過左羅湖關口之後, 網友教搭一個站地鐡, E 出口一出就係 !! 但隊長話識行過黎, 咁我地當行下街咁, 點知唔覺唔覺, 15 mins 內已經行到喇 !!! 連一個站車錢都慳返 !!! 隊長抵讚 !!!
我地 5:30 pm 黎到門口, 睇下價錢先, RMB 98 係星期一至五, 星期六, 日就係 RMB 118, 餐牌內除了最尾一頁外, 其他全部都係任食兩小時, Go Go Go !!!
題外話, 分別有不同侍應問了我地幾次有沒有優惠劵, 各位如果知邊度有優惠劵, 麻煩告知一下~~~
環境都坐得幾舒服 !!!
5:30 pm 入坐都係得幾個人, 坐到約 7:30 pm 鐵板位置已經坐滿, 而卡位都約 8 成滿, 而觀察所見, 接近 9 成都係內地人, 好少 HK 人 !!
我地揀了鐵板前面既坐位, 雖然會有油煙味, 但係勝在夠風味嘛 !!!
不過坐低之後見到原來個抽風响呢個位置, 咁就唔會吹晒 D 油煙去我地果邊啦 !!! Good !!!
蒽花同蒜蓉, 俾廚師煮既~~
先黎個刺身 “浪” 下口先~~ hehe~ 叫幾多俾幾多, 無呃秤 !!!
呢個係服務員勁推介既燉烏雞湯, 足料, 熱辣辣 !!! 隊長成盅黎, 有無流鼻血吖 ???
魚翅湯, 無味, 有 D 腥, no good…
Kirin 麒麟啤 & 雪梨汁 ~
好喇 “技司” (廚師) 開始炮製食物俾我地喇 !!!
煮緊乜 ??
唔駛一陣已經食得 !!!
銀鱈魚, 正 !!!
勁正既帆立貝 & 青口 (芝士 / 蒜蓉) ~
清酒煮蜆, 無乜味, 一般啦 ~
沙律蝦 ~~
虎蝦, 沙律蝦 & 帆立貝 encore !!!
炒露荀 ~
服務員見二等兵飲晒杯雪梨汁, 主動問要否再叫 ?? 服務真係唔錯 !!! 於是二等兵點了西瓜汁 ~~ OK 好味 ~
隊長至愛, 羊架 !!! 勁正, 佢今晚總共食左 3 件 !!!
鐵板豆腐, good good ~
牛肉薄燒, 中間包著鮮冬菇, 味道好夾 ~ (encore 咗 4 次)
牛油焗蝸牛, 唔錯 bor !!!
呢個係鵝肝蒸蛋 ~
其實味道同蒸水蛋無乜分別 ~~ 一般 la !!!
牛肉薄燒 & 虎蝦 encore, 食得 !!!
隊長隊左成支麒麟啤唔夠喉, 嚟多支朝日啤 ~
二等兵本來想叫芒果汁, 難得服務員話芒果汁無咩味, 二等兵梗係即刻轉軑啦 !!! 左諗右諗就叫了橙汁, 但好明顯唔係鮮榨橙汁, 而係橙汁粉開水既味道, 有點知康鈣 C 既味….
encore 羊架 !!!
戲肉黎喇, 飯桶隊長本身已經係一個飯桶, 佢話想食炒飯之餘, 仲想見識下技司用鐵板炒飯既功架 !!! 我地一見呢碟冷飯心諗, 睇黎都唔會有人叫呢 d 食得飽飽既炒飯, 點知成晚除左隊長之外, 仲有一位客人叫炒飯 !!! 我地仲留意到, 炒飯係要由一個高 “呢” d 既 “高級廚師" 黎炒架 !!! 可能因為普通廚師未夠 “呢” 掛 ??
為左滿足隊長既要求, 所以下列要 post 多幾張炒飯既連環圖出來 !!!
叉呀叉, 叉鬆 d 飯先 !!!
唔使幾下手勢已經有眉目喇!!!
幾有動感~~
攪掂 !!! 食得 !!!
二等兵只係食左一啖, 其餘由隊長獨享 !!! KO !!!!! 話時話碟炒飯好正呀 !!!
炒飯可以配牛肉, 海鮮 or 蛋 !! 隊長呢份係牛肉炒飯 !!!
二等兵已經開始食甜品~~~
呢個係芒果沙律 !!! 估唔到係半個芒果上碟 !!!
芒果西米露, OK 啦, 隊長都 encore 咗一次 !!
呢個都係服務員推界既紅酒燉雪梨, 紅酒味澀澀地, 所以整體上麻麻 ~ 不過個樣整得幾靚 ~
夠晒凍既可樂 ~~~
大家請將注意力 focus 响前面條蕉度 !!!
事關呢個炸香蕉冰淇淋實在太好食 !!! 雪糕球係香草味 (雲呢拿), 味道都幾夾 ~~
食完一份唔夠喉, 立即再 encore !!! 不過大家叫既話要留意, 因為製作需時, 條蕉係要慢烤先有呢個效果架 !!!
今次呢個係配草莓雪糕 !!!
食左兩份, 心思思又想叫, 隊長話不如叫多兩份 !!!
今次呢份等左接近 40 mins !!! 二等兵本來等到有點不耐煩, 但後尾覺得等耐 d 都值得 !!! 點解 ???
因為廚師開始玩花臣囉 !!!
頭先果兩份放左雪糕上面之後, 就即上俾我地食, 但今次明顯有攪作!!!
全場注意力即刻去晒二等兵前面呢個廚師 !!!
呢兩件用火燒過既香蕉雪糕正過頭先果兩件好多, 真係必食之選 !!! 不過芒果味雪糕就一般 la !!!
最後服務員問要唔要吃點水果, 梗係好啦 ~~~ 2 份生果盤吖, 唔該 ….. !!!
我哋既戰績 …….
原本話限食 2 hrs, 最後食左接近 4 個鐘 (5:30pm - 9:15pm), 服務員先話 “用膳時間快到喇”, 我地梗係識做埋單啦 !!!
Total : RMB 236, 一定會再 encore !!! 多謝網友推介 !!!
沒有留言:
張貼留言