍唔住拎多支甜筒喫 ….
隊長 : “鬆鬆, 黎啦, 食我呢支啦 ~ 交你手上支雪糕俾我啦 !!!”
鬆鬆 : “唔制, 我支好味 d !!!”
二等兵都忍唔住 … 食多支芒果味 !!!
隊長 : “喫啦 … 陳小 “G” !!!”
而家已經無乜人攞梳乎厘, 二等兵為左幫碗梳乎厘平反, 見出面 d 梳乎厘應該焗得耐 d, 於是攞多杯返去大平反 …..
點知平反失敗, 都係水汪汪的, 睇黎係個爐既問題 …..
頭先俾神偷侍應偷走左件長腳蟹, 而家二等兵出去攞返幾件試下先 ~
最後黎多杯餐茶消化下先, 都係任飲 ga ~
多謝 $541.2 ($248 x 2 + 10%)
鬆鬆 & 白熊 : “我地邊有錢俾呀 … 走喇 …… Bye Bye ..”
陳小 G : “等埋我呀 )))))))))))))”
望多次夜幕下的青馬大橋先 ~
臨走時補影的相 ~
行返出去心意海濱, 你地兩個又忍唔住 ……..
其實食物都 OK 的, 但隔離枱太多小朋友, 所以真係幾嘈, 同埋最尾 d 小朋友食飽飽後週圍走嚟走去, 感覺都好危險, 最驚係拎住 d 熱野佢哋走黎走去撞到, 所以奉勸各位家長記住唔好俾小朋友周圍跑 !!!
