Bailey Mousse Cake

明天有親戚來我地屋企有野幫手, 為左答謝佢地, 二等兵今日整左個 Bailey Mousse Cake ~

無試食過呀, 不過應該同上次整既差唔多味 ~

食譜 : http://hk.myblog.yahoo.com/jw!i.tNomCZFQXh9v4asaKUDMtApq1n/article?mid=12036

自家製燒肉 Take 2

上星期整左我人生第一舊燒肉之後, 因為覺得個皮可以再改善下, 所以今日黎個 take 2 !!!

上次第一次整, 所以件冰鮮豬腩肉唔敢買咁大舊 ($15.4), 今次老豆覺得二等兵會成功, 所以買左一大件新鮮有骨腩肉 ($34.4) ~

响個底睇到係一條條豬 “月展” 纹 ~

上次過咸, 今次減返 d 鹽醃肉, 而面呢層鹽反而舖厚左 ~

邊位偷雞無舖滿鹽, 下次都係唔好咁懶喇 ~

醃過夜後, 焗之前再將層厚鹽用刀仔刮走, 記住唔可以用水沖, 最多用張紙巾抺走剩餘既鹽 ~ 再在皮上掃少少油 ~

放最上層, 用左 15 mins 爆皮 ~

上次聽完 Kelly 既意見後, 今次對準 d 條發熱線先 ~

一路坐响旁面留意住, 一路都唔發現有咩問題, 但係到左 15 mins 開始出事 ….

就係高位部份 (紅圈部份) 對得太近條發熱線就出事喇 ~ 燶左 !!! =.=”

嗱嗱臨將佢放返落下層, 再轉下身先 ~

終於完全明白 Kelly 呢句寶貴既意見 : "要睇緊 d 個爐, 唔係一燶就燶哂架喇 ~"

如是者, 一路坐响個爐旁邊 …..

無多無少, 放落下層再焗多 1 hr 後 ………………

好香呀 ~

今日上鏡既係 7 週年鬆吖 ~ kaka ~

黎個近鏡先 ~

今次真係得呀 !!!

脆トト, d 肉又唔會太咸 ~

個個都話正 ~

又肥瘦均勻 ~

呵呵呵, 個個都食到舔舔脷 ~~~

小肥羊 @ 尖沙咀

隊長同二等兵平均幾個月就會去一次小肥羊飲下午茶, 我地鍾意黎尖沙咀呢間, 因為呢度坐得舒服 d, 而且叫既野又唔會漏單乜滯 ~

是日假期, 好彩二等兵不嬲都會 book 定位, 所以等左一陣就入得喇 ~

坐低 hea 左陣, 隊長就响出面攞左呢碟食物返來 ~

分別係 : 西檸斑塊, 豬紅, 西蘭花炒煙肉 & 豬頸肉等等 ~ 話時話個西檸斑塊都幾好味呀 ~

今次張點心紙既食物同早幾個月前黎既有少少唔同 ~

新嘢 -  牛 “月展” ~ OK 喎,如果再多 d 麻油味會好 d d ~

五柳皮蛋 ~ d 皮蛋無乜嗱喉, 算 OK 喇 ~

蒜香青瓜 ~

皮蛋瘦肉粥 & 海皇粟米羹 ~

在酒樓通常食粥通常都係唔夠熱, 而粟米羹熱辣辣, 正 ~

每次必食既小肥羊春卷 & 涼伴茄子 ~

呢個時候, 服務員捧住盤瑞士雞翼出來, 唔使幾耐已經無晒 lu, 我地坐正隔離位置, 所以先攞到幾隻雞翼 ~ 另外攞左 d 豬大腸同西蘭花 ~

輪到點心時間喇 ~

咖喱魷魚, 蒜香粉絲青口 & 蝦餃 ~

青口個樣勁唔掂 ….

仲有黑椒牛仔肉 & 排骨蒸陳村粉 ~

呢碟黑椒牛仔肉賣相完全唔得之外, 食落都好多肥糕 tim ……

輪到第二 round 喇 ~

嚟多碗海皇粟米羹先, 仲有雪耳燉木瓜 ~ 正 ~

呢碟涼伴茄子俾二等兵 KO 晒 ~

柚子桂花糕 ~

椰香芋茸飽 & 雲石馬拉糕 ~

好鍾意佢係芋茸涵 ~

仲有飲茶唔少得既豉汁鳳爪 ~

正常水準既山竹牛肉 ~

埋單 Total : HK$112

假日黎講, 呢個價錢食到呢 d 份量同質素真係好抵 ~

Lam's Restaurant

今晚隊長屋企宴客 —> 呢個客人咪就係我囉 !!! kaka ….

話說 Auntie 煮餸都幾掂 ga, 今晚二等兵有口福, 我地今晚來個中西餐 crossover先, 呵呵 ~

呢個係足料牛尾羅宋湯 ~

真係好足料, 除左有主角牛尾骨之外, 仲有椰菜, 青椒, 薯仔, 紅蘿蔔, 洋蔥, 西芹, 蕃茄等等 ….

左邊果碗有件薯仔既梗係大薯仔二等兵啦 ~~

wa … ~ 仲有二等兵至愛既 “G” 翼呀 ~

仲要係蜜糖雞翼 tim, 正 ~

鬆鬆 : “雞仔, 唔好意思喇, 又要食你 tim ~”

Auntie 話心血來潮整左蒜蓉拍青瓜 ~

呵呵, 加 d 醋仲正呀 ~

主角出場 la, 就係蘑菇腸仔煙肉意粉 ~

二等兵 : “隊長, 你攪掂佢 !!!”

呵呵, 二等兵呢碟係多腸仔 ~

食飽飽, Auntie 仲响隊長唔留意果陣, 整左盒愛心飯盒俾二等兵第二日帶飯 tim, 呵呵呵 ~

呵呵, 全部食物都係二等兵既至愛 ~

夜晚二等兵仲同隊長講笑話, 如果有蒜蓉多士同芒果布甸就為之 very good 喇, kakaka ~