2010年10月30日 星期六

Panda House Frozen Yogurt @ 旺角

話說上星期吃了 Yoppi Express 之後, 同道中人既網友 TIVIMO 介紹左 Panda House 俾二等兵, 二等兵就心思思想食啦, 於是今日又走黎試下 ~


門口既 Banner ~



標榜用北海道 3.6 牛乳製成, 味道一定唔會差得去邊啦 !!!





成間舖都係熊貓裝飾, 看來店主應該係愛熊貓之人 ~








第一次買, 唔知點買法 ?? 唔緊要, 好簡單 ~

首先店員會俾乳酪, 揀好配料後再按重量收費 ~ $13 / 100 g



配料都好多選擇 ~



我地揀左士多啤梨 & 芒果, 二等兵始終都鍾意食生果味既 yogurt ~

隊長話鍾意食棉花糖, 於是又加左幾粒 ~ 再加少少木糠 ~



可以再落埋醬汁, 有士多啤梨醬, 朱古力醬, 藍莓醬, 蜜糖, 煉奶 etc, 但我地無落吖 ~



Total : $26 



鬆鬆 : “雞仔, 有得食喇 !!!”



正 !!! 3.6 牛乳製既乳酪果然係唔同食法 !!!



雞仔 : “鬆鬆, 查實呢隻熊貓係咪你既遠房親戚嚟 ga ??”



又玩印仔遊戲, 儲滿 10 個印仔送一杯 ~ 好, 下次黎旺角一於再幫襯你 !!!

嗚門魚湯麵亭 @ 旺角

近期隊長發崛左幾間食店都未試過, 趁今日 weekend 無野做, 走去試下先 ~

呢間嗚門魚湯麵亭既湯底, 聽講係用新鮮鮟鱇魚淆制而成, 雖然唔知咩叫鮟鱇魚, 但二等兵都好有興趣吖, 而隊長就好怕魚味, 唔知呢間食店 d 魚湯過唔過到隊長果關呢 ??


晏晝都無食過乜, 於是今晚早 d 食晚餐, 6 點鐘黎到, 隊長包左一陣場呀 ~



呢面既坐位都幾日式 bor ~



先黎個軟殼蟹沙律先 ($28) ~



$28 黎講有呢個份量好抵呀 !!!

除左抵之外, d 軟殼蟹一 d 都唔腥, 仲炸得幾好味 tim ~



隊長呢個係石鍋活蜆野菌烏冬 ($68) ~

送黎既時候真係勁熱, 仲勁過萬豚屋既石鍋烏冬 !!!

味道好鮮甜, 食得出無乜味精, 係好新鮮既魚湯味 !!! 一個字, 掂 !!!

溫泉蛋都好溫泉吖, 烏冬亦好彈牙, 成碗野都好好味 ~



外圍包左呢塊紙, 有鮟鱇魚既樣吖 ~



其實門口都貼住鱇魚小檔案 ~



二等兵呢碟係中華冷麵配芝麻汁 ($48) ~



配料有 : 車厘茄, 青瓜, 溫泉蛋, 豚肉, 荀, 蟹棒, 粟米 ~



二等兵就最鍾意食芝麻汁, 好好味, 又係一個字 : 掂 !!!



KO-ed, kakaka … ~~



二等兵都 KO 埋呢碟冷麵 !!!




Total : $144 (免加一)

味道好味, 又唔算貴, 一定會 encore !!!

