話說我地之前都食過 “帝后殿” 喇, 都幾啱口味呀, 星期一至四, 收費 $198/位, 有 85 折, 加埋茶芥, 加一, 實俾 $201/位 ~ 但係上次見到星期五既 menu 有隊長至愛既醉雞同燻蛋喎, 不過星期五就冇折 ~ 點知今日下午, 二等兵口多多叫 “帝后殿” fax 張 menu 來, 係上次見到嗰張 menu 呀, 於是我地就二話不說 book 位 lu ~
前菜係毛豆, 隊長一啖都無食過, 二等兵貪得意食左粒, 咸咸地, 其實無乜問題既, 只不過想留返 quota 食正餐 ~
宋嫂鮮魚羹 - 夠熱, 味道 OK !! 仲 encore 左一次 tim ~
海鮮酸辣湯 - 唔太辣, 幾好味, 但唔夠熱 ~
必叫既拼盤, 今日有 : 花彫醉雞, 茶葉燻蛋, 脆皮素鵝, 怪味豬手, 青瓜拌鮮腐竹, 麻醬海蜇粉皮 ~
逐樣講下先 :
花彫醉雞 - 超入味, 仲要係好濃既花雕味, 真係 very good !! 二等兵飲左兩三啖醉雞汁有少少 wing wing 地 tim, haha …
茶葉燻蛋 - 必食既上海名物, 好鍾意呢陣煙燻味 ~
脆皮素鵝 - 包住 d 茹類, 雖然夠脆, 但幾樣野中呢個最失色 ~
怪味豬手 - 少少辣, 冇骨, 好味, 必食 ~
青瓜拌鮮腐竹 - 無特別 ~
麻醬海蜇粉皮 - 又係好正既麻醬味, 必食 ~
另一上海菜名物 - 蜜汁烤雙方
通常响上海店食呢味餸都好貴, 難得呢度任食, 梗係要叫多幾件啦 !!!
第二 round 已經要 encore 燻蛋 & 醉雞, 真係好好好味 ~
雞仔 : “又雞, 又蛋, 今次玩埋親子 tim 吖 …. 哼 !!!”
鎮江醋排骨 - 即叫即煮, 無得頂, 又唔會炸得好乾, 有肉汁 !!
4 件少少地, 但試下味先嘛, 唔夠可以再叫 !!!
再黎一人一件蜜汁烤雙方先 ~ 夾飽即叫即蒸, 熱辣辣, 正 ~
被隊長認為嘥 quota 既 - 醬燒茄子 ~
其實幾好味架, 不過因為隊長屋企成日整, 所以佢話嘥 quota lor ~
encore 既宋嫂鮮魚羹, 隊長獨享 ~
糟溜魚片 - 開頭驚唔好味唔敢叫, 但二等兵堅持要試下呢味上海名物 !!
有淡淡既酒香味, 好味呀, 係雲耳有 d 失色 ~
encore 既醉雞, 燻蛋 & 麻醬海蜇粉皮, 都係咁好味 ~
又黎多兩份蜜汁烤雙方喇唔該 !! 今次幫我俾晒呢位先生 !!!
點解 d 醉雞食極都唔厭架 ?! 再黎多轉怪味豬手先 ~
芙蓉河蝦仁 - OK la ~
食中式既任點任食唔會食到好多款, 我地呢個時候都有 8 成飽喇 ~
係時候開始食甜品先 ~!!!
除左鮮果碟外, 其他每樣一人一款 ~
蜜瓜西米露變左哈蜜瓜西米露 (凍), 唔太甜, 啱晒二等兵口味 !!
而杏仁茶 (熱) 亦好好味呀, 啱晒隊長口味 !!!
杞子桂花糕, 甜得過份, 唔掂 !!!
高力豆沙 - 即叫即做, 好味, but 小豆沙, no good ~
呢個時候已經飽到上心口喇, 鬆鬆你埋單啦 !!!
Total : $402.6
very good 既一餐 ~
雖然唔會食到太多野, 但大部份都係好好味呀 ~
沒有留言:
張貼留言