Blogger Gathering 之 松家 @ 中環

又到幾個月一次既 blogger gathering !!

好難得我哋幾個因為日本而認識既網友, 第一次在日式餐廳舉行 blogger gathering !! 都係 Joey 心水清 !!

今日揀選既地點係二等兵同隊長好鍾意食既松家 !!

因為我哋好想試吓多啲人食放題, 擺到成枱都係食物既滋味 !!

好多謝各位 blogger 遷就遷就 !!

Oh no … 松家加便了 ~  時段亦有不同 :

舊時段及價錢 :

17:30 - 20:00 (2 hrs 30 mins) $198 + 10% = $217.8
18:00 - 21:00 (3 hrs) or 20:00 - 23:30 (3 hrs 30 mins) $238 + 10% = $261.8

新時段及價錢 :

17:30 - 20:30pm (3 hrs) $228 + 10% = $250.8
18:00 - 21:15pm (3 hrs 15 mins) $248 + 10% = $272.8

頭輪貴咗好多呀 !!

好喇 ~  睇吓我哋吖咗啲乜先 ~

牛脷 ~ 啲黑椒好惹味 ~ 好正 ~

嚟個刺身拼盤先 ~ 夠新鮮 ~

燒帶子 ~

羊架 ~

蝦、南瓜、蕃薯天婦羅 ~

男仕們好鍾意既沖繩啤 !! 超市賣好貴一罐呀 !!

另外仲有清熱飲 ~ 响便利店賣緊接近十蚊一樽, 趁呢個任飲時候試試先 ~

結論: 咸咸哋, 甜甜哋咁, 幾得意 !!

薄燒牛肉 ~

炸黑豚 & 明太子雞翼 ~

雜果沙律 ~

蟹籽沙律 ~

咁高興, 再嚟多份刺身先 ~

蜜桃特飲 ~

刺身 encore !! 不過今次重點出擊 !!

嚟多次薄燒牛肉 ~

好大堆頭既天婦羅 ~

啲雞腎真係好好味 ~

炸黑豚 & 明太子雞翼 again ~

牛脷 ~

刺身、刺身、刺身 !!

食咗咁多轉薄燒牛肉都唔厭既 ~

鮮果沙律 ~

大家知道隊長係飯桶, 個個都話要叫飯俾隊長~

海膽炒飯 & 三文魚炒飯 ~ 食落無咩分別 ~

燒帶子 ~

估唔到呢個時候, 基少同 Tiffany 仲可以食得落烏冬同拉麵 !!

Joey 叫既冷 soba !!

幾好食既煎餃子 ~

Joey 見基少同 Tiffany 食得咁開心, 佢都叫咗一碗 ~

食到尾聲, 當然唔少得既係雪糕啦 !! 我哋直情係留肚食架 !!

大滿足 !!

大家都覺得今日 table for six 有傾有講係食得多過平時 table for two !!

加上今日笑住食時間過得特別快 !! 期待下次 blogger gathering !!

青藏牛肉麵 @ 北角

隊長又上網搵食, 見到呢間啲評語唔錯, 於是今晚帶隊開餐 !!

店舖開响內街度, 都幾隱閉, 都唔明隊長點解識嚟架 !!

睇吓食乜先 ~

二等兵叫既青藏牛肉拉麵 (普通, $29)

湯底唔錯, 生牛內浸浸佢, 食起上嚟幾滑, 蘿蔔一啲味都無, 但好彩枱面有蒜蓉同醋, 解決咗蘿蔔無味既問題 ~

值得一提係, 湯麵附上大量莞茜, 唔食莞茜既朋友要留意喇 !!

隊長一心想叫酥炸雞排飯 ($39), 但可惜 19:00 pm 嚟到都賣晒, 於是改叫青藏羊肉拉麵 (普通, $29) ~

湯底同牛肉麵一樣 ~

羊肉酥酥哋, 鍾意羊酥味既朋友應該會覺得唔錯 ~

本店名物之一 - 青藏蒜蓉燒茄子 ($23)

話時話, 真係幾惹味 ~

不過都幾辣架 !! 二等兵食到伸晒脷 ~~

等咗好耐都未黎既孜然小羊架 ($28), 點解等咗咁耐呢 ?? 據聞整好之後, 師傅跌咗落地, 所以要再整過 !!

咁佢都算好喎, 跌咗落哋都無照俾我哋 !! 哈哈 ~

一上桌即刻聞到好香既羊酥味同香草味 ~

食落真係好得 !! 好嫩, 又夠入味 !! 好耐未食過咁正既羊架 ~

Total : $109

正喔 ~ 下次要試吓厚切羊架同朱古力烤香蕉先 !!

豚王 @ 銅鑼灣

又繼續做無飯煮婦。

隊長見 Happy Friday, 提議嚟到銅鑼灣豚王。

其實中環嗰間出晒名人多, 每次都要等上 2 hrs 以上, 所以我哋好想試吓, 但又無呢個耐性等位喎, 於是嚟到較少人排隊既銅鑼灣店試吓先 ~~

唔知係咪時間尚早呢, 一嚟到條龍只係得兩截咋喎, 但好攪笑喎, 第二截龍離行離喇咁, 第二條龍頭無啦啦响當舖隔嚟, 唔係佢話我哋知我哋一定唔會知嚟條龍係排緊豚王 !!



