添飯小廚 @ 西環

今日黎到大半年都無黎過既添飯小廚開餐先 ~

今次我地唔散叫喇, 叫左一個二人餐 ($98), 包括 : 湯兩碗或飲品兩杯, 小菜兩個, 同埋白飯兩碗 ~

今晚既例湯係眉豆花生煲雞腳, 又係好媽媽 feel, 同埋夠晒熱, 好正 ~

二等兵無啦啦心血來潮叫左呢個豉汁蒸魚雲吖 ~

其實呢, 隊長係唔食淡水魚架, 但佢竟然任由二等兵霸佔左一個餸既 quota 叫蒸魚雲, 抵錫 !!

不過魚雲一般啦 ~ 要嗱嗱臨趁熱食, 唔係凍左就腥腥地 ~

二等兵叫左個蒸魚雲後, 另一個餸梗係要俾隊長話事啦 ~

佢叫左呢個腐乳蒸雞 ~

雞仔 : “哼 !! 你又食我 ?!”

鬆鬆 : “雞仔, 你睇開 d 啦 !!”

雞好滑吖, 又夠腐乳味, 正 ~

呢兩個餸係咪好住家 feel 呢 ~

Total : $98 (免加一)