曾幾何時, 我地都幾鐘意去金太郎, 貪佢唔使等位 + 質素 OK, 同價錢又成正比。
今天隊長好強烈想食壽司, 作為壽司怪既二等兵梗係 say good 啦!!! 我地大約 7:00 pm 左右, 見到旺角發生大單野, 封晒路咁, 於是我地唔想四圍走, 就去左西洋菜街既金太郎喇, 但點知一去就即出事。><”
我地第 1 round 好留手, 叫左三文魚壽司, 蟹棒壽司, 海鮮沙律壽司, 京蔥三文魚壽司, 吞拿魚沙律船壽司同埋軟殼蟹手卷~
個樣睇落係咪冇乜野呢??? 但係舊飯係散同勁硬, 下面個手卷 d 隻軟殼蟹好似發育不良咁, 同埋紫菜是”稔”的, 我地一路食一路已經頂唔順, 食到到喉唔到肺咁, 隊長提議不如去第二間繼續, 於是我地轉戰到板前壽司再食過~
Total : $76
————————————————————
離開金太郎後即刻衝去板前攞飛, 望望叫飛牌同埋自己張飛, 成 70 個 number, 於是上去家樂再睇下戰況, 點知家樂果間仲多人, 成 100 個 number, 唔知係咪今日旺角發生大單野, 個個走晒入商場入面 ???
後來我哋行兆萬, 隊長同二等兵仲有收穫 tim 呀!!! 隊長買左副軍曹基地, 佢搵左好多地方都搵唔到, 今日無意中俾佢搵到 !!! 開心晒啦~
行左接近一個鐘返板前, 終於仲有 15 個 number, 等多十分鐘先有位!!!
一黎到梗係食佢地特價既野啦!!!
醬油三文魚壽司, 特價 ($4.5/2件) !!! 開頭唔知好唔好味, 唔敢叫咁多, 後來覺得味道好似火炙三文魚, 都唔錯喎, 於是叫多幾碟!!!
隊長唔食既醋鯖魚壽司 ($15), 二等兵獨享 !!!
蟹棒壽司 ($12), 同金太郎同一個價錢, 但係大件好多同好食好多!!!
三文魚壽司, 特價 ($3/件)
奶油薯餅 ($15), good!!!
encore!!!
特價三文魚 $3件, size 都係正常既 size!!!
encore again!!
如是者, 我地食左
三文魚 x 6 碟
醬油三文魚 x 4 碟
醋鯖魚壽司 x 1 碟
蟹棒壽司 x 1 碟
奶油薯餅 x 1 碟
Total : $106
果然係一分錢, 一分貨!!!
沒有留言:
張貼留言