Caesar Salad

二等兵早幾日打開雪柜, 發現屋企多左幾支 “來路” 沙律醬, 二等兵不嬲最喜歡食沙律喇, 仲要係特別鍾意食屋企唔會整既菜沙律 tim, 於是為左唔好嘥左呢幾支沙律醬, 就特登走去買幾包沙律菜返黎撈撈佢 ~~

中間果支係凱撒沙律醬, 左右兩支分別係意式同希臘味道既沙律醬, 唔知邊種好味 d 呢 ??

為左呢幾支醬, 又走去 Taste 買左包麵包粒, 好味架 ~

點知, 去左兩間 Taste 都無一包包既沙律菜賣, 激死人喇, 於是今日放工行去 IFC 既 Citysuper, 唔會無喇掛 ?!

一心諗住買羅馬生菜同火箭菜, 揀緊邊包好既時候, 突然眼前一亮, 因為呢包原價 $49 既羅馬生菜連醬減價 !!!

個心 15/16, 買唔買好呢 ??

雖然呢度寫住尋日 (8/11) 到期, 但其實袋既原標籤係 14/11 先到期, 好, 殺你 !! 買返包先 ~

另外買左包澳洲火箭菜俾果兩支意式同希臘味道既沙律醬, 呢包就聽日先試喇 ~

一包菜都 $34.5, 如果隊長0係度肯定叫二等兵唔好買 @@

好喇, 今晚整 Caesar Salad 先 ~

一包大約有一湯碗, d 菜有少少生鏽, 特價野係咁喇 …

內附一包麵包粒, 一包醬料 & 一包蒜蓉粉 ~

加埋呢種專係 for Caesar Salad 既咸魚仔先, 簡直有畫龍點精既效果 !!!

記住撇左 d 油呀, 唔係肥 “屎” 喇 ~

撈完一輪後, 好快就食得喇 ~

呢個份量如果飯後睇電視果陣吃, 一個人就多得滯, 兩個人又唔夠食, 雖然貴就貴 d, 但好味呀 ~~~