添飯小廚又黎喇 @ 西環

今日因為有事要辦, 所以下午放工連波都唔打黎到西環~




一黎到西環即刻諗起添飯小廚, 我地次次都係夜晚黎侵略, 唔知下午有無咩午餐飯呢?




隊長, 乜你又包場呀???

好喇睇下食咩先, 都有兩版午餐可以揀, 諗左一輪, 有野食喇!!!




中湯兩碗~, 跟餐送的~

呢個係福建炒飯 ($38)

飯炒得好乾身, 又好足料, 唔錯吖~

呢個係蝦醬海鮮烏冬 (本來係飯) ($29)

整體上唔錯, 但略嫌唔夠蝦醬味, 所以要扣少少分, 配料有好大隻既蝦, 仲有鮮魷同蟹柳~

鬆弛熊, 今日你俾呀?

Total: 67

聯威荼餐廳 @ 銅鑼灣

近排响缺乏維他命 “M” 既情況下, 今日我地黎到平平地既茶餐廳鋸吓扒先 ~

一人一個什扒 (唔包飲品 $35), 唔使爭 ~

豬, 牛, 雞扒各一塊, 另外仲有腸仔一條, 蕃茄半個, 少量什菜 & 薯仔數條 ~

什扒 ($35) 唔包野飲既, 如加餐湯或冷熱飲品加 $5 ~

呢杯係凍杏霜 ~

Total : $75

$35 一個什扒, 加唔加飲品任君選擇, 以呢個價錢黎講係好抵食, 加上佢 d 味道都 OK, 係味精多左 d 啫, 所以都算係一個不錯既選擇 ~

開工大吉 !!!

開工大吉 !!!

話咁快又一年喇, 虎年既工作天, 二等兵要勤勤力力先得 !!!

我要做好呢份工呀 !!!

希望今年公司今年多 d 生意, 老闆會加人工啦 !!!

第二次侵略~ 蒙自壹品 @ 深圳

本來諗住會 stay 响薰衣草園 2- 3hrs, 但點知一個鐘已經閃得,所以又搭多兩個站黎到深圳搵食~~




上次食完米線今次又想 encore, 所以又黎返蒙自壹品~

今次叫左雞絲過橋米線 (RMB15)~ 都係幾好食吖~~

不過其實都幾多油
ga!!!

另外叫左兩客小食~~ 就係秘制鴨腎 & 涼拌黃瓜~

秘制鴨腎 (RMB13), 超得!!! 不過價錢抵得住碗米線 ga!!!

呢碟涼拌黃瓜 (RMB7) 唔記得叫佢走辣 tim, 隊長食到0雪0雪聲!!!

虎年鬆, 又到你俾錢喇!!!

ToTal: RMB35

又再侵略好當家 @ 深圳

上次去完好當家後, 我地都食過翻尋味 !!! 今日咁啱北上, 所以一於再黎侵略 ~

本來真係好想食雞架, 不過呢排過年食雞都食到怕, 加上又想食豬手, 估計兩條友食埋雞肯定唔使食其他野喇, 所以唯有放棄左隻雞 ….




好, 唔講咁多, 即刻去相 !!!




隊長話要再飲呢個
“椰皇燉鮑魚仔” (RMB 38), 二等兵梗係無反對啦 !!!

鮑魚仔三粒, 雖然唔係好大, 但都算係咁啦 ~

飲湯要熱辣辣先好飲, 正 !!!

黃金豆腐 (RMB 22)

開頭以為係咸蛋黃 + 豆腐, 食起上黎原來係雞蛋 + 豆腐, 滑就唔算滑, 但個獻汁少少辣, 都算係幾好味 !!! 不過都係上次果個 “客家自磨豆腐” 好味 D ~ 因為豆味濃 d 吖嘛 ~

呢個木盆豬手 (RMB 32) 對我地兩個黎講都算大喇, 豬手件數都唔少, 仲要俾埋條骨你睇, 證明無偷工減料, 仲有伊麵底 tim, 隊長激讚吖 !!! 但二等兵都係覺得平時酒樓食果 d 梅子豬手好味 d ~~

隊長獨享青島啤一支 (RMB 8)

我地頭先因為唔知個木盆豬手有幾大. 所以唔敢叫咁多野食, 食到七七八八後再叫多半打榴槤酥 (RMB16)  and
半打炸饅頭 (RMB16) !!!



呢個炸饅頭真係無得頂, 講真, 食過呢度 D 炸饅頭真係覺得去第二度食點都唔及呢度既好食 !!!

D 榴槤酥一擺低已經聞到陣陣榴槤味 !!!
正呀 … 簡直係二等兵至愛呀 !!! 最好就係唔係好大個, 一啖擺晒入口慢慢感受到榴槤香味, 二等兵猛咁鼓勵唔食榴槤既隊長, 但佢始終唔敢食一啖, 只係輕輕點下就算, 食完之後二等兵叫隊長錫錫佢都唔制呀 !!!
>.<

好甜既西瓜, 肯定係用糖口浸過~

仲有上次無俾我地既糖水 !!!

用埋張 88 折既會員咭, 埋單 RMB 116 ~

香薰園 @ 粉嶺

今日初七人日, 先祝各位生日快樂 ~~




農曆年間日日都咁凍, 今日天氣終於暖返 d, 二等兵同隊長終於可以黎個新春行大運喇 ~~




好, 今日我地既 target 係粉嶺既薰衣草園 ~


由粉嶺火車站搭 52B 去鶴藪既綠 van, 叫香薰園落, 由鶴藪村路口落車沿路直行 3 - 5 分鐘, 其實只要上車同司機講,
d 司機哥哥都會好樂意話俾你聽幾時落車 ga ~

就係沿著呢條路直行~

好, 見到目標人物喇 !!! 呀, 係目標位置先啱 ~~

入場費盛惠 $5 位, 記住要貼响件衫度呀, d 職員見唔到你張貼紙會問你架 !!!

一入到去就見到呢群黑羊, 其實…..係勁 “酥”, 真係 “酥” 到無朋友 !!!




可能佢地因為凍, 所以圍埋一齊取暖~~

有 d 廣告宣傳 ~

好喇, 我地睇下有咩睇先 !!!

呢個就係錦鯉池 ~

二等兵 : “乜呢幾條魚咁有日本 feel 既 ??”


隊長 : “係呀, 咁我地唔使去日本喇 !!! Kaka ……”

“撈魚樂” ~

之後我地向住薰衣草園進發 !!!

其實得塊田, 好細的, 之前仲擔心咁凍會唔會睇到薰衣草 tim, 今日黎到總算睇到 ~ 都幾多 tim ~


但值得一提既係, 呢度既薰衣草係無薰衣草味 ga bor ~~

有 d 仲係白色既 ??

呢 d 就係薰衣草既幼苗 ~

仲有其他植物 ~

再沿路行, 就有自製香薰水晶蠟 ~ 呢 d 玩意我地當然無玩啦 !!

精品攤檔 ~~

呢度實在太細, 無乜好玩„ 好多人黎到都係燒野食, 但我地唔想咁熱氣所以無 BBQ, 所以大約玩咗 1 hr 就走得喇, 所以侵略一次就夠, 我諗適合一家大細黎玩多 d ~
Website : http://www.lavendergarden.com.hk/TraditionalChinese/introduction.asp