排咗唔使 5 mins 已經可以剔定食乜 !!

二等兵例牌食返本店名物 ~

本來二等兵好鍾意食味噌 ga, 但佢寫住辣, 又唔敢叫喎 ……..

隊長本身想食赤王, 但因為喉嚨不適, 所以二等兵唔俾佢食 ~

佢見唔食得赤王於是揀了黑王, 但點知店員話完売 …….

結果佢同二等兵一樣, 揀返豚王啦 ~

Total 排咗唔使 10 mins 就可以入坐喇, 好嘢 ~

枱面有啲前菜 ~

左邊呢杯辣辣哋, 好惹味, 右邊啲芽菜都好正 ~ 店員仲不停 refill tim, 唔怕唔夠食 !!

溫泉蛋 ($15) ~ 睇吓有幾 “溫泉” 先 ~

嘩嘩嘩 ~ 隻溫泉蛋真係好流心 !! 十個讚 !!

 

隊長叫既豚王 ~

二等兵叫的豚王 ~

其實兩碗味道分別不大 ~

湯底好濃厚豬骨味, 麵條屬幼麵條, 索晒啲汁真係一流 !!

隊長 KO-ed !!

真係好正宗 ~ 我哋都即時 recall 返在日本時吃的拉麵記憶返嚟 !! 

Total : $165 (免加一)

黑人牙膏 之 鬆鬆碗

上星期二等兵突然問隊長 : “咦, 隊長, 你用唔用黑人牙膏架 ??”

隊長 : “用 !!”

二等兵 : “其實我唔鍾意架, 不過又唔會唔用既, 但有得揀, 我會揀高露潔囉 !!”

唉, 唔講由自何, 一講呢 …… 二等兵就見到有呢 set 黑人牙膏套裝推出喇 !! @@

兩支 250 g 黑人牙膏 + 鬆鬆碗 (全三款) = $36.9

其實我哋响入伙時, 已經好想買一 set 鬆鬆碗俾自己, 但啲日本版鬆鬆碗好貴啊, 成八十幾九十蚊一隻 ……. 當然無買啦 !!

而家 $36.9 除咗有飯碗外, 仲有兩支牙膏 tim, 好抵呢 !! 要嚟粗用都唔使咁肉赤 !!

隻飯碗揸上手略為大咗啲 ~

一隻藍色一隻粉紅 ~ 啱晒我哋 ~

買咗兩 set 後屋企突然多了 4 支牙膏, 本來二等兵 “賴” 醒話不如一支俾阿媽, 一支俾奶奶, 點知原來大家都嫌棄用黑人牙膏, 於是二等兵打消了買埋第三款鬆鬆飯碗既念頭 ……….

蕃茄薯仔甘荀湯

一直都好回味阿媽煲既蕃茄薯仔湯, 而家自己有頭家, 呢期又因某啲事而返唔到屋企, 於是自己動手啦 …….

响街市買咗三個蕃茄、兩個薯仔、一條甘荀、一個洋蔥。

本來想買碎牛肉的, 但呢期唔食得牛, 於是就咁煲蔬菜湯清清哋 !!

好味 !! 但始終飲唔返阿媽煲嗰種味 !! 因為阿媽會煎香條魚, 煲到啲湯變奶白色 !! 但係隊長唔飲魚湯, 甚至唔俾人在屋企煎魚的 !! 所以要飲返阿媽煲嗰陣味, 就一定要返阿媽度飲喇 ……………

原味創意廚房 @ 西灣河

呢排屋企缺乏大廚, 真係出街食飯都食到唔知食乜好……….

但返工既日子自然唔想買餸、煲飯、煮餸、洗碗、搞衛生啦, 於是繼續做無飯煮婦 @@

食嚟食去都係嗰幾間, 今日一於發掘吓啲新食肆先 !!

落到嚟西灣河, 行到嚟成日都掂行掂過既日本嘢, 不如入去試吓咯 !!

坐低叫咗兩個晚餐 ~

晚餐包前菜及味噌湯。

前菜係螺肉 ~

味噌湯裡原來有烏冬 ga, 熱騰騰, 無乜味噌味, 但好有魚湯味 !!

二等兵叫了粒粒魚生飯 ($55)

好多款魚生粒粒, 分量亦足料, 讚 !!

隊長叫既蟹腳蟹肉飯 ($55)

蟹肉非一般蟹柳, 飯類有麻醬及蟹籽等配料做醬料, 好味 !!

飯後有兩粒糯米糍, 食過有芝麻味、朱古力味及咖啡味, 啲味幾特別 !!

Total : $121 (已包加一)

呢間已經成為我哋長期侵略既目標 !!

P.S. 18:00 - 19:30 前埋單, 散叫食物有 85 折 !!