黎親上環熟食街市都係幫襯長毛 (碟頭飯), 泰國嘢同飲茶, 但就真係未黎過瑞記, 隊長今日話要黎侵略下 ~
黎到 13:00 pm, 竟然俾隊長包場一陣 ~ kaka ~
個價錢牌好懷舊呀, 我地睇下食乜先 ~
好啦, 一於叫晒呢度既名物先 !!!
叫完野, 老闆伯伯就會入去廚房煮野食喇 !!!
招牌凍奶茶 ($11), 特別在於每個客人叫親都係一支支 ga, 仲要用玉泉忌廉既樽裝住 ~
夠滑, 夠晒凍, 奶味又重, 好正 !!!
另一招牌 - 蛋牛飽 ($9)
老闆好攪笑 ga, 因為年紀既關係, 佢有時會忘記落蔥 ga, 所以鍾意食蔥既朋友記住落單果陣提下伯伯要多蔥呀 !!! 但以佢呢個年紀可以打理成間舖頭, 又記得邊枱叫個乜, 真係好犀利呀 !!!
件飽係熱辣辣, 加上新鮮即製既蛋牛, 成個飽都好正 !!!
牛肉丁麵 ($15), 係原味出前一丁呀, 唔係福麵 / 大光麵 !!!
$15 有出前一丁, 一黎到陣陣麻油味, 真係引 “屎” 人 !!!
餐蛋丁麵 ($15), 抵到爛 !!!
見住佢係用出前一丁黎煮, 無欺場呀 !!!
呢個就係老闆喇 !!! 原來佢已經接近 80 歲喇, 仲可以記得邊枱客叫 d 乜, 又可以親自煮野, 都咪話唔犀利 !!! 唔只咁, 佢仲好好人, 成日都對住客人笑笑口 ga ~
食到咁上下, 隊長醒起另一個招牌菜無叫, 於是就加單 ~
老闆就即刻入廚房開爐喇 !!!
我地叫左咩 ?? 咪就係呢度既招牌之一 - 西多士 ($15) !!!
西多士有咩咁特別 ?? 特別在呢度既西多士唔係炸, 係點蛋漿後煎, 再加練奶 !!!
呢塊西多士我同隊長真係爭住食呀 !!! 正呀 !!!
Total : $65
呵呵 … 响呢頭附近返工咁近, 得閒可以落黎食喇 !!!
沒有留言:
張貼留言