味皇魚蛋粉 @ 炮台山

今日終於完成咗我哋第二個任務喇, 任務完成都已經 20:30 pm 喇, 超勁肚餓呀, 於是我哋求其响附近搵間茶餐廳醫肚 ~

嚟到呢間味皇魚蛋粉, 雖然叫 “魚蛋粉”, 但見到門口都有啲晚餐先走入去, 我哋咁肚餓, 唔食晚餐唔掂呀 !!

叫咗一個晚餐 A, 一個晚餐 C, 餐湯揀咗一紅一白 ~

呢個係是日晚餐 A - 戴安娜汁牛仔柳 + 煙肉 + 磨菇腸配意粉 ($37)

估唔到呢個戴安娜汁係黑椒, 真係開正隊長果瓣呀 !!

隊長呢個係晚餐 C - 秘製咖喱焗牛腩飯 ($40)

佢話不過不失 ~

隊長例牌飲凍奶茶 (凍飲 + $2), 二等兵揀咗柑桔蜜 ~

Total : $79

希望嚟緊既任務可以順順利利啦 !!