呢度有幾個大漢既職員, 但係佢地招呼勁好, 又好禮貌, 而店內又有兩部電視睇, 可以一路開飯一路撈電視汁, 呵呵~
晚餐類大致係 $39 - $50 左右, 包 : 例湯, 一碗飯及飲品, 又唔使加一, 抵 !!!
是日例湯係花生雞腳煲老黃瓜, 湯夠熱, 係非常之熱, 加上無乜味精, 味道都好媽媽 feel, 好正 !!!
西檸焗排骨 ($39) ~
排骨其實係豬扒切件, 好滑, 個汁又好正, good ~
沙薑雞 ($39)
鬆鬆 : “陳小 G (雞), 佢地又食你喇 !!!”
d 雞唔識分係咪雪藏雞喇, 但就幾滑同幾入味喎, 想再濃味 d, 可以點埋沙薑汁 ~
雞件全部雞胸, 隊長就激讚啦, 因為啖啖肉, 啱晒佢, 但就唔係二等兵杯茶, 因為二等兵鍾意食雞脾 & 雞背, 隊長唯有割愛左隻 “G” 翼俾二等兵啦 !!!
你地無眼花, 無錯 !!! 我地兩個茂李係叫左三個餐既 !!!
話說大食既隊長今晚勁肚餓, 所以一人一個餐係唔夠飽, 於是我地叫多個西蘭花炒斑球 ($40) ~
斑球唔係平時舖滿厚厚粉既雪藏斑球, 唔錯吖 ~ 而西蘭花又唔會太硬, 加上食食下店員會走黎問 : ” d 野好唔好味, 唔好味記住話俾我知呀 !!” 招呼真係好 OK ~
其實有三碗飯, 最尾果碗掛住食, 無影相 XD ~
三十零四十蚊既餐, 除左餐湯外, 仲有飲品包埋 tim, 今時今日呢個價錢有呢個服務,真係少之又少 !!!
熱檸水 + 熱奶茶 ~
第三杯飲品揀左紅豆冰 (+$5), 甜左 d, 紅豆唔夠稔 ~
最後外賣多盒 “鮑魚雞粒炒飯” 俾屋企人食先 ($34, 外賣 +$1)
炒得濕左 d, 亦淡左 d ~
三碗湯, 三碗飯, 三個餸, 三杯飲品, 隊長仲話係 8 成飽 … @@
鬆鬆同雞仔一見到張單就轉身閃人 …. Bye Bye ….
Total : $158
睇黎呢間冰室响未來一兩個月都會成為我地既飯堂 ~
沒有留言:
張貼留言