華星冰室 @ 灣仔

有網友發現灣仔開左間同澳洲牛奶公司既食物有 9 成相似既華星冰室後, 又見到有幾個網友都話店員好好禮貌後, 二等兵同隊長又心郁郁想走去試下, 皆因我地都好鍾意食澳牛既炒滑蛋 ~

下午兩點黎到都仲要排隊, 不過好彩排左 5 mins 就有位喇 !!!

二等兵 : “睇下食乜先 ~~~ “

隊長 : “睇乜啦, 咪又係常餐 ……..”

d 餐果然係同澳牛既一模一樣 !!!

唯一唔同既係呢度標明用 3.6 北海道牛奶 & 清真牛肉, 同埋呢度 D 侍應多個笑容 !!!

叫左野食後, 我地就睇下 D 裝修, 華星名乎其實係 “華星”, 牆上掛滿華星時代既唱片封套外, 仲有明星既簽名版 ~

不過老實講, 係咪明星都唔係一個重要既因素, 最重要都係 d 食物好食啫 !!!

常餐 x 2 ($28 一份)

多士明顯係澳牛好食 d, 牛油味夠重吖嘛 !!!

而火腿, 炒滑蛋幾乎一樣味道 ~~

牛肉湯意就呢度好食 D !!!

奶油豬 ($12)

好好味 ~~

杯奶茶真係幾滑, 唔通真係用 3.6 牛奶沖, 無呃秤 ??

而杯朱古力就淡味 d, 落唔夠朱古力粉 ~

虎年鬆一見到要埋單即時扮傻唔知發生咩事………..@@

Total: 68

食物真係同澳牛有 9 成相似, 而服務就好 9 成, 起碼食起上黎唔會有咁大壓力, 成日俾人催住走啦 !!! 加上 d 侍應係有笑容, 尤其係門口果位帶位哥哥 !!! 我地下次想食炒滑蛋可以有新地方喇 !!!