早兩日上網 & 路過 小心得 既 blog, 見到呢個芒果乳果凍真係幾咁吸引, 加上呢排又天時暑熱喎, 趁今日放假整黎食下先 ~
尋日見到 Taste $10 (3 盒) ~
好喇 … 用 500 ml 熱水開溶 d 啫喱粉, 溶晒後再加多 200 ml 凍水溝凍佢, 溝凍水快 d 凍, 唔使等咁耐, kaka ~
個芒果好細呀 ~ 所以唔多夠芒果肉 ~ 將就下將就下 ~
係就係細個 d, 但好香好甜呀 !!!
原味乳酪兩杯 ~
等到芒果啫喱溶液完全攤凍後, 就加入上面既乳酪 ~
俾 d 耐性整溶晒 d 乳酪先 ~
倒入細杯度 ~ 雪到晚飯後有得食 !!!
用唔同 size 既杯整左好多杯吖 ~
鬆鬆 : “有得食未 ??”
都係呢隻杯吸引 d ~
食後感 :
質感類似芒果布甸, 但覺得比芒果布甸既做法簡單 d & 方便 d, 因為唔使買花奶同鮮奶, 同埋唔使落生雞蛋, 感覺健康 d ~
另外, 味道方便會較芒果布甸酸少少, 所以下次會轉用芒果味乳酪 ~
參考網址 :
http://bonbonkitchen.com/kitchen/page-2.htm
http://www.discuss.com.hk/viewthread.php?tid=12234182&page=4#pid251772109
http://hk.myblog.yahoo.com/keroroxtamama/article?mid=2437
——————————————————————————————————————————-
食譜 - 芒果乳果
材料 :
芒果 2 個 (中型)
酸乳酪 2 杯 (300 ml)
芒果啫喱粉 2 盒
滾水 700 ml
做法 :
1) 把 700 ml 滾水沖入啫喱粉中開溶, 放置完全涼透備用。
2) 待啫喱溶液完全放涼即可加入酸乳酪拌勻。
3) 將芒果去皮起肉切丁粒, 分別盛入小杯中, 再注入啫喱乳液, 放置入冰箱 4’C 冷凍至凝固即成
溫馨提示 :
開溶了的啫喱溶液要完全放涼才可拌入酸乳酪, 否則會有分層或起豆腐渣的情況出現。
———————————————————————————————————————————————————
芒果布甸食譜 :
http://hk.myblog.yahoo.com/jw!kfaG9NKQHwC4FSry2ZdbZVs-/article?mid=227
上星期路過 小悅 的 blog 見到有荀野介紹, 於是入左呢個網址度登記,
http://www.johnsonsbodycare.com.hk/
其實之後都無左件事 lu, 點知尋晚返到屋企就收到 Johnson’s 寄黎既 sample 喇 !!! 大約 10 日左右都算好快吖 ~
今次佢地真係落本喇, box set 寄黎, 裡面有成兩大支 sample, 每支都有成 100 ml ga ~
一支 body wash, 一支 body cream, 真係啱晒夏天游水或打波用呀 !!!
仲送埋萬寧 $3 現金卷 ~
好啦, 如果好用既話我實會幫襯你架 ~~
適逢明天屋企大廚生日, 於是今日就整個蛋糕先 ~
整咩 Cake 好呢 ?? 呀, 上次買左支 Bailey 酒都仲未用, 同埋佢地又未食過 Bailey Cake, 咁不如就整呢個啦 !!!
呢支就係响二得惠買既 Bailey 酒 ~
其實之前响 Citysuper’s 見過有一支 Bailey 酒賣, 但就勁貴囉 ~~ 所以有時想買黎玩下又唔想買咁貴既話响蛋糕店買都有不錯既選擇 ~
隻蛋打散左 tim ~
魚膠片要用凍水浸下先 ~
首先要整左餅底先, 放入雪柜雪下去 ~
打起淡忌廉, 不可太杰 ~
蛋黃 + 砂糖打到淡黃色 (少少杰身) ~
將甜酒加入蛋內用膠刮撹勻 ~
將魚膠片的水倒出, 加 40 g 暖水開溶 ~
將魚膠溶液倒入蛋液內 ~
將混合物加入淡忌廉內 ~
倒入餅模內雪 2 hrs ~
雪左一晚後 ~
脫模 !!!
明明買左支火槍, 但又懶拎出黎, 所以側面唔係咁靚 ~
個面整 d 咩好呢 ??
其實原裝食譜係加朱古力响面, 但上次整過成效唔係太好, 因為佢地唔係太鍾意配朱古力, 所以今次不如加朱古力粉 ~
循例入盒影張相先, 哈哈哈 ~
sake 鬆好識歎呀 !!!
Happy Birthday to my mum !!!
黎, 快 d 許個願先 !!!
