自家製晚餐 @ 09/4/2012

自煮系列 ~

1) 清補涼煲肉眼
2) 白灼西蘭花
3) 薯仔炆排骨

外援系列 ~

4) 唐順興叉燒飯
5) 吉之島薯蓉焗青口

簡簡單單亦覺很滿足 ~

許留山 @ 北角

因為噚日食咗個胡椒豬肚湯攪到二等兵牙肉痛, 無晒胃口又無晒心機, 經過時見到許留山 promote 緊既芒芝三重奏好似幾得咁, 於是走入唉試吓 !!

坐低諗諗吓, 原來二等兵係第一次同隊長嚟許留山食甜品 !! 

芒芝三重奏包含 : 多芒丸子布丁、芒果芝士餅、芒果撈嘢 & 肉桂菠蘿 ($45)



芒果芝士餅 - OK 啦 ~ 不過唔夠芝士味 ~

芒果撈嘢 & 肉桂菠蘿 - 肉桂菠蘿陣味好難接受, 啲菠蘿乾爭爭咁, 唔掂 !!
芒果撈嘢似食緊雪芭, OK 啦 ~

多芒丸子布丁 -  啲丸子亦係有啲 “行” 味, no good~

布丁味亦好假……..

Total: $45

賣相就好, 但味道就麻麻……..

小方糖 @ 九龍城

食飽飽後, 我哋在附近行吓 ~

九龍城出名好多糖水舖 ~ 見到咁吸引又忍唔住想食 !!

random 揀咗呢間小方糖 ~ 原本都無人排隊 ga, 但行個圈返到嚟竟然有堆人响度等位 !!

等咗一陣就有位喇 ~

睇吓我哋食咗啲乜 ~

唔知點解二等兵次次食甜品都離不開芒果、士多啤梨同朱古力 ~

今日揀咗 “金銀滿屋” (芒果雪糕 + 小丸子 +  芒果汁) ($30)

芒果汁濃郁, 感覺唔錯 ~ 係啲小丸子有啲 “行” 味 ~ no good ~

隊長見平日食嚟食去都係芒果呀, 士多啤梨既甜品, 今日攪攪新意思, 叫咗呢個 “炭燒藍山咖啡雪芭” ($28)

好濃烈既炭燒咖啡味, 開正佢嗰味 !! 鍾意飲咖啡既人應該會鍾意 ~ 

不過二等兵食咗一啖就接受唔到咁濃烈既咖啡味喇 ~

Total : $58

新城潮州打冷 @ 九龍城

心郁郁又想嚟打冷 ~

隊長最鍾意嚟到 “九龍城新城” ga 喇 !!

難得出城咁高興, 啤啤佢先 ~ 大金威 ($12) ~



隊長至愛既鹹菜豬肚湯 ($30/碗)

胡椒味好勁, 勁到二等兵飲唔到 ~ 飲咗兩細碗之後第二日牙肉痛 ~

咁香胡椒味, 隊長梗係激讚啦, 同埋係勁多豬肚 ~



炸雙棗 ($55) ~

好味 ~

鹵水掌翼拼大腸 ($65) ~

咦, 漏咗大腸喎 ~

補返 ~



鹵水蛋兩隻 ($5/隻) ~

心型既糖醋麵 ($50) ~

好飽的一餐 !!

Total : $222 

樂廚私房菜 @ 尖沙咀

團購系列。

又到清 coupon 時間 ~

今日呢間餐廳確實有啲 “騎呢” ~

之前二等兵已經打咗幾次俾餐廳老闆娘, 佢幾次都話唔使 book 位, 地方好大, 放心上嚟食啦, 於是我哋趁復活節假期過海行街, 順便嚟用埋張 coupon 啦 ~

點知大約 13:00 pm 多啲嚟到門口, 老闆娘話今日啲餸清晒 …….. 吓 ?! 又話唔使 book 位 ?!

我哋難得過海, 加上張 coupon 就快到期, 於是問問老闆娘點算 ??

佢話唔介意既話佢有乜煮乜 …….

既然好日都唔嚟尖沙咀, 寧願佢俾啲餸頭餸尾我哋都好過要我哋再嚟多次 ………..
$39 一人於樂廚私房菜享用 4 道菜午市套餐：精美小菜 6 選 1 包括瑞士汁雞翼及更多、老火靚湯、時菜、絲苗白飯及飲品，已包加一服務費 (價值 $78)

menu from Groupon ~

枱面放滿用完既碗碟, 自己搵個稍為乾淨啲既位, 無人招呼, 老闆娘就係大廚, 私房菜吖嘛 ………….

到佢清咁啲客後, 我哋就開始有嘢食 ~

海藻昆布湯 & 瑞士雞翼 ~

好少飲海藻昆布湯, 幾特別 ~



瑞士雞翼夠入味 ~

白飯兩碗, 可能我哋食餸尾, 所以唔滿 ~

菜芯 ~ 同其他人比, 我哋呢碟只係半碟份量咋 …….. 人哋直情多到食唔晒 ………… >.<

家鄉釀豆腐 ~

幾入味喎 ~

Total : $78

老闆娘雖然幾好人, 但可惜唔識安排, 我哋勉強可以食到呢餐算好彩, 坐低咗之後, 有個男人嚟到直情唔俾佢入, 大家都嘈佢點解話唔使 book 位, 但嚟到又話賣晒 ?!

