黑人牙膏 之 鬆鬆碗

上星期二等兵突然問隊長 : “咦, 隊長, 你用唔用黑人牙膏架 ??”

隊長 : “用 !!”

二等兵 : “其實我唔鍾意架, 不過又唔會唔用既, 但有得揀, 我會揀高露潔囉 !!”

唉, 唔講由自何, 一講呢 …… 二等兵就見到有呢 set 黑人牙膏套裝推出喇 !! @@

兩支 250 g 黑人牙膏 + 鬆鬆碗 (全三款) = $36.9

其實我哋响入伙時, 已經好想買一 set 鬆鬆碗俾自己, 但啲日本版鬆鬆碗好貴啊, 成八十幾九十蚊一隻 ……. 當然無買啦 !!

而家 $36.9 除咗有飯碗外, 仲有兩支牙膏 tim, 好抵呢 !! 要嚟粗用都唔使咁肉赤 !!

隻飯碗揸上手略為大咗啲 ~

一隻藍色一隻粉紅 ~ 啱晒我哋 ~

買咗兩 set 後屋企突然多了 4 支牙膏, 本來二等兵 “賴” 醒話不如一支俾阿媽, 一支俾奶奶, 點知原來大家都嫌棄用黑人牙膏, 於是二等兵打消了買埋第三款鬆鬆飯碗既念頭 ……….