隊長知道二等兵今晚無生日飯食即時提議今晚去君好撐枱腳 !!! 隊長你實在太好喇 !!!
其實呢度即係南洋酒店 2/F 既君好扒燒西餐廳 (Grill Cafe) ~
雖然係一間舊式既酒店, 但內裡既服務真係一流, 所以有時都比較鍾意去呢 d 細規模既酒店 ~
18:45 pm 已經入座喇, 我地响餐廳風平浪靜, 卿卿我我咁, 食左成晚都唔知原來出面曾經掛過紅雨 !!
隊長, 你今晚又包場喇 !!
其實我地原本想上個星期四想黎食 ga, 但上個星期二打去 book 位時竟然話 full booked !!! 睇完今晚既情況就真係難以想像 ………
先講下食乜先 ~
其實呢度係 semi-buffet, buffet bar 包括 : 冷盤, 沙律, 甜品及小部份熱薰 ~
main course 價錢由 $248 - $348 不等, 視乎食物而定, 而 main course 奉送餐前酒及餐後紅酒或白酒 (各一杯) ~
餐前甜酒可以揀以下既酒類, 如果唔飲酒既, 都可以揀汽水 ~
好喇, 唔講咁多, 我地睇下 buffet bar 有咩食先 ~
冷盤有青口 & 凍蝦 - 都幾新鮮吖 ~
煙三文魚 - 咸左 d~
希臘沙律 & 鮮果沙律 ~
凍火腿片 & 黑椒牛肉片~
吞拿魚長通粉沙律 ~
芝士伴克力架 ~
多士 - 其實本身叫 main course 都有蒜蓉多士送, 仲勁重牛油蒜蓉味, 所以我地都冇攞太多 ~
甜品類 ~~
鮮果撻 - 估唔到幾好味喎 ~
黑森林蛋糕 - 好滑, 好味 !!!
綠茶布甸 - 太重香精味 ~
奇異果毛士 - 勁酸呀 ~
荔枝香橙布甸 - 唔錯 ~
法式焦糖燉蛋 - 好好味 ~
意大利牛奶布甸 - 略甜但好味 !!!
芒果毛士 - 好好味 ~
泡芙 - 面有朱古力漿, 裡面有咖啡毛士, 好味 !!!
好難食既芒果布甸 - 好重香精味 ~
雜果啫喱 - 一般 ~
勁濃既朱古力毛士 - very good !!!
無 name card 唔 sure 係乜, 但食落似係咸芝士 cake ~
瑞士卷 - 一般 ~
餐湯有兩款 ~
青色既係菠菜忌廉湯 ~
紅色係美式雜菜湯 ~
餐湯好好味, 尤其係美式雜菜湯, 但可惜兩款湯都唔夠熱, 所以要扣少少分 ~
呢幾款醬汁原來係 for main course 的 ~
分別有 : 迷迭香草汁, 黑椒汁, 什菌汁, 乾蕃茄忌廉汁, 黑車厘子汁 ~
因為呢個係 semi buffet, 所熱薰類唔多 ~
煙肉薯仔 ~
芝士西蘭花 ~
"塞" 米 ~
沒有留言:
張貼留言