食糉食飽飽

有朋友送了一隻鏞記的裹蒸糉給我們, 於是作為今晚的晚餐~~

包裝得好靚….唔知好唔好味呢??

一隻裹蒸糉梗係唔夠三個人食啦~ 於是加多另外兩款~~

二等兵每年必買既聖安娜桂花紅豆糉～ $40/4隻, 中銀咭 75折, 折左後 $30/4隻~

呢兩隻係長老响街市買既, 一隻係紅豆糉, 另一隻係裹蒸糉~ $5/隻

今晚 3 個人食左 5 隻糉~~

呢隻就係鏞記裹蒸糉啦…..

唔知係咪二等兵等人唔識貨呢?? 點解無乜味之餘, d 飯仲要又散又硬既….??

d 蓮子又唔夠稔……..

反而街市買既裹蒸糉同紅豆糉都幾好味喎~~~

而聖安娜果隻桂花紅豆糉真係好味喇 !!!

平野冇好既道理唔係次次都準~~ 哈哈~~~

————————————- 同場加映 ———————————-
隊長不讓二等兵專美, 亦都有好介紹 ~~~
鴻星原隻鲍魚竹筒糉 ~~~

味道一般, 隻鲍魚好細, 但有好多咸蛋黄 ……..

翰騰閣@又一城

今朝早同屋企人去了又一城的翰騰閣飲早茶~~

咁早黎到都冇咩人, 不過坐正响 12 人大枱隔離, 就覺得嘈了點~

响門口感覺呢間酒樓好似幾高級咁, 小點 $19, 中點 $24, 大點: $29, 特點 $33, 頂點 $38, 茗茶每位 $12, 坐低後望望點心紙見到大中小點都一律 $18, 貪心既二等兵梗係集中叫大點啦~ 哈哈哈~ 

鮮菇棉花雞 (大點)

瑤柱莧菜餃 (大點)

鮑魚雞粒酥 (大點)

香茜馬蹄牛肉腸粉 (大點)

家鄉蛋煎糯米雞 (大點)

百花芝士春卷 (中點)

豆腐魚湯脆腐皮 (大點)

最後黎多個甜品~ 蛋白杏仁茶 (大點)

各樣食物都好食, 招呼很好, 環境又乾淨, 總括黎講下次會再黎侵略!!!

Total: $198 (4人)

貢茶@旺角

食飽飽壽司之後, 我地又見口渴, 於是黎到新開冇耐既 “貢茶” ~~~

貢茶開正係輕鬆飲隔離, 擺明同佢打對台 !! 自從開多間貢茶之後, 果條街仲更加水洩不通 !!

其實除左登打士街之外, 新之城對面都有一間, 果間少人好多, 於是我地就去左果間侵略 ~ 結果唔使 15 mins 就買到喇 !!!

招牌貢茶 ($12) ~

仲有個秘訣架喎 !!

茶味唔錯, 可以再次侵略 !!

板前壽司@旺角

自從上次食左板前之後, 隊長對板前念念不忘, 今日隊長話要再侵略板前 !!!

黎到 6:45pm, 等位等左 45 mins 先有位~ 不過黎呢間都預左啦!!

先黎兩個手卷!! 隊長叫既蝦天婦羅手卷 ($15) & 二等兵至愛, 軟殼蟹手卷 ($20) ~

蟹棒壽司 ($12) & 6 件三文魚壽司 ($3/件)

三文魚醬油漬壽司 $4.5 (2 件)

隊長問 : “咦, 點解我件壽司冇左件魚既 ??”

咪因為去左二等兵隻碟隻囉!!!

見到坐响隔離果位小姐飲呢個鲜蝦牛乳湯飲得咁開心, 於是我地又叫左碗 ($15), 都 ok bor~

正所謂食得有策略, 我地又再叫特價三文魚壽司 (8 件) 先~

三文魚都幾新鮮, ok 唔錯!!

咦, 二等兵又化身做三文魚神偷, 偷左隊長三塊三文魚, 呵呵呵~

wow~~ ”足四兩” 三文魚壽司就咁就落左二等兵個肚度!!!  哇哈哈!!! XD

再黎多 4 碟三文魚醬油漬壽司先 ~

食左咁多野都只係 $149, 抵 !!!