哥登堡餐廳 @ 土瓜灣

侵略完雲泉仙館, 我哋去咗旺角行街街, 之後再侵略土瓜灣既 哥登堡餐廳 ~

好彩早一步嚟到咋, 到咗 6:30 pm 左右, 已經有一堆人排隊等位喇 ...

叫咗兩個自選晚餐 ($70 / set ) ~

$70 包括 : 餐包、餐湯、前菜、兩款主菜、餐飲及甜品, 一個字 : "抵"~

餐湯例牌一紅一白 ~

餐包兩個 ~

前菜每客七選一, 我哋揀咗雜果沙律 & 法式焗田螺 ~

主菜可以雙拼, 真係估佢唔到 !!

一客牛扒拼雞扒 ~

另一客吉列石斑拼豬扒 ~

呵呵, 有 "吉列魚", 二等兵恨咗好喇 !!

餐飲揀咗紅豆冰 & 雜果賓治 ~

仲有甜品吖, 真係飽到唔郁得 !!

今時今日呢類懷舊扒房真係越來越少了, 仲可以維持呢個價錢, 希望繼續 keep 住吖 !!

侵略雲泉仙館 @ 上水

响榮昌茶座食飽飽, 我哋就出發侵略雲泉仙館啦 ~

今日真係郊遊既好天氣, 人唔多, 環境清境, 感覺幾舒服 ~

啲花好靚呀 ~

我倆的無聊影 ~

啲環境幾靚吖 ~

咁多龜既 ~

因為唔啱季節, 荷塘啲荷花謝晒 lu ~

呢個亭好古裝片 feel 呀 .........

隻龜好攪笑, 曬太陽曬到撐起晒對腳 ~

繼續四圍侵略 ~

本來諗住响度食齋菜既, 但見價錢都幾貴, 於是撤退 lu ~

榮昌茶座 @ 上水

二等兵見秋高氣爽, 提議去郊遊一吓 ~

隊長見到呢間 榮昌茶座 覺得幾唔錯, 於是提議去粉嶺、上水一帶郊遊 ~

今朝一早起身就出發 lu, 隊長鍾意坐巴士, 於是我哋坐巴士 (968) 去元朗, 再轉巴士 (77K) 到上水 ~

牆上貼滿明星相, 包括阿倫, 阿叻, 阿蘇等人 ~

叫咗一杯凍檸茶 (跟餐 +$3) 同一杯紅豆冰 ($22) ~

呢個就係連餐叫既白汁碎蛋牛角包 ($33) ~

另外散叫咗一個豬扒包 ($26) ~

兩個包都好好食 ~ !!

埋單盛惠 $84 ~

隊長不禁一句, 坐咗三個鐘頭車, 入嚟只係為咗食個包 ......

侵略澳門 2013 (Day 2)

各位團友早晨, 一起身去邊度食早餐好呢 ~

隊長帶隊嚟到 南屏雅敘 ~

早兩日睇電視話, 據聞呢間係澳門最早有 "冷氣開放" 既餐聽, 唔知係咪真架呢 ~

必叫既有南屏文治, 另外叫咗個奄列, 沙翁, 凍檸茶同凍奶茶 ~

南屏文治果然係本店名物 ~

食完早餐, 行到附近既 洪馨椰子 買杯雪糕食吓先 ~

一杯係椰子雪糕 ($16), 一杯係芋頭雪糕 ($16), 其實 $16 一少杯都幾貴吖 ~ 本身 expect 會好香椰子味同芋頭味, 但最後都好失望 ~

返酒店玩吓個按摩池同 steam room, 又飲吓飲品咁 hea 吓, 都夠鐘 check-out 了 ~

勁呀, 兩日裡面, 我哋飲淨罐蕃茄汁, 其他俾我哋 KO-ed 晒 .......

Check-out 完我哋又四圍行吓 ~

哇 ~ 二等兵真身呀 ........

 行到嚟永利又影吓相先 ~影返去對面的葡京 & 新葡京 ~

下一站我哋嚟到金沙城 ~ 上年嚟都仲未有, 今次無乜嘢做就嚟參觀吓囉 ~四圍都係美國的卡通人物 ~

好有園林氣息 ~

閒遊咗大約 1.5 hrs, 我哋又坐返免費 shuttle 去新馬路附近 ~

哇 ~ 原來瑪嘉烈下午 4:00 pm 的戰況係咁激烈, 我哋每次都係一到埗就嚟食, 所以未見過呢個情境 .....

响十月初五街裡的 牛記咖喱美食, 估唔到係米芝蓮 .....

咖喱牛腩麵 & 雲吞麵 ~ 

頭先碗咖喱真係名不虛傳, 辣到咩咁 ..... 於是又嚟 榮記荳腐麵食 踩場 ~

今日星期日, 條街都幾熱鬧吖, 仲見到有街邊車仔檔 tim ~

响香港呢啲車仔檔真係買少見少了......

好喇, 係時候食個 early dinner, 之後就返香港喇 ~

嚟到 譚家魚翅 ~

叫咗一客石窩中鮑翅 ($55) ~

鮑汁生菜 ($28) ~

仲有呢個鮑羅萬有 (乾鮑) ~

埋單盛惠 $361 ~

返到酒店攞返寄存的行李, 就坐酒店安排既七人車去碼頭 ~

响 "羅信記" 同 "最香餅家" 買既手信, hehe ~

一年一度既秋季大旅行又結束 lu, 多謝各位團位支持 !!