2010年10月28日 星期四

客家爺爺 @ 銅鑼灣

話說隊長諗緊今晚食乜野既時候, 就諗到 “滿點冰室” 啦, 不過可能連續食左幾個星期都想轉下地點, 於是上網找到呢間客家爺爺 ~

聽講唔係太多人, 所以我地都無 book 位 ~




黎到果然係無乜人, 可能因為早啦, 坐位幾乎可以任揀 ~

呢碟前菜 (連茶芥) 盛惠每人 $10, 好彩二等兵都鍾意食 ~




隊長至喜歡既咸菜胡椒豬肚湯 ($28/位)

因為二等兵對於胡椒唔太喜愛, 所以只叫左一碗咋 ~




豬肚有 4 件呀, 二等兵食左件半, 嘻嘻 ~




爺爺煙香雞翼 ($56)
响落單既時候隊長突然問店員呢碟雞翼有幾多件, 點知店員話兩件雞 “中翼” 切開, 得兩件雞中翼切開 ?? 於是以為得 4 件啦, 點知攪完一輪, 原來係三雞 “全翼” 切開, 明晒 !!

又食雞翼 ?! 雞仔真係無眼睇喇 !!!

鬆鬆 : “雞翼幾好味吖, 燒雞翼, 我鍾意食 …..”




客家紅燒蘿蔔炆牛腩煲 ($88)

睇落個煲既份量細細的, 但食落都唔算少 ~ 但唔係全部俾晒牛腩, 有 d 係牛孖筋 ~




味道唔錯吖 ~ 幾野味 ~




菠蘿檸檬鴨 ($88)




味道 good 呀, 而且 d “鴨” 件無骨, 啖啖肉, 點解要括住 “鴨” ?? 因為食極都覺得佢係雞塊 ~~




炸饅頭 ($25/半打)




炸得好脆呀, 好味, 美中不足係唔可以叫 3 炸 3 蒸 ~

好懷念深圳好當家既鴛鴦饅頭呀 !!




糖水是送的, 木瓜雪耳糖水, 好味 ~




埋單仲送左一隻寫有 “客家爺爺” 既杯俾我地 ~ 又送左張晚市 $50 coupon tim ~




Total : $336 (包加一), 茶芥 $10/位

野食都幾好食, 但覺得好貴呀, 要填包隊長個肚都要幾百蚊落樓, 所以應該唔會再侵略喇 …

2010年10月23日 星期六

興記煲仔飯 @ 廟街

太好喇, 本來今日預計會落大雨, 最尾出太陽呀 …..

而家天氣涼涼地, 於是我地又諗起廟街既煲仔飯, 今日一於黎滿足下自己個肚皮先 ~

如果無乜特別事, 最好就在 19:00 pm 前黎到, 唔使等位吖嘛 !!! 唔係過左 7 點後就有排等呀 !!!

諗左一輪, 結果叫左呢幾樣野 ~

首先梗係要啤啤佢啦, 呢支係哈爾濱啤 ($16) + 大可樂 ($7)


招牌菜, 興記煎蝦餅 (小) ($20)



本來我地想叫豉汁炒花甲 ($45), 點知臨落單前, 聽到後面枱有位哥哥仔投訴 d 花甲同蜆無乜分別, 但花甲貴過炒蜆 $10 喎, 於是我地梗係 “醒爬” 唔叫花甲, 改叫炒蜆啦 !!!

豉汁炒蜆 ($35)



辣辣地, 幾野味, total 有 31 隻 ~



味菜炒大腸 ($50)



呢度黎講, 一碟 $50 既小炒都幾貴吖, 但又好好味喎 !!!



滑雞煲仔飯 ($18) 一個字, 抵 !!!



雞都 OK 喎, 係有 d 碎骨囉, 食時要小心 d ~ $18 仲想點 !!!



飯焦黎喇



記住黎到焗 10 分鐘左右先食, 就可以食到個煲底咁靚仔喇 ~ XD …..



紅燒豆腐 ($35)






Total : $181

其實我地留意到隔離幾枱, 兩個人都係食咗 $100 多 d, 唔知點解我地成日都貴過人呢 ?? 咪因為隊長大食囉, 人地兩個人邊會叫咁多碟餸吖 !!!

上年聖誔節帶鬆鬆黎廟街, 你地睇下佢個樣唔同左好多 ~~ kaka …..

http://hk.myblog.yahoo.com/jw!i.tNomCZFQXh9v4asaKUDMtApq1n/article?mid=6223