侵略福田之玩樂篇 - Part 1 (科學館站附近, 荔枝公園)

因為 MTR club 有兩張免費地鐡飛去落馬洲既關係, 隊長提議不如侵略一下福田 ~~

今日我地全程以 hea 為目的 ~~~

星期六, 二等兵係要返工既 , 所以我地食埋晏先北上。

大約 1:45 pm 就去到尖東站等車 lu ~

剛好一小時已經去到落馬洲站了 !!!

我地第一件事去票務處換張免費既地鐵飛出閘先 ~~

好野 … 可以慳返 $3x

其實我地全日都冇乜目的架, 真係好鬼 hea ~~

隊長話不如去科學館站果面行下, 於是我地搭地鐵去到會展中心站轉車到科學館站 ~~

0係地鐵站出口見到 KFC 有個黃金蟹鉗…..隊長又話要試 ~~~ 估唔到我地0係福田既第一餐係食 KFC ~~ kaka ~~

RMB 9.5/4隻, 好細隻架咋 ….不過當小食都 ok ~

再叫左一個 HK 冇既紫薯葡撻 $5.5 ~ 好正 !!! 真係好蕃薯味 !!

0係 KFC 食完野, 我地就0係附近周圍行下 ~

呢個 area (中信城市廣場) 酒吧林立 , 夜晚應該好熱鬧 ~

隊長見到書城, 於是我地入去逛下 ~

裡面好大架, 有成 5 層樓, 隊長陪二等兵找一 d 整蛋糕既書, 好平呀, 廿幾蚊就有本啦 !! 仲要係光面既紙質 tim ~~ 另外, 仲買左一本 $19.8 既 “家常小炒” 俾媽媽 tim ~~~

嘩, 鄧小平畫像呀!!!

二等兵 : “隊長, 我要同鄧小平合照 ~~”

不經不覺就行到黎荔枝公園, 見到有人榨蔗汁 (RMB 2), 隊長又話想飲 ~~ 開頭都驚驚地架, 但好甜啊 !!

黎到荔枝公園啦 ~~ 估唔到呢到幾靚架喎 ~~ ^^

又有小橋, 又有流水, 仲有個亭台樓閣 tim ~

好攪笑, 呢個係咪風車黎架 ??

我地行行下既時候, 見到呢座大廈好薄, 行到埋黎一睇, 原來係 Panasonic ~

仲見到深圳証劵交易所 ……

咦, 又有個書城既 ?? 邊個先係堅架 ??

黎到我地今日既目的地 - “大劇院站” 喇 !!! (黎到做乜野 ?? 下回分曉 !!!)

0係大劇院站上蓋既萬象城, 竟然見到 “菇池” 專門店…….話時話, 0係大陸用真既 Gucci 會唔會俾人當老翻架呢 ??

(待續……)