好滑吖, 同埋今次個餅底都做得幾鬆, 唔會太實, 唔錯 ~ kaka ~
————————————————————————————————————-
Bailey Mousse Cake 食譜
材料 :
A) 餅底
消化餅碎 60g
溶牛油 30 g
B) Mousse Cake
蛋黃 2 隻
糖霜 (或砂糖) 50 g(可加減)
百利甜酒 35 g (可加最多至 40 g)
淡忌廉 200 g
魚膠片 3 塊 (5 g 一塊, 約 15 g)
暖水 40 g
做法 :
1) 先做餅底
2) 溶魚膠片
先在容器中倒滿凍開水 (可水喉水或冰水, 但不可熱水), 將魚膠片放入浸約 3 - 4 mins.
3) 打起淡忌廉, 不可太杰
4) 蛋黃 + 砂糖打到淡黃色 (少少杰身)
5) 將甜酒加入蛋內用膠刮撹勻。
6) 將魚膠片的水倒出, 加 40 g 暖水開溶 。
7) 將魚膠溶液倒入蛋液內。
8) 將混合物加入淡忌廉內。
9) 倒入餅模內雪 2 hrs 即成。
嘩, 隊長今日又帶二等兵食好野 ~~
我地今日食京川滬菜吖 ~
講下收費先, 任點任食 $198/位, 星期一至四 85 折, 連茶芥及前菜實收 $201/位 ~
黎到 18:30 pm, 得幾枱客咋, 但到 19:00 pm 打後, 只淨返大枱唔滿 ~
呢碟就係 $8 既前菜 - 菜甫喇 ~
一坐低服務員好好招呼, 叫我地不如落一個拼盤試下先, 可以樣樣試下, 覺得好食可以再落單 ~
好快就有得食 !!!
拼盤包括 : 無錫脆鱔 - 超好味 !!!
海蜇拌青瓜 ~ 好味呀, 好少响酒樓食既海蜇拌青瓜係唔辣 ga !!!
上海烤麩, 好好味 !!!
鎮江肴肉, 好好味 !!!
南京鹽水鴨, 一般 ~
蜀都口水雞, 呢 d 咁辣既野留返俾隊長獨享 ~ 佢話夠晒辣, 仲辣得好過癮 ~
剛剛開始食個拼盤既時候, 服務員勁細心同我地講, 不如落個湯羮俾你地潤下喉先 ~
左邊既係 “宋嫂鮮魚羮” - 一般啦 ~
右邊既係 “海鮮酸辣湯” - 少少辣, 少少酸, 我地一致覺得好好味 tim !!!
二等兵第一次食既 “蜜汁烤雙方” ~~ 真係大鄉里出省喇 !!!
底下有 d 蜜糖, 好好味呀 !!!
夾埋塊包先 ~
食得 !!! 等我點多 d 蜜糖先 !!! kaka ~
茄汁海鮮鍋巴 ~ 大鄉里既二等兵又係第一次食呀 !!!
個茄汁好好味 !!!
瑤柱賽螃蟹 ~
一般啦 ~ 熱食會好 d, 凍左就麻麻喇 ~
黃金河蝦仁 ~ 食頭幾粒幾好味, 但對於兩個人黎講呢碟太多喇 ~
再黎多份 “蜜汁烤雙方” ~ 本來叫兩份 (一人一份), 但黎左一份咋 ~ 於是再加單 ~
上菜速度奇快, 仲要係新鮮蒸起, 熱辣辣, 正 !!!
encore 既 “上海烤麩” ~
再 encore 既 “海鮮酸辣湯” ~ 夠熱, 正 !!!
黎多客海蜇拌青瓜 & 口水雞 ~
頭先叫兩份雙方就俾一份, 今次叫一份就俾兩份 ~ 不過好彩隊長鍾意食, 實食得晒 !!!
飯桶隊長今晚既 Target - 揚州炒飯 !!!
油左 d 呀 ~~~ @@
又到甜品時間喇 ~
哈蜜瓜西米露 ~ 夠凍, 夠椰汁, 正 !!!
好足料既桂花糕 ~ 細細件, 好味 ~
高力豆沙 ~ 皮厚左 d, 唔夠餡 ~
黎多兩件先 ~
又再黎多兩件桂花糕 ~
二等兵勁鍾意食, 臨尾再 encore 多一件, hehe ~
Total : HK$402 (2 位)
其實呢 d 任飲任食唔會食到太多野, 但如果 d 野食是散叫的話都幾貴 ga ~ 所以抵唔抵就見仁見智喇, 不過第一次食上海野 buffet, 感覺都幾新鮮, 所以試下都無防 ~
另外, 星期五至日及公眾假期無 85 折優惠, 但菜款比起星期一至四就名貴少少, 例如有 : 醉雞, 茶葉燻蛋, 鎮江醋排骨, 糟溜魚片, 桂花酒釀丸子等等 ~ 鍾意呢 d 菜式可以揀五至日黎 ~