京川滬 @ 太子

團購系列。

見報紙話有幾間團購餐廳結業, 難得過海, 今日嗱嗱清咗呢張 coupon 先 ~

OH, 隊長買既時候睇唔到只限外賣 tim !! 因為我哋外賣完即刻坐車都有排先返到屋企, 於是問吓老闆娘可唔可以借個地方俾我哋食, 佢就好好人哋安排咗門口有張枱仔俾我哋 ~
$58 太子京川滬小食坊二人小食餐：麵食 2 碗 + 生煎包及鍋貼各 4 隻 + 自選小菜 2 款 + 豆漿 2 杯！適用於星期一至日！入選《新假期飲食一番》2012 全港必吃食店!（原價 $130）

menu (from yahoo) ~

豆漿兩杯 ~



雞翼三絲涼麵 & 北京炸醬麵 ~

份量係少啲, 不過估唔到味道唔錯 ~

生煎包及鍋貼各 4 隻 ~

花雕醉雞 & 鎮江黑醋骨 ~

醉雞一啲味都無 =.=, 賣相亦唔多得 !! 黑醋骨唔錯 ……..

Total : $58

唔係太差既, 不過食咗 8 隻生煎包及鍋貼之後好飽飽滯滯 ………

7-11 鬆弛熊森林篇

竟然可以帶哂佢哋返屋企 !!

特別要鳴謝善長 Edith !!

啲靚師奶大家互相交換印花既力量真係勁呀 ~



近睇 ~

 在森林和原野是多麼的輕鬆 ~

老地方小館 @ 上環

團購系列。
$98 二人老地坊小館 4 道菜川滬套餐，品嘗無味精燉湯、招牌醉雞、黑醋骨及擔擔麵，以味蕾遊走中國 (價值 $265)

見响公司附近, 近近哋買嚟試吓先 ~

團購餐牌 (from Groupon) ~

我哋揀咗無花果南北杏燉豬肺 (左) & 當歸紅棗燉豬心 (右) ~

招牌醉雞 ~

醉酒汁夠燶, 但雞肉唔夠入味 ~

招片黑醋骨 ~

呢個黑醋骨好得 !! 啲黑醋味好正, 仲要煮到少少燶燶哋, 好惹味 ~

菜飯 ~

擔擔麵 ~

少少辣 ~ 正 ~

Total : $98

呢個價錢，呢個份量及質素都唔錯喎 ~ 特別係個黑醋骨 ~　

花園餐廳 @ 北角

隊長今晚突然想鋸扒, 所以我哋嚟到傳統懷舊扒房 - 花園餐廳 ~

話時話, 我哋都有幾年未嚟過喇 ~
 

本來想叫焗田螺的, 但可惜今日無返貨呢, 於是只係叫咗兩客晚餐 ~

晩餐跟餐湯 & 餐包 ~

餐湯例牌一紅一白 ~

二等兵好貪心呀, 叫咗呢個 “海陸空三拼” ($78) ~

三拼即係乳鴿半隻、南中國大虎蝦及肉眼牛, 再跟炒飯 / 天使麵 / 沙律 ~

有隊長响度, 點少得炒飯呢 ??

隊長都好貪心, 每次鋸扒佢都會叫雜扒 ~

美式雜扒 ($79) ~ 份雜扒好大堆頭, 除咗有豬、牛、雞扒之外, 仲有煙肉、雞翼、火腿 ~ 正 !!

前睇 ~

後睇 ~ 二等兵已經對佢隻雞翼打主意喇 !!

飲埋杯餐飲先為之滿足 !!

熱奶茶及熱朱古力 ~

Total : $172.7

食物不過不失, 相信最重要係食返嗰份情懷 ~~

海家。小品 @ 西灣河

估唔到今日嚟到呢間餐廳俾到驚喜我哋呢 !!

話說今晚有啲事要攪到接近 9 點先可以吃晚餐, 於是我哋嚟到呢間晚餐 21:00 pm 後有 8 折既餐廳 ~

我哋叫咗兩個晚餐, 晚餐跟湯或沙律及飲品 ~

呢個係晚餐跟既吞拿魚沙律 ~

晚餐跟既餐湯 - 羅宋湯 ~

想講吓呢個羅宋湯, 就係佢唔似平時飲開嗰啲羅宋湯, 佢明顯係將啲薯仔打溶有少少杰杰哋, 真係好味啊 ~

除咗晚餐外, 我哋見到 <本月推介> 好平, 又叫嚟試吓 ~ 每人限叫一款架咋 ~

就係呢個意大利風乾火腿 ($8) 同埋芝士白汁煙肉焗生蠔 ($8) ~

其實 $8 一客真係好抵 !! 

 

兩份晚餐 :

隊長叫既蒜蓉汁鴛鴦羊伴意粉 ($58)

二等兵叫既卡邦尼意粉 ($46)

兩個晚餐都勁得 !! 尤其係卡邦尼意粉, 個汁係勁濃郁, 好 creamy, 有誠意 !!

再叫多客小食 - 芝士焗西蘭花 ($22)

啲芝士焗到燶燶哋, 正 ~

以為佢 21:00 pm 有 8 折會開到好夜, 原來到 22:00 pm 已經 last order 喇 ~ 我哋食到尾聲已經包場 ~

餐飲 - 熱檸水 & 熱咖啡 ~

見佢啲嘢咁抵, 忍唔住叫咗件美式芝士餅 ($12) ~

可惜唔夠芝士味, 如果叫做輕芝士餅會貼切啲 ~

Total : $133.2

食咗咁多嘢先係百零蚊, 抵 !! 加上啲食物又幾好食喔, 下次會再侵略 ~