American Cheese cake@文華東方酒店

二等兵除左係壽司怪之外, 仲係一名芝士怪 !! 而响二等兵既甜品榜裡面, New York cheese cake 一直穩佔第一位 !! 早兩年二等兵食過文華東方酒店既 Amercian Cheese cake 之後, 一試難忘, 上星期先同隊長 “暗示” 過, 今年生日想食丫~~~

今日隊長放假, 過黎陪二等兵食 Lunch 既時候, 帶埋份手信過黎 !!! 好野 !!! 真係無花無假, 係文華東方既 cheese cake !!! 正丫 !!! 隊長心諗 : “唔通假架咩….. (from 文華冰廳) “

個盒好靚丫 !!

其實二等兵一向只認識 New York Cheese Cake, 但文華呢件係叫 “American Cheese Cake”, 其實兩者有何分別呢? 於是二等兵就在網上找答案!

其實兩種的芝士 cake 的樣子是差不多的,但其實 American Cheese Cake 的牛油味係比 New York Cheese Cake 係重好多的！!

而 American Cheese Cake 是沒有酸忌廉（裡裡外外都沒有），但 New York Cheese Cake 就有酸忌廉（裡裡外外都有），所以 American Cheese Cake 係比 New York Cheese Cake 更加有口感和更加重味道的！

隊長買左 3 件, 本來佢食一件, 二等兵食兩件既, 但係因為某個原因, 最尾攪到 3 件 cake 都由二等兵食晒……Sorry 呀隊長 !!!

點解件 Mango Mousse 會攪成咁架 ??? 咪因為二等兵囉…..粗粗魯魯咁, 就攪到佢咁喇……嗚嗚…………

呢件芒果 mousse 真係正喇!! 芒果味好香~ 又有芒果肉, d 蛋糕又好滑丫 !!! 正 !!!

戲肉出場喇 !!

兩件裝飾唔同, 但味道一樣~

真係正丫……香濃既芝士味, 口感一流, 真係食左咁多間 Cheese cake 最正既一間 !!! $32 件真係值回票價!!! 鍾意食 cheese cake 既話, 一生人真係要食一次 !!!

你地又冇無食過覺得係最好味既 cheese cake 呢? 可以介紹一下嗎 ??

隊長多謝你丫!! 本來你係買黎一齊食, 點知最後攪到自己無得食 !!! 下次由二等兵整俾你食啦 !!! 

——————————————-

同場加映………

隊長頭先因為某個原因放棄左自己件 cheese cake 後, 回到家裡竟然見到雪櫃有聖安娜蛋糕 !!! 無得食 $32 既 cheese cake…唯有食 $4 件果 d 啦 !!

個樣 not bad 喎, 隊長, 好唔好食呢 ??