侵略澳門 2013 (Day 1)

又到軍曹旅行社一年一度秋季大旅行的時間, 今年仍然係澳門之旅 ~

預先 book 咗 8:00 am 的船飛, 由於隊長同二等兵都習慣會預早少少的, 所以我哋早到咗就坐 7:45 am 的船 ~

原來豪華位都有候船室既 ~ 點解舊年唔多覺呢個候船室既 ~?

其實豪華位同普通位既分別係, 多咗一份餐同埋會優先落船囉 ~ (P.S. VLT 係私伙的)

時間既關係, 隊長同二等兵已經到達澳門喇 ~

我哋首先到酒店辦理 check-in 手續, 由於時間尚早, 仲未可以攞房, 於是我哋寄存行李後就出發喇 ~

第一站去到酒店附近的 瑪嘉烈 食葡撻 ($8), 仲叫咗一支檸檬汁 ($12) ~

侵略完瑪嘉烈後, 我哋坐巴士到路環 ~

第一站嚟侵略 漢記咖啡 ~

呢度都幾原始 feel 架, 係露天茶記嚟 ~ 其實都幾多烏繩同蚊架, 怕既朋友要留意喇 ~

漢記最出名係手打咖啡 ~

原來仲用緊炭爐, 唔怪得 menu 上注明 "食物製作需時, 請耐心等候" 啦 ~

今時今日仲用緊炭爐嚟製作, 真係買少見少喇 ~

好懷舊既茶壺 ~

叫了一個雞扒麵 ($25)、豬扒包 ($17)、凍檸茶 ($12) 同埋呢度最出名既手打咖啡 ($13) ~

杯咖啡果然係呢度既名物, 真係名不虛傳 !!

食飽飽我哋就四圍行吓先 ~ 行出嚟見到呢條路感覺好荒蕪的, 而漢記就好似一間隱世茶居咁隱居在一角 ~

原來呢區係船廠嚟的 ~

行到嚟路環碼頭 ~

四圍影吓相先 ~

橫琴一帶 ~

呢幅畫真係好 3D 呀 !!

嚟到路環, 梗係要幫襯下 安德魯餅店 啦 ~

响路環玩咗 1.5 個鐘, 我哋又返去新馬路附近, 隊長話不如去咗 最香餅家 買杏仁餅先 ~其實我哋上年見到網友介紹呢間杏仁餅, 於是我哋又買嚟試吓啦, 結果真係好有碳燒風味, 於是今次再 encore ~

今次侵略澳門既另一玩意, 就係侵略 "羅信記" 景點 !!Check Point (1) - 龍福旅館 ~ 呢, 倀雞英開嗰間呀 !!

真係食唔停 ~ 路過見到 保健牛奶公司 又嚟侵略吓先 ~

哈哈, 又包場,叫咗雙皮奶 ($21) & 燉蛋 ($20) ~

Check Point (2) - 鉅記 ~ 真係當正自己叫做羅信記咁喎 ~

Check Point (3) - 羅信記舖頭 ~ 原來佢間舖响度架喎 ~

因為未夠鐘 check-in, 我哋又四圍行吓 ~

今日好好天吖 ~

侵略吓 檸檬車露 先 ~

好多款味, 好吸引吖 ~

買咗檸檬味同番石榴味 (兩味 : $35), 好正 ~

响附近的教堂見到有人行禮, 又走去八吓先 ~ 點知見到花車公仔係 LINE 呀, 好可愛吖 ~

真犀利, 咁都俾佢搵到呢 set 結婚公仔 ~

行行吓嚟到 潘榮記, 乜咁多人圍住既 ~

原來睇伯伯整餅 ~

真係食唔停, 行到嚟十月初五街附近, 見到 榮記荳腐麵食, 啲豆腐花好似好正咁喎 ~於是叫咗兩碗凍豆腐花 ($6 / 碗) 同埋一杯豆漿 ($5.5) ~結果真係好滑, 好香豆味 !! (明天仲 encore 咗一次 tim !!)

行返去南灣一帶, 隊長話上次嚟到 葉熾記勁秋美食 例休 (星期日休息), 今次幾大都要再嚟侵略 !!

牛脷包 ($16), 豬扒包 ($18) & 奶茶 ($11) ~ 正 ~

咦, 原來 10 月下旬已經開始為下個月既賽車做準備啦 ~

夠鐘攞房了 ~

間房好大 ~!!

衣帽間 ~

bathroom 有 steam room 同埋按摩浴缸 ~

廁所內有獨立電視, 連洗手盆上面都另有獨立電視, 即係成間房 total 有三個電視呀 !

房間內的飲品是任飲的, 但要 keep 返個樽 / 罐在房內 ~

响酒店 hea 咗一陣, 我哋就出去食晚餐 lu, 揀咗在氹仔的 六棉酒家 ~

杏汁豬肺湯 ($75)、燒汁鴨舌 ($45)、欖仁桂花炒瑤柱 ($88) ~

仲有今晚既重頭戲 - 登登登登 - 澳洲鮮鮑魚 (兩頭, $480 / 隻) ~

啲菜加埋啲鮑汁, 正 ~

奉送甜品 - 好香陳皮味既紅豆沙同粟米糕 ~

食飽飽出去散吓步, 行到嚟我哋另一 target - KAFKA ~因為時間都唔早, 所以已經無乜選擇了, 只得四款揀, 都啱口味, 於是我哋 take away ~

原來今晚月圓呀 ~

返到酒店已經急不及待試吓兩件好靚既 cake ~

一款係都路里抺茶紅豆 ($38), 另一款係蒙馬特心情 ($38) (外層是榛子, 裡面包著焦糖燉蛋) ~

果然有樣有內涵 ~

响酒店小休一陣, 隊長又再戰 不夜天 !! 

吓 !! 今日已經係第 N 咁多餐喇 ..... 睇嚟佢真係好有戰鬥力 !!其實係對右邊呢個焗豬扒飯念念不忘, 點知今晚焗得過火了, 有啲失望 ~

食飽飽又四圍走走, 不如試吓部相機有無退步啦, 於是又用咗夜境 mode 影吓賭場燈飾 ~

酒店內的擺設 ~

今日玩咗成日, 大家都攰喇, 各位團位早啲瞓啦 ~