泰豐婁@尖沙咀

新春期間, 我同隊長約埋 Rebecca, Bon Bon 同 Tracie 一齊到泰豐婁團拜~

呢度一間裝修得好舊式既滬江菜館, 侍應都係上了年紀既老伙記, 佢地都唔係講正宗既廣東話架~

一黎到都未叫野食, 隊長就猛話呢個前菜好正!!! 又真係幾正喎~

食乜野好呢………?? 睇下本 menu 先~

因為有戰鬥力強勁既隊長0係度, 所以我地雖然得 5 個人, 但係除左叫左一個 4-5 人餐之外, 我地仲點多 3 個菜, 兩個甜品~ 我地想再點菜時, 阿姐都忍唔住話: “應該夠食架啦!! 食住先啦, 唔夠先再嗌啦!!”

4-5位用套餐 $468, 包括:

三絲拌粉皮 ~ 好好味!!

賽磅蟹 ~ 都好味, 但係加多 d 醋會好味 d~

蔥爆牛肉 ~牛肉好焾~ 不過呢味餸係最尾先清晒~

北京填鴨 ~ 好味, 但係有 d 好肥~ 所以要一件起兩件止~~ (但係戰鬥力強勁既隊長又豈止食一件呢?)

鴨架子湯~

菜肉水餃~

京式甜品~ 竟然係涼粉?? 可能係店主細心既安排, 食完片皮鴨要清熱~~ hehehe~

呢碗係正常 size~

呢碗係隊長既 size~~

另外加叫:

炒肉末炸菜 $60 ~ 好好味喎!! 夾在叉子燒餅裡面食, 一流!!

叉子燒餅 $32~

塞滿左塊叉子燒餅~~ hehe~

南翔小籠包 $48~ 一般啦~

高力豆沙 ~ 好味呀!!!

拔絲蘋果~ 本來想叫拔絲香蕉既, 但係冇埋香蕉, 所以改要蘋果~ 但係因為 “攤” 得太耐先放落冰水度, 所以做得太硬~ 有 d 失望~

嘩, 好飽!!! 4 個女仔 + 隊長食左總共 10 個菜 (連甜品), 真係飽到唔郁得!!!

Total: 大約 $800