變左我哋既飯堂 - 添飯小廚 @ 西環

呢期响 CWB 已經發現唔到又平又抵既野 …. 最主要係 d 食店既食物份量少, 但又唔平喎, 食左都未夠填飽隊長個肚, 食完要再開第二餐 ~ 再係咁落去二等兵真係無晒 quota 喇, 所以唔可以俾佢繼續一晚食兩餐 !!!

所以呢排我地興黎到添飯小廚, 雖然加左價唔算平, 但貪佢食得隊長飽肚之餘, 都覺得呢度 d 餸都幾啱口味, 同埋做街坊生意, 招呼得好親切 ~

好喇, 說話唔多講, 即時去相 ~

每次都會奉送的中湯 ~

是日例湯係節瓜章魚煲豬 “月展”, 雖然話係例湯, 但唔多覺好大味精, 都幾媽媽 feel ga, 最正係熱辣辣, 飲湯要好熱先好飲架嘛 !!!

隊長成日都蝦人 (二等兵), 呢味滑蛋蝦仁 ($62) 啱晒佢喇 !!! 不過 $62 好貴 lor ~~

估唔到蝦仁係咁大粒 !!! 成隻湯匙咁上下大 ga, 仲好新鮮, 好彈牙, 話晒成 $62 都算佢無呃秤啦 !!!

二等兵睇中既蟹子蟹肉扒西蘭花 ($68)

唔平 ga, 但真係用蟹肉 lor ~ 同埋 d 西蘭花炒得啱啱好, 唔會太硬 ~

又係飯桶隊長出場既時候, 呢味福建炒飯 ($44) 夠填飽佢個肚喇 !!! kakaka ~

好鍾意食呢度 d 炒飯, 因為炒得夠乾身, 而二等兵就鍾意佢個汁, 好好味 ~

Total : $174

唔平 ga, 其實呢度有精選晚餐, $98 (2 餸 + 2 白飯, 送例湯), 見隔離枱的食物都 OK 的, 但唔知點解次次我地都會散叫, 下次都係叫精選晚餐先 ~